الحذر من شغالات التنازل
 

بسم الله الرحمن الرحيم
اول شي حبيت اوضح للناس مشكلتنا عشان يكونو حريصين من ناحية الخادمات اللي يتم التنازل عنها
احنا اخذنا خادمه سرلنكيه من مكتب وجربناها فتره كويسه وكانت تردد طول هالفتره انها تبغى تجلس سنين مو بس فترة العقد وسبب تنازل الكفيل الاول وجود شغاله من نفس الجنسية وعدم اتفاق الشغالتين طبعا هذي كانت كذبه .. كانت يوميا تسألني اذا نقلنا الكفاله بحجة انها تبغى تتطمن انها راح تبقى عندنا لحد مااجا اليوم اللي نقلناها وخلصنا الاجراءات والمكتب لهف 27 الف واليوم الثاني اضربت عن العمل .. الواضح هنا انه كان اتفاق بينهم
رحنا رميناها في السفاره على اساس نخلص اجراءات الخروج طبعا قدمنا شكوى لمكتب العمل وكانو متفاجئين من المبلغ وقالو انه اساسا ممنوع يندفع هالمبالغ ووقفو خدمات المكتب واحنا منتظرين المكتب يرجع الفلوس والسفاره يوميا يتصلو قلنالهم مافييي خروج لحد مانستلم فلوسنا
الزبده ... لازم الحذر في مثل هالامور حتى لو كان في تجربة والنقطة الثانية لاحد يسكت عن حقه سواء من المكتب او من صاحب الشغاله الاول لازم شكوى ولا تسوي لاتنازل ولا تسفرها خلها تلبد في سفارتهم لحد ماتخيس وخااااااااصة الجنسية السرلنكية .. اتمنى تستفيدو من تجربتنا ..

في نقطة نسيت اذكرها .. الشغاله سوت نفسها مجنونه وتتبطح وتتسدح وتسوي امور مو طبيعيه طبعا كله تمثيل ولازالت تسوي هالامور حتى هناك في السفاره وطلعت نفس الحركات هذي سوتها قبل كذا وتم تسفيرها انا استنتجت ان المكتب هناك يعطيها مبلغ معين من مبلغ الاستقدام ويقولها كملي ثلاثه شهور وارجعي ..
اخيرا حسبي الله على كل مستغل لحاجة الناس وحسبي الله على اللي مضيقين علينا ولا فتحو غير دول غير مرغوب فيها والكلام كثير ولا شفنا اي تطبيق على ارض الواقع ولافي حفظ لحقوقنا احنا لا هنا ولا هناك .

صراحه اهنيكم ع اللي عملتوه و انكم ما رضيتو تسفروها حتى تاخذون حقكم، هذول السيرلنكيات يحسبون الناس لسه تصدق تمثيلهم الاهبل، من مليون سنه و هم يسوون نفسهم مجانين لا بغو يسافرون

معروف المثل قالها
لو فيها خير ما عافها الطير
يعني هالايام من يعاف شغاله
اذا استقدامها مبلغ وقدره
وانتظارها يعل القلب
فلما تجي يفرط فيها بكل سهوله
والاعذار هي نفسها
جات خدامه ثانيه ومانحتاجها
العذر الاهبل بدواعي السفر للخارج
كل الناس فجئه جاتهم بعثه
والنصابين شغالين استعباط على خلق ربي
والمميزات
طباخه ومربيه وشاطره وسنعه يوم هذا كله فيها ليش تبي تبيعها
ماعدنا ناكل من هالحكي
وبسكم نصب ومايقهرك الا الي يقول حديثة الوصول
وممتازه وشاطره ويمدح فيها
شوي يكتب قصيده يومنها حديثة الوصول
وش دراك انها ممتازه اقول خل عنكم الهياط
يا سماسرة الخادمات
هم سبب غلاء الاسعار
ولا من يبيع شغاله ب30 الف واكثر
لو ازوج ولدي اصرف لي

يعني ممنوع التنازل بالاسعار هذي معقوله مكتب العمل ماعنده خبر عن اسعار المكاتب الي يقولونها بكل ثقه انا اقول لو فيه عقاب صارم لاصحاب المكاتب كان ماستغلوا حاجة الناس وكل يوم تزيد الاسعار بشكل خيالي واحد عارض فلبينيه 36الف ولثاني يقول ناخذ الخادمه باعلى سعر ياليت اكون يكون فيه رقم علشان نبلغ عن هذي المكاتب ويكون في سعر ثابت للتنازل على حسب جنسية الخادمه وعلىماتبقى لها في العقد

مثل ماقالوا لو فيها خير ماعافها الطير

الناس ترثع منا ومناك يدورون الشغاله وهذا يبي يتنازل عنها اكيييييييد فيها بلاء

الشي الثاني ترى سفارات الشغالات مع الشغالات مو معنا تلقينه الحين مشغلها بالايجار

خطأ انتس تودينها لهم المفروض سفرتيها على طول

بعدين السرلنكيات مالهن أمان

مره سواق سرلنكي قلنا له جيب شغاله من طرفك تدرون وش قال

قال شغاله سرلانكا ماينفع شغل شوي بعدين يبكي ماما تعبان بابا موت بيبي طاح كسر

يعني الرجال اعترف على بنات ديرته

قبل امس قريت واحد كاتب شغاله حديثة الوصول وممتازه بغيت ازبد له بس تعوذت من ابليس
كيف عرفت عن شطارتها وهي توها جايه:d

لا مايقدرو يأجروها السفاره ولا يعملو اي خطوه بدون موافقتنا لانها اساسا رافضه العمل وكل يومين نشيك عليها هناك وسايقه عليهم جنانها ومجننتهم يوميا يتصلوعلينا يترجونا نسفرها ورفضنا اللا بعد مانستلم كامل خسارتنا وصارو يضغطو ع المكتب يرجع فلوسنا توهم اليوم كلمونا السفاره وكلمنا المكتب كمان ووعدونا ع الاسبوع الجاي يرجعو فلوسنا وعادي نفسنا طويييل كل ماماطلو كل ماماطلنا وتستمر الحياه ..معد في تنازلات كفايه ضحك على عقول الناس والمكتب كمان عندهم فرع في الجنوب وقفوه كمان من الشغل وهلحين معلقين لحد مايدبرو المبلغ

الحمدلله اليوم المكتب رجع فلوسنا بعد ضغط من مكتب العمل والسفاره السرلنكية وتووووبه نجيب من هالجنسية مره ثانيه لا استقدام ولا تنازل

حسبي الله ونعم الوكيل

لايوجد قانون يحمي الكفيل للاسف التنازل المفترض يقنن ويحدد سعر معقول...