ادخل وسجل مناشدة لمعالي وزير العمل ورئيس اللجنة الوطنية
الأخوة والأخوات أرجو تسجيل مناشدة لمعالي وزير العمل ولرئيس اللجنة الوطنية للاستقدام بالمبادرة وتعجيل فتح الاستقدام من جميع الدول التي لا يوجد لديها مانع من إرسال عمالتها النسائية للمملكة فقد مستنا الحاجة ونعاني من الضر فقد أغلق الاستقدام من اندونيسيا والفلبين ولم يفتح بديل سوى من كينيا وأثوبيا وهذه الجنسيات لا تتناسب وثقافة المجتمع السعودي نا هيك عن عيوبها من هروب وأمراض وكسل و جهل وحدث في عيوبها ولا حرج ولا ندري من المستفيد من التضييق على المواطنين وجعلهم في هذا الموقف فجأة دون سابق انذار .
اخواني وأخواتي إن معالي الوزير ورئيس لجنة الاستقدام هم مواطنين سعوديين ويهمهم مصلحة بلدهم ومواطنيهم فأرجو دون تجريح توجيه خطاب مناشدة لهم لحل مشكلات استقدام العمالة بأسرع وقت وبأقل تكلفة على غرار ما لدى دول الخليج من حولنا وشكرا |
المناشده لله
سبحانه وحده لا سواه |
ما عندك احد
|
نناشد رب العالمين يأخذ حقنا منهم ويورينا فيهم عجائب قدرته اللهم اجعل في تدبيرهم تدميرهم يبغون يحدون الناس على شركات الأستقدام الله يجعلها وبال عليهم باذن الله اللهم من ضيع الأمانه وخان الثقة وضيق على الناس فعجل لنا بانتقامك منه يارب العالمين حسبي الله ونعم الوكيل
|
انا مابناشده انا اقووووول ياحرامي انت وهوو افتحو الإستقدام....
لعبتكم مكشوووفه ومشاكل الإستقدام المصطنعة اللي تتشدقون فيها ماتخيل علينا... كل هذا ماهو الا حركة دنيئة منكم لسرقة المواطنين تراهم مو ناقصين... الخلاصة تبون يفتحولكم الإستقدام شنو حملة بالفيس بوك والتويتر ترى والله مايجيب راسهم ويحركهم الا هالحملات....الكرسي غالي وللاسف للالحين مافي احد تحرك انا لو اعرف سويتها ما انتظرت احد... |
اشكرك على هذا الموضوع الجميل والمناشده لمعالي الوزير وهناك ايدي خفيه وراء ايقاف الاستقدام ونحنوا من هذا المنبر نرفع الى مقام خادم الحرمين الشريفين في اوضاع المواطنيين وانا هذا المكان سوف ابدا وارجوا من جميع الاضاع اطلاع حاجة الشعب السعودي لمستشار خادم الحرمين ومدير مكتبه خالد التويجري على هذا الرابط http://ar-ar.facebook.com/SaudiTalk وارجوا من الجميع ارسال شكواهم حتى ينظر بها وما مس الشعب من تضييق من قبل الوزراء في مكتب العمل او لجنة الاستقدام
|
يارجل مافي الحمض احد(يعني ماعندك احد) ليتنا نسلم من التويجري واشكاله اما وزير العمل فوالله اني مراجع وزارة العمل الي في حي المرسلات وليس مكتب العمل ولاقي ثله من الموظفين غير سعوديين ووين في عقر الوزاره ويطالبون الموطنين البسطا بالسعوده والله مصيبة هذا هووزير العمل فوفرو وقتكم وجهدكم.
|
الله يفرجها من عنده ولايحدنا لخلقه
|
اتصلت على البداح وناقشته
اتصلت على البدااح بمكتبه وناقشته لماذا تم اقفال اندونيسيا واجابني اجابه مقتعه حيث قال
السعودية لم تقفل ولكن اندونيسيا بعد تنفيذ القصاص بعامله اندونيسية بمكة اوقفت ارسال عمالتها للسعودية بامر الرئيس مالم توقع السعودية اتفاقية تحمي عمالتهم ومحافظة على حقوق المواطنين وخوفا من اثدار تأشيرات وهي موقوفة فقد اوقفت وزارة العمل التأشيرات ولا زال هناك مفاوضات بين وزارة العمل واندونيسيا للوصول الى حل وذكر لي ان مكاتب الاستقدام هي المتضرر الاول من ايقاف اندونيسيا وتواجه خسارة كبيرة ونتمنى ان تفتح وحقيقة كلام الرجل مقنع جدا بل ذكر لي ان لدية شركة باندونيسيا ويصرف رواتبهم وايجارتهم دون فائدة فاقول الوزير محق واصبرو شوي خلو وزير العمل يحفظ لنا حقوقنا العامله تهرب او ترفض العمل ونخسر من يحمينا بل شذو على يد الوزير اتمنى ان اكون افدت المنتدى بهذه المعلومه ام شذى |
لا الله الا الله رحمتك يارب
اللهم انصرنا على من ظلمنا |
انا مع اقفال الاستقدام من اندونيسيا لان اكثر المشاكل .. من الخامات الاندونيسيات ... سحر .. وغيرها من المشاكل ...
|
الله يسهل امرنا يارب
|
اقتباس:
اجل كيف قايلين ان اندونيسيا بتفتح واحد يناير يعني بعد اسبوع ؟؟؟!!!!!!!!!!!!!!!!! كل مانفرح يجي خبر ينكد علينا... |
اقتباس:
طبعا انا لا استبعد ابدا انك من طرف وزير العمل او البداح من قريب او من بعيد او من ربعهم او قريبات ربعهم المهم ماعلينا ، اقول اختي الاندونيسيات يشتغلون عندنا من سنين وبنين ماعمرهم انحاشوا إلا يتحملون صاحبات البيوت مايتحملونه ثانيا ليش خيتو مايضمن الوزير والبداح الاثيوبيات الي ظربو الرقم القياسي في الخدامات بالعالم بالنحشة ليش هذولة مايقفونهم الى مايضمنون حق المواطنين الملعوب فيهم بنحشة الاثيوبيات وخسارة فلوس الناس علشان كذا اقولك اختي الناس مو اغبياء عشان يصدقون اي واحد يدخل يقول اي كلمة ويمشي زمن مدح المسؤولين مهما سوو بالناس انتهى وولى وجاء زمن الحساب والعقاب والحمدلله الحين النت يفضح كل مسؤول مايخاف الله باختصار كلامنك اختي غير منطقي ابدا وغير مقنع وغير مبرر تصرف الوزير والبداح وعشان النس تقتنع بالخرافات الي تقولينها خليهم يدبرون للموطانين دول اسيوة ثانية باسعار معقولة زي باقي دول الخليج ولا ليش السعوديين الوحيدين الي كل شي عندهم بصعوبة وطلعت روح وغالي |
الا الله يقلع فقيه وبداح في يوم واحددد
الي انا مستغربه منه انه موجود في مكانه الي الان يعني كلامنا ماوصل لاي مسؤل غريبه انه ما انكرش الي الان شف الواسطه الله يخلف علي قلبي وين الحكومه عنه وين الوزارات وين المسؤليين عنه لاعب لعبته ومحد دري عنه كل الي كتب فيه وفي كل مكان الفيس بوك والنتديات في كل مكان مدري وش الحل |
اقتباس:
استغفر الله يضحك على مين هذا الجانب الأندنوسي تنازل عن كل شروطه وفتح الإستقدام من جهته والتقفيل من السعودية كذااااااب............ بدااااحك هذا كذاااااااب قلتها واقولها واعيدها ملييييووون مره هو والدب الجايع فقيه يبون يكوشون عالسوووق ويفتحون الشركات ويستغلون المواطن اسوأ استغلال....ويبيعون عليه الخدم باسعار ناااااار نااااار ويأجرونها عليه نااار وبدل ماتستقدمين الخادمه مباشرة من مكتب من بلدها وبسعر محدد بيكون عن طريقهم وباسعار هم يحددونها.... الشغلة شغلة احتكااااار ارفعو يديكم للسماء وادعو عليهم الليل بالنهاار عندنا مرضى وعندنا كبار في السن وفي المقابل عندهم حاجه وهم حولوهم لوحوش تسرق وتنهب وتستغل وذلو المواطن.... الله يحرمهم صحتهم وعافيتهم ويحرقهم بنار جهنم ويجعلهم مايشموون جنته آمييييين |
اقتباس:
أي والله ما نقول غير حسبي الله ونعم الوكيل |
حسبنا الله ونعم الوكيل عليهم
|
اقتباس:
|
الساعة الآن 01:34 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir