استأجرت خادمة منزلية وتريد البقاء عندي وترفض الذهاب الى الكفيل !!
 

استأجرت خادمه اندنوسية لمدة وجيزة ب3000 الشهر تقريبا وترفض العودة الى كفيلها نهائيا تقول ودني السفارة والا ابقى عندك في البيت لان كفيلها لايعطيها الرواتب ويأجرها من بيت في بيت فما الحل ! وتقول انها لها رواتب 6 اشهر وهي تتنازل عنها في سبيل اطلاق سراحها من هذا الكفيل مع العلم ان هذا الشخص يؤجر تقريبا مجموعه من الخادمات !

هل اسلمها السفارة حيث انها تبكي باستمرار عندما اخبرتها انني ساعيدها لكفيلها بعد اسبوعين وترغب بالبقاء عندي !
نظرا رحمة بها من كفيلها الذي يهينها ويهددها ام اعيدها لكفيلها الذي يعرفني معرفه شبه سطحيه !!

ما يبلها تفكيرر وين الرحمه من قلبكــ سلمها للسفاره اكيد
الله ينتقم من كل ظالم مااابكت عندك وطلبتك الا منه الكفيل لظالم

والله من باب الامانه اختى انه تصارح كفيلها وتشوف كدبها من صدقها بخصوص الرواتب
وماظنتى ان في شغاله تستغني عن تعب ستتتتتتته شهووووور !! بهل البساطه ...
مهما تكون الاسباب ..والعلم عند الله وحده صراحه

تقول انها تريد البقاء تعمل عندي وانا اعطيها راتبها ال 800 ريال

واما السفاره وبصراحه انا اود ان تعمل عندي ب800 لكن استحي من الكفيل !! وهي تبكي !!

اقصد هل فيه طريقة صحيحه يعني هل لو وديتها السفاره بيعطونيها !!

صارحت كفيلها قال ردها وغيرك يدورها ب3500 وهي لاترغب بسبب التنقل من بيت في بيت والراتب لاتشاهده تقول يوقعنا على بياض ونشتري الاشياء اللي يجبها هو كمجموعة خادمات عنده في البيت وياجرنا بالساعه وبالشهر .

منين استأجرتها انا عجزت ادور الله يجزاك خير دلني
عليه ابي شغاله اجار ظروري

اخوي وديها على السفارة على طول احسن وهذا انصحك تبلغ عنه

حتى لو ماكان السبب رواتبها اكيد في سبب اكبر مخليها ماتبي ترجع له
وهذا شكله واحد حق فلوس الله يفكنا من هذول الناس

يا اخي المرأه ضعيفه وزهمتك وطلبت منك الفزعه وتخليهاااا
تصرف كرجل--

استغفر الله العظيم ..

انتي اسمعتي من طرف واحد ....بطريقه حلووه ودبلوماسيه.اسمعي من الكفيل ....
لاني صراحه .....مستحيل مستحيل اصدق الشغالت ...لدي خبره معهم 5 سنوات ...بحكم عملي ..كل مجت وحده منهم من عندكفيلها...(((مدام كفيل مو كويس ...مدام بيت خربان ...مدام بيبي وسخ ويضرب ...الخ الخ )))
مستحيل الشغاله ...تمدح الكفيل ...لان لازم هي الصح والكفيل غلط ....
ومن ناحية المنطق والعقل ...انتي اخدتيها ايجار وبينكم اتفاقيه ...فلافضل ارجاع العامله ...لكفيلها ..
وصدقيني العامله تقدر تحل موضوعه بدونك .....واتمنى للجميع التوفيق

يعني برايك لو متضايقه من وضعها راح تنتظرك تنقذها ..!!

اهي على أقل تقدير تقدر تهرب سواء من كفيلها ولا من منزل أي مستأجر ..!!

تخيل نفسك صاحب الشغاله وراح تعرف وش المفروض تسويه ..!! ممكن تجيك دعوة وأنت تحسب نفسك مسوي خير

بس الي فهمته أنها عاجبتكم الشغاله وتبغونها لكم ولا لا ؟

والله ماعاد نقدر نقول لأحد أنت صح واهو غلط والعكس .. في هالزمان

الله المستعان

أرى أنك تذهب بها الى مكتب رعايةشئون الخادمات بالرياض * وتشرح لهم المشلكة وتأخذ رأيئهم ** وبالتوفيق بإذن الله ...

الافضل ان ترجع الأمانة الي أصحابها فانت وكفيلها بينكم اتفاق،فالخادمة ليس بالضرورة ان تكون صادقة وان كانت صادقة خل الذنب علي صاحبها مو عليك بان تخون الأمانة

قبل كم سنه استأجرت خادمه
والمسكينه لما جا وقت روحتها
نفس الوضع رفضت انها تروح
وقالت خبيني عندك وبشتغل لو بدون راتب
بس لاتوديني
انا قلت لها انا ما اقدر انتي لازم تروحين لكفيلك
هذي مسؤليه علي
قالت انا بكلم كفيل بقول انا هربت من عندك
وما برجع اشتغل وفعلا كلمته
وقالت لي بس نزليني جنب الشرطه وروحي
وما راح تكون عليك اي مسؤليه
وفعلا كلمت كفيلها قالت له انا هربت وبرح الشرطه
المسكينه كان يأجرها من بيت لبيت ويبهذلها
وما يهمه البيت امان ولا ....
وراحت الشرطه وسوو لها بلاغ
وبعد كذا ما ادري وش صار عليها

فكرة تأجير الشغالات ماتجوز شرعا . الشغالة جايه تشتغل في بيت واحد مال اي شخص حق انه يسترزق على حساب تعبها وشقاها . صراحة اللي يأجرون شغالات ماادري كيف يرتاحون في حياتهم وهم يدخلون هالشغالات في بيوت اشكال والوان وكل شئ يصير لها في ذمته .
مافي واحد منا يرضى يشتغل في كل شهر بدائرة وينتهي من عمل وينتقل لعمل آخر .
الشغالات اوادم ماهم آلات عشان يكرفهم بهالشكل السئ .
انا اعرف شغالة تشتغل بالايجار وكفيلتها ماتعطيها رواتبها واعترفت لنا بذلك تقول عشان ماتهرب من عندي .
مشغلتها براتب 3000 ريال وتعطيها 700 ريال . ماادري وش يحلل لها بقية المبلغ اللي تاخذه من عرق جبين الشغالة !!
بصراحة طريقة تأجير الشغالة أبعد ماتكون عن الانسانية والاسلام لايبيح هذا التصرف الظالم .
بنت عمي كاان عندها شغالتين وطلبت منها وحدة شغالتها تأجير بضعف راتبها . بنت عمي ملتزمة وتخاف الله واتصلت على ال,,, وسألته . ومااجاز لها هالعمل وقال لها هي جت تشتغل في بيت واحد مو في 10 بيوت .
الله يغنينا بحلاله عن حرامه يارب .
رجااااااااااااء توديها للسفارة عشان تنصفها من هالكفيل الظالم . ليتها عندي كان تصرفت .

فعلا الكلام من طرف واحد والظلم واااااااااضح كونه يسترزق على حساب تعبها وشقاها ويدخلها بيوت مايدري عن امانتها حراااااااااااااام ومايجوز وراح يتحاسب كل شخص يؤجر حريم ويأكل من تعبهم وشقاهم . هي جاية تشتغل عند أسرة وحدة مو كل يوم عند أسرة وتبدأ أعمال شاقة من جديد .
الله يبرينا من حقوق خلقه .

طبعا انقاذها من الظلم اللي هي فيه راح يسوي عمل خير ينفعه في دنياه واخرته .

اما الكفيل اللي جالس مرتاح وهالضعيفة تكرف وهو يأكل من عرق جبينها ظالم وظالم والله يعينه على حقوق هالشغالات أمام رب العالمين .
مدام مو راضيه تشتغل في بيوت الناس يعتقها لوجه الله بدل ماتدعي عليه ودعاء المظلوم مستجاب .
مثل مافيه شغالات قويات ويهربون . فيه بالمقابل ضعيفات ومايعرفون يتصرفون ويخضعون للكفيل بطريقة تخلينا نشفق عليهم .
اللهم اجعلنا من الرحماء بخلقك .

فعلا الظلم للخدم واستغلالهم وتأجيررهم كأنهم الات اكبر ظلم

انا اقول توديها السفارة ولاترجعها لهالطماع

اقسم بالله جتني وحدة اجار تبكي بكا من كفيلتها تأجرها وظالمتها ظلم ودقيت عليها قلت ياتسفرينها يااابوديها السفارة لانها ماتبيك ابد

اشكر كل من شارك وبصراحه الظلم ظلمات وقررت ان لاتعود لهذا الكفيل المجرم لانه بصراحه شكله وسخ وقبيح الاخلاق والظاهر والله اعلم ان عنده شغالات للجراره هذا على حسب كلام الشغاله الموجوده عندي .

لا حول ولاقوة إلا بالله
والله رحمتها المفروض ما يأجرها إلا برضاها
ومبلغ متفق عليه وحقها يوصلها أول بأول
وإذا مارضيت بكيفها.....

أخوي الكريم سراب ،

إحتسب الأجر لله ، و تقرب إلى الله عز وجل بنصرة هذه المسكينه المضلومه . بالإبلاغ عن هذا الشخص. و الله العظيم لو كل واحد منا قام بواجب النصح و الإبلاغ ورد الظلم ما شفنا كثير من المشاكل اللي تصير في مجتمعنا.

الهروب و الإستغلال و التشغيل و الإنتحار و الدعاره كلها اسباب خلت الدول اللي برى تمنع الإستقدام عن دولتنا الحبيبه و خصوصا اننا شعب طيب. كيف نسمح لمجموعه من الناس يشوهون سمعتنا و يتسببون لنا في مشاكل و مصايب كبيره

لا حول و لا قوة إلا بالله. و أسأل الله أن يسهل كل أمر

انا اود الابلاغ عن ذلك المجرم وسبق ان هربت لي شغاله وعرفت ان اللذي هربها هومكتب الاستقدام واتصل بي المكتب نفسه وقال لي الشغاله عندنا سوي الغاء بلاغ هروب واحنا نعوضك قلتهم جيبوا شغالتي قالوا نسمحلك تشوفها بس لكننا لن نأتي بها لك قلت كيف قالوا سوف نتصل عليك بعد ذلك اتصلت بالجوازات واخبرتهم بالموضوع قال مالنا علاقه قلت كيف مالكم علاقه !!!! المهم انني رفضت الغاء الهروب واتصل بي سوداني بعد مده يقول جيب الجواز ولك 7000 قلت لا والف لا .

فكيف اتصل على من سبق وخذلني !!

المفروض تودينها السفارة وهي تبلغهم برغبتها بالعمل عندك او يتصرفون مع كفيلها

تم سليمها لسفارة بلادها والله يستر عليها وينصرها على ذلك المجرم.

بعض المكاتب لا يخافون الله

العاملة أمانة لديك تذكر ذلك دائماً