|
أيها النصابين.اتقوا دعوة المظلوم.هل ستنفع اموالك التي تجمعها وانت مبتلى بمرض؟؟
السلام عليكم ورحمة الله وبركاته مما دعاني لكتابة هذا الموضوع كثرة موضة التنازل والاستقدام يعني صار كل من هب ودب قال انا عندي شغالات لا ومخلين لهم مندوبات يعطونهم عموله ماشاء الله عليهم والادهى والأمر أن لو بنجرب شغاله مجرد تجربه لازم نرسل نصف المبلغ :eek: طيب انا بسال سؤال للي عنده عقل بس الحين الشغاله المجربه غير مسجله باسمي يعني ليه ادفع نصف المبلغ كضمان لك؟ لانك ضامن اني ماراح اختطف هالعروس الي عندك لكن الضحيه الزبونه الي بتجرب الشغاله لاضمان يضمن ان فلوسها ترجع ومع كذا تدفع نصف المبلغ طيب لو دفعنا نصف المبلغ وماصلحت الشغاله تدرون وش نظام الساده المحترمين الي هابين بأمور التنازل؟ ان نصف المبلغ المدفوع مايسترجع لازم احنا يالضحيه ندور لها زبون عشان نسترجع فلوسنا (شغالين عند حضرته احنا) ولانه مبتلش فيها ماحد يبيها سوى النظام هذا لا واذا بنجربها واحنا من منطقه ثانيه يقولنا مستعد اجيبها لكم لحد باب البيت للتجربه مايبينا بالاول نجي نشوفها عشان ماننصدم :eek: انا صارت لي من شخص هنا بالمنتدى بس ياربي لك الحمد ماستعجلت قلت ابي شغاله وقالوا بالخاص احنا عندنا طلبك وامدحوا لي الشغاله خلوها عرووووس مو شغاله :D انا تحمست في البدايه وقال لنا انا اجيبها لكم لحد باب البيت بس تدفعون نص المبلغ لان احنا من منطقه ثانيه :cool: مبتلش فيها المهم مالكم بالطويله رحنا نشوف العروس الا اشوفها كبر جدة جدتي :eek: والصقت فيني لصقه تبيني اخذها :confused: كسرت خاطري والاخ الكريم قال لنا سبب التنازل ان الشغاله نفسها رفضت تشتغل في بيت كبير وانها طباااااااااااااخه وانها نشيطه أبي اشوف شي صادق من الي قاله ماشفت جلست معها سالتها (قلت خسارة المشوار الي قطعته ) خليني ادردش معها اشوي :cool: تدرون ان سبب التنازل ان اهل البيت مشوتينها مايبونها لانها مخلله كبيررررررررره هذي تبي احد يخدمها مو هي تخدم أحد مسكينه والطبخ يوم سالتها قالت اعرف (موصيها راعي المكتب ومذاكر الدرس لها مضبووط) قمت انا سالتها وش تعرفين تطبخين؟ تلعثمت قالت هاااااا:confused: لكن احمد ربي أني ماستعجلت وصليت صلاة استخاره (انصحكم فيها لأن ربي بييسركم للي هو خير لكم) يانااااااااااااااااس خافوا الله والللللللللللللللله دعوة المظلوم في منتصف الليل اذا رفع ايديه لله سبحانه وتعالى وفي قلبه حرقة النصب منك وهل تعلم ان دعوة المظلوم تصعد الى السماء مثل الشراره ليس بينها وبين الله حجاب ودعى عليك بمرض السرطان او دعي على ابناءك بالموت وربي استجاب دعاءه وووووووش راااااااااااااااااااح تستفيد بكم هالألف الي حطيتهم بجيبك اقسم بالله الذي لاإله الا هو إن جاك المرض أو أصاب احد أبناءك أنك تتمنى تدفع ملالاااااااييين عشان صحتك أو عشان أحد أبناءك يرجع لك هذه نصيحه مني لكم وصدقوووني مهما هربت بنصبك وطال هروووبك بيجي اليوووم الي ربي بياخذ حق هالمسكين منك لااااااااااااااابد يجي |
حسبي الله على كل ظالم ولعاااب ونصاب ينهبون فلوس الناس الضعوف الي محتاااااجه الله لايسامحهم
كثروا بهالزمن تقولين تحدي من افضل نصاااب الله يشيلهم من الارض اللي يتلاعب بالمسلمين مثل ماسوت فينا العنود الله لايسااامحها لان كنا بامس الحاجة وغدرت فينااا بس الله كبير وفوق الخلق ومايضيع احد هالفلوس الي يجمعونها بمال الحرام تغلي في بطونهم يوم القيااامة والعياذبالله اللهم اغننا بحلالك عن حرامك |
مميزة بطبعي
ارفعي يديكي للذي عينه لاتنام وأدعي عليها من قلبك فإن دعوة المظلوم ليس بينها وبين الله حجاب وياااااااااااليت ماتستعجلون في الامور هذي لانها عن طريق منتدى وأشخاص مجهولين والله يعوضك ياااارب |
والله صادقه كثروا النصابين وانا بعد سالفة العنود والله اني اخاف وانعدمت عندي الثقه باي احد الله المستعان
|
كثر الله من أمثالك
بالفعل فهناك أناس لا تخاف الله تتاجر بهؤلاء الخدم وتستنزف جيوب الخلق دون رادع سبق وتقدمت لأحد المكاتب المشهورة بالرياض بتاريخ 12/4 وثلاثة أشهر من النصب والتأجيل بعد أن أعطيتهم كامل المبلغ والى الآن لم تصل عاملتي ولولا الخوف من الله وعدم تسببي في قطع أرزاقهم أو التشويش عليهم لفضحتهم في كل المنتديات وهم يستحقون ذلك من كان يراعي الله سبحانه في كل تعاملاته سيكسب ثقة الناس ولكن للأسف العينة الفاسدة كثر هذه الأيام وقانا الله واياكم شر الأشرار احترامي |
يسعد مساكم انا بعقب على كلام الاخت بالنسبه للخدم يعطيك اول شي العمر بالنسبه للمشاورير الذي يحب ان ياتي حياه الله وبالنسبه الي عنده احد بنفس المنطقه يقول له خله ياتي الينا وينظر الي الخدامه بالنسبه للاعمار اغلب الهنديات اعمارهن كبيرات وكذلك السيرلانكيه بنسبه متوسطه
اما بنسبه للمبلغ يامن النصف لان كيف صاحب المكتب وهو الشخص يذهب بالخادمه بدون ضمان يدفع النصف ومن ثم في حاله عدم الرغبه بها يخصم مبلغ رمزي لصالح المكتب من 300الي 400ريال فقط بالاضافه الي اربعين ريال عن كل يوم هذا لصالح الخادمه اما في حالة انتهاء المده يكون صاحب الخادمه اتي بالاوراق لكي تنقل لذا ملزووم لطرف الاول وعليه التخلصه من الطرف الثاني اما بالنسبه عم جميع المكاتب بذلك مايصير ماحد يرضي يوكل اولاده حرام بالنسبه لجميع المكاتب يكون عمل اضافي دخل ثاني للذين لديهم وقت متسع كل البشر بالاول والاخير ينقلون كلام الكفيل الاول الي الكفيل الثاني واذا الشخص مايخف الله ترا مايخف من العبد حبيت اوضح النقاط التي من واقع الخبره لمن يريد الاطلاع على العقود والنقاط تكون واضحه ياتي ويشاهد النقاط التي لابد من قراتها من قبل الكفيل الاول وكذلك الكفيل الثاني والله يرزق الجميع بالحلااااااااااااااااااااااااااااااااااااااال |
انا لاأطعن في الجميع
انا أتكلم عن النصااااااااااابين الي ماعندهم أمانه في مصداقية مواصفات الخادمه والي ياكلون مال حرام ومايرجعونه لاصحابه |
انصح بطالبين عامله نقل كفاله يكون بنفس المدينه فقط
والله يرعااااااناااا وبالنسبه لي بصراحه انلسعت بس مايضيع شيء عند رب العباد وعن قريب جدااااا راح ترون موضوعي مفصل عن اللي لسعني بس بعطيه فرصه لعل رب العباد يهديه |
| الساعة الآن 12:03 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir