تعرفون ليش كل ذا
 

والله العظيم ان الي يصير فينا احس انه قليل من الشي الي يفعله بعض الناس بالخدم تخيلو حرمه جايبه شغاله لمكتب تبي تبيعها لها سنتين و3 شهور مااعطتها راتب وتقول ابي 6 الاف ريال ورواتبها19 ونقل كفاله ألفين واقامه ثمان مئة ريال والشغاله المسكينة عشانها ماتشتكي مستغلتها أخذت الشغاله بحكم الحاجه وبعد اسبوع تجربه قلت خلاص ابي الشغاله واتضح انها مصلحه لها خروج نهائي وتقول ادفع الغرامه عشان تلغي ورفضت الشي هذا لانه تصرف حيواني معقوله وصلت أخلاقنا وقلت احترامنا للخدم للدرجه ذي والله فعلا الي يصير فينا عقاب من الله من الظلم والقسوة الي فينا ابي ارجع الشغاله للمكتب العصر مادري كيف اقولها أخاف تموت عندي من القهر. تخيلو مادفعت رواتبها سنتين وثلاثه اشهر وباقي تبي أرباح معقوله حنا السعوديين وصل مستوى أخلاقنا للدرجه ذي اللهم لاتؤخذنا بما فعل السفهاء منا. لاومصلين استسقاء اليوم لاحول لله

ابو امجد

يعلم الله ان الوضع اصبح خطير جدا

ولن يضيع حق انسان معه حق سوا شغالة ولا غيرها !!

ساعد على الخير وانا اخوك ولك الاجر

وعلم الشغالة ان كفيلتها مسوية خروج نهائي
يعني كارفتها سنتين و 3 اشهر بدون راتب وتسفرها بدون تعطيها حقوقها !!
طلبتك ودها للسفارة وخلها تشتكي عليها لان الاشكال هذي جد المفروض تضع بالقائمة السوداء وتمنع عنها الاستقدام نهائياً

يقول النبي صلى الله عليه وسلم : ( أعطوا الأجير أجره قبل أن يجف عرقه ).

تدري المشكله لي١١ الف عند المكتب وبساعد الشغالة عشان تعرف كيف تاخذ حقوقها لان المسكينة ماتطالب باي شي والله تخيل قطعت أرقام فيها تلفونات عيالها ولها سنتين ماكلمتهم تقولي الشغاله اذا تعرف احد رائح لإندونيسيا بعطيه رساله يوصلها لبيت عيالها والله شي تدمع له العين وحنا اهل الاسلام والتسامح ماعليش احس اللقب هذا ماعاد يصلح لنا. اللهم لاتوخذنا بما فعل السفهاء منا

وديها للمكتب وخذي فلوسك وعطيها رقم السفاره تكلمهم وبطاقة شحن ولا دقى على السفاره عطيهم رقم جوازها وهم يدبرونها وين هالحرمه ماتخاف من الله

ابو امجد خذ فلوسك واذا استلمتها

علم الشغالة علني قدام المكتب قل مسوين لك خروج نهائي واشحن جوالها 100 ريال وساعدها وعطها ارقام السفارة تكلمهم والله يبيض وجهك وانا اخوك

ابو المجد تكفى اذا مؤ فاضي انت علمني وينك وانا ورب البيت ليساعدها لوجه الله

فعلا زي ماقال الاخ ابو غيوض بيض الله وجهه

وانت الله لايحرمك الأجر يارب ويعطيك علي قد نيتك

اذا ماقدرت اصلح شي لها اوعدكم أعطيكم وصف المكتب واذا قدرت وصف بيت الكفيله

ابو امجد اول شي خذ فلوسك وبعدها دق علي برسلك الجوال على الخاص

لاني بجي المكتب على اني باخذها واجربها وبعدها اما نقلت كفالتها علي او اكلمة من المكتب الخاص واتفاهم معها جد شي يقهر !!

لك رسالة على الخاص

(ابو مجد) ... لا تخاف تلقى عملك الخيّر إن شاء الله يعود بالخير والنفع لك ولعيالك ، وأسال الله العلي العظيم أن يكتب لك الخير والرزق والتوفيق في كل أمر.

من خيث الشغالة ، يا أخي هناك حكايات عن بعض الكفلاء يندى لها الجبين وتدمى لها القلوب والله وقد لا يصدق بعضها ، مثل حكاية أختنا هذه ، وأسأل الله أن ينصر هذه المسكينة.

أرجوك ، تابع معي قليلا واصبر عليّ لأنني أحب الإيضاح:

بعض السفارات هم أيضاً مقصرون مع رعاياهم ، ولا أدري ما هي جنسية التي عندك ، لأن بعض السفارات تهتم جدّاً برعاياها والبعض الآخر فيهم مرض "التطنيش" مثل سفاراتنا في الخارج مع رعايانا.

لكن ، أرجوك أورجو ثم أرجوك ، اعمل معروف وأجر وودها لمكتب العمل فهناك لجنة الاستقدام لتقدم شكوى رسمية ، ومع أنني مشغول إلا أنني مستعد للترافع عنها مجاناً وحتى أساعدها مادياً من جيبي الخاص ، وأسال الله لك التوفيق.

لا تنسى ، فبعض السفارات ليسوا على قدر المسئولية في بعض الحالات ، فالمهم أن تقدم بشكوى على الشرطة أوّلاً ثم مكتب العمل ، أعتقد ن هناك مكتب للشكاوي.

وأسأل الله لك التوفيق والخير والصلاح والفلاح في كل أمر من أمور حياتك أنت ومن تحب ، وأن يصلح لك الذرية ، وأن يعينك ويعين كل مواطن مؤمن مخلص.

لاحول ولاقوه الا بالله