وجدت أرقام معظم مهربي الشغالات في الرياض وتأكدت بنفسي من يساعدني في القبض
 

من يساعدني ويخلص المجتمع من شرورهم هذولا يبيلهم ذبح بالساطور ولا يردون يقول 2500 واتعاب له300 شبكة كبيرة فيها سعوديات ولا يككلمون خدامات جدد منهم خدامة اهلي نفس الأرقام تعاونوا وسوف لنخلص المجتمع منهم

الفساد منتشر عندنا بشكل كبير
يعني لو مسكوا عصابه جات مكانها عصابه ثانيه
يعني بالعربي ما عندنا عقوبات رادعه
يومين توقيف اذا كثروا وطالعين منه
هذا اصلا اذا كان فيه توقيف
الله المستعان

يا جماعة شغالاتكم الان يشتغلون في بيوت ثانية بإيجاز شهري والسماسرة يأخذون حصصهم لازم احد يتعاون بمعرفة في جهة رسمية

صح كلامك الخدامه من تجي من ديرتها معاها ارقام
داخلي لو تفتشها وهي توها داخله الديره.


ومره جت حق ماما خدامه مسكينه على نياتها
ثاني اسبوع تصلت وحده مثل جنسيتها بس تتكلم عربي بطلاقة طلبتها بلاسم وستغربنا
لان من جت قالت ماعرف احد هينا

سئلناها قلنا في اندنوسيىه تبغى تكلمك والرقم داخلي تعرفينها قال لا ماعرف
المهم شوي وتتصل وحده سعوديه معصبه تقول هذي تقرب لخدمتي وتبي تطمن عليها
انتو ماتخافون الله تمنعونها قلنا لها كيف عرفتي رقم البيت هذا او شي ثاني شي الحرمه تقول
ماعرف احد هينا اولاهتمت بلموضوع اصلا

وتكررت القصه حق وحده من صديقاتي فاتوقعت انها عصابه والسعوديه ذي رئيسه العصابه
تاخذ ارقامهم من قبل لايجون السعوديه* طبعا هذا قبل لاينتشر الجوال للخدامه لما كانو يعتمدون على تلفون البيت

:cool:

ومرة ستاجرت بساعات وحده وقلت لها اوصلك لبيتك قالت لا اسفه هذا مكان سري محد يعرفه طلبي لي تكسي
قلت لها مااعرف اوصف بيتي لتكسي قالت خلاص نزليني اي مول من المولات ونا اتصرف بس ممنوع توصليني لشقه
قلت لها شقه فيها خدمات كثير قالت ايه المهم لما طلعنا ولا الاخت لبست نقاب ههههههههههههه
مره خفت منها

والله يا إخوتي انهم يردون من جوال واحد اربع أشخاص حريم ورجال ما ادري وش السبب ورقم ثابت طلع لسعودية

لان مافيه عقوبات رادعة
يارب تبلا هالوزراء وهالمسؤلين يهربن شغالاتهم علشان يهتمون بالموضوع
والا حنا ماجابوا خبرنا

مير اهبوا عليهم مايجيهم شي
تمر مايلحسون

وين امثال عمر بن الخطاب وعمر بن عبد العزيز

وين الوزير والباطنة الصالحة

حسبي الله وكفى
قهر وغبن هروب الخدم

حسبنا الله ونعم الوكيل

لن تساعدك الجوازات فهم ضد المواطن فحاول ان تضمن حقك بنفسك فنحن في وسط غابه كبيره وعلينا ان نتكاتف جميعا

والله انك صادق

اخي محمد تخيل اكلمه يقولي عندي ٣٠ خادمة اختار منها واللي كلمتهم ٧ أرقام كلهم يوفرون شغالات من جميع الجنسيات ابي احد يساعدنا مافيه الجوازات تقول بلغ الهروب والهروب يكلم الشرطة والشرطة تقول تمسكهم وتجيبهم

ماعندك أحد

كله نفر حرامي

انا معك ولله الحمد مسكت 12خادمه هربات هههههههههه
ولقهر ان الي تهربهن سعوديه
اخذت معها بالكلام لمن اخذت منها 3خدامات علني ابي استاجرهن
وعطيتها مع تنسيق بالمراقبه مع جهات معنية
ولله الحمد قدرنا عليهن وكان شكي مكانه وحضرو كل وحده تجرخادمه لان حصلنا اربعه فيهن مرض
حسبي الله علا كل واحد او وحده تجر بخادمات هاربات بدال مايكونو عون يطلعون فرعون هاذا الي مخلي الخدامات يهربن ربي افضحهم

اخوي وش العمل بالظبط عشان امسكهم لان

سمعت ان وزارة الداخليه سوف تقوم بحمله قريبا جدا ضد المخالفين عموما ومنهم الخادمات ولذلك تم ربط شحن الجوالات برقم الهويه واتمنى ان يتحقق ذلك ونرى في الحبشيات يوما اسود كما نهبوا اموالنا

كثر الله من امثالك
هذه المهزلة لانستطيع حلها الابالوقوف يدا واحده ضد هؤلاء الهاربين الذين لايخافون الله

مقرهم جدة والرياض جتنى وحدة عن طريق دلالة تبى 2200 بالشهر بس تنظيف ورفضت ورجعتها قالت ودينى منفووحة وطلبت نركبها باجرة والحساب عليناا يا اخى ليش احس اننا شعب ضعيف حتى قدام الخدم وكانت حبشية وتقول ان معاها اوراق قلت وينها قالت مع اخوى انا على كفالة اخوى واسمها سميرة والدلالة حبشية زيها وعندى رقم الدلالة

يا أخوي اذا معك الأرقام ، خذها ووديها لوزارة الداخلية وشف صدقهم وتابع معهم عشان نعرف من المتهاون الشعب ولا هم ؟
حطهم قدام الأمر الواقع

الله ينظف البلد منهم

شغالة اختي سيرلانكيه.
هربت. عن طريق عصابة الله واعلم. لانها كانت مخطططه من قبل. للسفر ومجهزه شنطته واغراضها وجوازاه والاقامه
وبلمحة بصر اختفت من امام البيت
في الرياض
واكيد هربت عن تخطيط. ومساعده من احد
الخادمه سالت الاطفال الغارين. حنا وين في اي حي والاطفالعلى نياتهم علموها.
الله يكون بالعون والله اختي طق قلبها مغبونه منها بالمررره

انا كمان عندي ارقام من السعودية لسماسرة ملاعيين اتصلوا علىوالي يبغون يكلمون شغالتي

لكن الله الهمني ما اعطيتها تكلمهم

ومحتفظة بالارقام من يساعدني على التبليغ عنهم

بسرعة ساعدوني قبل لاينصبون على غيرنا

جزاكم الله خير

وربي لو انا منكم مااسكت


بلغو فيه رقم اعتقد 922

او 992

عطوني ارقام على الخاض علشان انا ماادخل كثير ببلغ عنهم والله وانتو بلغو تكثر الشكوى راح يعملون شي

من لديه ارقام اتمنى ان يرسلها على الخاص
او الإبلاغ عنها للجهات المختصه
اذا كل شخص يسكت رايح يتمادون الى مالا نهاية
ولكن الإبلاغ هو الحل الأمثل
لأننا جميعا منتضررين ندفع مبالغ من اجل الاستقدام وبين يوم وليله تهرب
اتمنى عدم السكوت على هؤلاء سوا كانوا السماسره سعوديين او غيره
نريد الحد منهم حتى لا نتضرر جميعا

100%

كلامك صحيح وبعدين لو انا ابلغ وغيري يبلغ وتكثر عليهم الشكاوي صدقون بيعلمون شي ماراح يسكتون ياناس بعضهم فيهم امراض والله العظيم والمشكله بعضهم المسوؤله عنهم حبشيه منهم وفيهم وفيهم امراض وعصابات وكمان صارو يهربون شغالات من جنسيات ثانيه وتصدقون وحده في ام الحمام لها 11 سنه بدون اقامه ولاحظو الحين الشغالات صارو يلبسون نقابات حبشيات اندنوسيات وصرت اعرف لما اشوف كذا اعرف انها مشتغله عندهم هربانه الله يعين من يشغلهم عنده امراض وبلاوي وعصبات اذا عرفو البيت وكم الا فراد ومتى يروحون ومتى يرجعون


انتبهوووووووووووووووووووووووو وكلمو وعطوني ارقام والله ببلغ

اتصلت في 992 وقال اعطيني الارقام اتصلو في 992 واعطوهم الارقام اللي يااجرون شغالات خبشيات او غيره

حسبي الله ونعم الوكيل

يارب تحفظنا

معليش يا اخوان بقولها لكم ايه كثير منا يشغل هاربات وانا وحده منهم

تدرون ليش لاني وببساطه منحده عليهم

لاني وببساطه هربوا من عندي 5 شغالات دافعه فيهم دممم قلبي

لاني وببساطه اكثر الدوله ماحفظت حقي كمواطنه وحطت حد لهروب الخدم تبوني احفظ حق الدوله واقول حرام!!!

لاوالله مهوب حرام الا بشغلهن ولا علي من احد

وطن لا يحمينا لايستحق ان افكر فيه !!

اشعل شمعه بدل ان تلعن الظﻻم،اذا كل انسان ماهمه اﻻ مصلحته ونفسه كيف بنقدر نصلح المجتمع اذا مابدانا في انفسنا!!!يستحيل ان يؤي بيتي الهاربات رغم اني بحاجه اليهم ،كيف انام وفي بيتي انسانه هاربه .الكثير منهم ان لم يحدث ضرر عليك في وقتها اما بمرضها الجسدي او النفسي .يحصل اذى عليك بعد فترة .قرانا كثيرا عن تنظيم لسرقات الكثير منهم اصابع اﻻتهام تشير الى شخص قد عمل فترة ما في منزلك.ياخواني ويااخواتي هذا مبدا اسﻻمي في المقام اﻻول فالسرقه حرام وان تسمت باسماء مزيفه في الوقت الحاضر،واذا راينا احد يقوم بنخر السفينه هل نساعده لنغرق جميعا ام نشد على يده.ولو كل انسان غذا حس الضمير اﻻسﻻمي المغيب لديه وقلنا بصوت واحد ﻻ لتشغيل الهاربات ،هل تعتقدون ان دائرة الهروب ستستمر ام ستنكسر

انا ا بي ابلغ عن شخص عنده شغالات هاربه من البيوات كيف ابلغ عنه