نصيحة لمن يريد الحصول على خادمة من دول الخليج
قبل كل شي مبارك عليكم الشهر الفضيل أخواني أخواتي بمقدور البعض منا أن يستقدم خدامة بسعر أقل وبطريقة أسرع كيف ... راح أقول لكم لا تنسون إني قلت البعض منا وليس الكل اللي عنده قريب في دول الخليج ، يطلب من قريبه إن يستقدم له خادمة بإسمه وأقصد بإسم قريبه الخليجي وبعد أن تصل الخادمة ويطلع لها إقامة . تاخذ من قريبك صورة من الجواز والاقامة وتروح الى مكتب الاستقدام بالسعوديه ، وتقول لهم أنا لقيت خادمة مقيمة في البحرين أو الكويت على سبيل المثال وكفيلها راح يتنازل لي عنها مكتب الاستقدام راح يعطيك تأشيرة على السفارة السعودية في البحرين أو الكويت محددة باسم الخادمة بعد كذا تكمل اجراءات نقل كفالتها التكلفة المالية غير قيمة التأشيرة من تسعة إلى احد عشر الف ريال الجميل فيه انك ما تنطق ستة أشهر إلى أن تجيك خدامه وأحيانا تلقى خدم موجودين حالياً ويوجد خلاف مع كفلائهم ويبحثون عن كفلاء آخرين في هالحالة تتفاهم مع كفيلها إن يتنازلك عنها أو تخلي قريبك ينقل كفالتها على كفالته وهو يتنازل لك عنها أتمنى إني خدمتكم ولاتنسوني من الدعاء لوالدي |
مبارك الشهر عليك وعلى الجميع
اشكرك اخي الكريم على المعلومات التي قد تخدم الكثير واسمح لي انقل الموضوع لقسم انظمة واجراءات العمالة حتى يستفيد منه الجميع بارك الله فيك |
واللي ماله قريب وش السواة
حسبنا الله ونعم الوكيل الاستقدام في الامارات ب 7000 ريال والرواتب 650 للاندونيسية مدري ليه هالاستغلال بس انشاء الله افلاسهم وخسارتهم عن قريب |
نعيب زماننا والعيب فينا شغلات كثيرة خطأ 1- التأشيرة ليش بألفين ريال ؟؟ نشوف دول الخليج كم يدفعون رسوم تأشيرة ؟؟؟؟؟ إذا دولتنا رافعه علينا الرسوم ولا راعتنا وشلون نبي مكاتب الخدم تراعينا ولا ترفع الأسعار . 2- البعض وما أكثرهم في هالمنتدى يؤجرون الخادمة في الشهر بمبالغ تصل ستة آلاف . الخادمة إذا علمت بهذا المبلغ وشلون ترضى انها تجي بـ 600 ولا حتى 700 ؟؟ 3- اذا بعضنا يقوم بإيواء وتشغيل الخادمه الهاربه ويدفع راتب لها بـ 1500 - 2000 ريال . هالخادمه وغيرها تعتقد إنها راح ترضى ترجع للعمل براتب أقل ؟؟؟؟؟ 4- الخدم الجدد اللي ما بعد جو للسعوديه وحتى مكاتب الخدم هناك تعتقدون إنهم ما يدرون عن اللي ذكرته في الفقرة (1) و (2) . أنا متأكد انهم يدرون ويستغلون حاجتنا لهم . 5- المميزات التي يجدها الخدم في دول الخليج مثل ( غرفة خاصة / جوال / تلفزيون في الغرفة / يوم راحة تطلع فيه دون مرافق ) لا يجدها عندنا . هالمميزات إذا تتنازل عنها الخادمه ما لها مقابل ... أكيد لها مقابل ؟؟؟ والدليل ومن تجربه شخصية لي كم خادمه و سائق لما أقولهم العمل في السعودية . أتفاجأ إنهم يرفضون يجون . إيش تفسير هالرفض ؟؟؟ وأجد أنهم موافقين يشتغلون في دول الخليج الأخرى وبراتب أقل ؟؟؟؟ الحقيقة الشق أكبر من الرقعة |
حتي لو كانت فلبينيه لان التأشيرة موقوفه ولو كنت بالخليج الامارات او غيرها وساكن هناك واستقدمت وحبيت أجيبها يقولون لزم كل ٦ شهور تجدد مع انها باسمي
|
اقتباس:
اخوي عبدالله اتفق معك في كل كلامك ..وبصراحه كلام اكثر من رائع ... المشكله منظمين العمل لدينا اهتمو بالسياسات العامه وتركو التفاصيل ليشقي بها المواطن المغلوب علي امرة ..المساله من زمان تحتاج الي دراسة وتنظيم ...تقبل مروري .. |
المشكلة مو كدا المشكلة لو الخدامة جاية من هناك ع اساس تشتغل بدول الخليج بعدين بترفض او بتضرب عن الشغل لانها بالسعودية
|
يعني اذا تنازل عنها ونقلت ع كفالتي وش الفرق اذا دخلت السعودية اعرف لزم تجديد زيارة كل ٦ شهور او اقل وهي باسمي لكن عن طريق الاستقدام بأحد دول الخليج كيف تكون دائمة
|
الساعة الآن 01:56 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir