|
لدي خادمة للتنازل في الرياض 17000 ريال تنازل + 4000 نقل كفالة
لدي خادمة في مدينة الرياض وأرغب في التنازل عنها مقابل 17000 ريال مع العلم أن نقل الكفالة 4000 ريال غير مشمول في مبلغ التنازل. حيث أن مبلغ 17000 هو تكلفتي في الحصول عليها. تجيد الأعمال المنزلية، وتعرف الطبخ، والعناية بالأطفال ، متوسطة العمر. سبب التنازل قمت بنقل كفالتها في الفترة التي أنتظر فيها رجوع خادمتي القديمة وحاليا وبعد عودة الخادمة القديمة لا حاجتي لي بها ولذا أرغب في التنازل عنها. لم يتم دفع أخر 5 أشهر من راتبها وسوف يتم خصمها من مبلغ التنازل علما بأن راتبها 800 ريال، لكي يقوم الكفيل الجديد بدفع الرواتب المتبقية لها. بدون فترة تجربة . أرجو من من يرغب في نقل كفالتها إليه ارسال رسالة من خلال المنتدى وشكراً. |
السلام عليكم اخوي ماتلاحظ انك ماسنيت شفرتك الواحد مايبي يخسر ولا ريال واحد حشى رواتب ونقل كفاله وتنازل اجل جايبها تخدم ببلاش عندك على الاقل نفس المبلغ الي شريته شامل نقل الكفاله مهوب مفصل الفلوس تفصيل ولا ريال ينقص
|
وعليكم السلام
اتمنى انك سألتي سؤال طالما ما فهمتي الموضوع كلفني نقل الكفالة 17000 وعندي رواتب لها 5 شهور قيمتها 4000 ريال يعني تدفعين 13000 نقل كفالة ، بحيث تكون عندك رواتبها أنتي تسلمينها لها ماعندي مانع ادفع لها رواتبها ( 4000 ريال ) وبعدين تدفعون لي 17000 كاملة ، اللي يناسبكم. اتمنى ان الشرح واضح تحياتي |
مبالغ فيها جدا
لا وبدون تجربه !!!!!!!!!! |
اقتباس:
|
والله حرام التجارة بالبشر
|
--------- للرفع ----------- |
وش جنسيتها ووكم له عندك
|
ياخي اشتغلت عندك ولا عندنا من شان ندفع راتبها
الله المستعان الواحد ياخذ شغاله ولا يدفع حتى تطلبه وقام يتنازل من شان يدفع من ظهر المشتري اذا مو قد المسؤليه ليش تاخذها احب اذكرك(((اعطو الاجير اجره قبل ان يجف عرقه))) |
اخوي العزيز ممكن أتواصل معاك هاتفيا 0537121679 نرغب بتنازل
|
كم لها تكفى؟؟؟
|
الحين هي كرفت عندك 5 اشهر. وتبي غيرك
يدفع راتبها. يااخي خاف الله 17 علشان ايش خادمه لاراحت ولا جت وبدون تجربه بعد يعني يااعمى اشتري على عماك !! وش يضمن حق اللي بيدفع لكن الوم ليس لك فالاستغلال متعدد المجالات . اللوم على من يرحب بااستغلالكم لاحول ولا قوة الا بالله. من بشر تتاجر بالبشر الله لايحوجنا لامثالكم اللهم اغننا من حلالك عن حرامك |
طرتو بالرجال
الرجال واضح يقول تنخصم من مبلغ التنازل بس غلطته انه فصل الموضوع لو انه ساكت كان احسن له علي العموم فيه شي اسمه تنازل لو انك متنازل شوي في المبلغ كان زين تبي راس مالك يرجع لك كامل ماتبي اي خساره |
شرط تعجيزي بدون تجربة
|
ممكن تلفونك للمفاهمه أبيها ضرووووووري[b]
|
جنسيتها اندنوسية
والله استغرب انه فيه ناس ما تفهم والموضوع واضح تكلفتي في الحصول على خدمات الخادمة= 15000 دفعتها للكفيل السابق + 2000 نقل كفالة = 17000ريال الشغالة لها رواتب قبل ما أتنازل عنها لأي أحد سوف أدفعها لها فورا وقيمتها 4000 ريال كنت حاب أخدم الكفيل الجديد عشان فيه ناس تحب تبقي على عدد من الرواتب على الخادمة لكن انا غيرت رأيي في الموضوع خوفا على ظلمها من الكفيل الجديد وعلى الكفيل الجديد دفع مبلغ 17000 الف كاملة للتنازل. لأنه واضح ان فيه كفلاء ما يفهمون كيف يحسبون الأرقام وأكيد راح يظلمونها جهلا منهم. |
الخادمة صار لها 10 أشهر تقريبا
|
ممتاز انا ابيها وش يجي معها ممكن اعرف يعني معها سياره وش معها انا راح ادفع 17000 الف اكيد معها هديه او انت راسك فيه فتق اخبر لك واحد يكوي اذا عندك تنسيم في الراس شغالتك متمرده وتنازل كفيلين وتبي تورط فيها واحد ثاني خاف الله يا اخي عيب عليك يعني الدعوه اعوض خسارتي وغيري في حريقه يخسر او ما يخسر
|
من ذكر أن المبلغ مرتفع لاشك انه محق في ذلك ولكن ولعدم توفر هذه الخادمات في هذه الفترة ولاحتياج الكثير لهم أصبح الحصول على الخادمات عن طريق التنازل خاص بفئة من المجتمع وهم القادرين على تحمل هذه التكاليف ولاشك ان هذا الأمر قد أزعج الكثير من من لا يستطيع تحمل هذه المبالغ وعندما اقدمت على طلب نقل كفالة الخادمة لحاجتي لها، دفعت المبلغ بدون شكوى والآن عند رغبتي في التنازل عنها لم أرغب في التربح من ذلك مع العلم أن هناك من يدفع وكل ما طلبته هو تكلفتي فيها ولا اريد التربح منها ولعلمي أن يوجد الكثير ممن يرغب في الحصول على الخادمة ولديهم القدرة على تحمل مبلغ التنازل فلماذا اخفض في سعري وأخسر والمشترين كثر وانشالله ترخص رسوم التنازل عن الخادمات لانه يوجد الكثير من الاشخاص الذين لا يستطيعون على تحمل هذه المبالغ وربما يتوجب فتح جمعية خيرية تختص في مساعدة هؤلاء الاشخاص للحصول على خادمة وسائق وسيارة وبيت |
اخوي ابو عبدالله اليك هذا وانت وضميركمنقول لاتقع فريسه لمستغلي نقل الكفاله
بسم الله الرحمن الرحيم اخواني نعلم ما تحتاجة بعض الاسر للعاملة المنزلية خصوصاً حينما يظهر ظرف طاري كمرض عزيز علينا يحتاج حينها لعاملة منزلية سريعه لذا يكون اقصر الطرق لهم هو نقل الكفالة للعاملات. وحين يتم البحث عن العاملة تبداء عملية الابتزاز او الغش لذا عليك اخي الكريم اتباع التالي اولا:الذهاب لمكاتب الاستقدام فقط والبحث عن المعروضات لديهم ثانيا: عليك بمقابلة العاملة مع المترجم فقط والسؤال عن وضعها ولماذا لم تكمل لدى الكفيل القديم فأذا ذكرت الاسباب وهي (البيت كبير-لايوجد اكل-يوجد اطفال-الزوجة تزعل كثير) فقل لها ان جميع ما ذكر موجود لديك في منزلك ففي حالة الموافقه منها فأعلم ان العاملة لن تستمر طويلا لديك لانها توافق على امور كانت ترفضها لدى الكفيل الاول فقد يكون الضغط من المكتب جعلها توافق بسرعه. ثالثا: حاول بقدر المستطاع ان تكون العاملة تاتي للسعودية لاول مره ولا تأخذ من سبق لها العمل. رابعا: تقيم العاملة مثلا حركتها وكلامها ونظراتها واختبار اخلاقها بتلميح فالرسالة تتضح من عنوانها خامسا: عليك ان تطلب من العاملة ان تمد يديها وترى نظافتها بنفسها ونظافة ملابسها والكشف الطبي من مستشفى حكومي سادسا: طريقة حساب قيمة العاملة وهي كالتالي في حالة كانت تكلفة استقدام العاملة مثلا الاستقدام:8800 نقل الكفالة2000 الاقامة600 والعاملة موجوده بالسعودية منذ 2 شهر تقوم بالعملية التالية تقسم 8800 على 24 شهر (مدة العقد بالسعودية) يصبح الناتج367 وهو استهلاك مبلغ الاستقدام بشهر الواحد فتقوم بضرب367 في 2 شهر[/size][/size] فيكون الناتج733 فنقوم بحساب قيمة النقل التي تستحقها 8800-733=8066 8066+2000(رسوم نقل الكفالة)+600(رسوم الاقامة)=10666 المبلغ الذي تستحقه العاملة لنقل كفالتها بعد حضورها لسعودية منذ شهرين وهكذا ارجو اني قد افدتك |
يعني قيمة شغالتك ٩ الاف ريال والي استفاد منك هو الكفيل الاول الله لايوفقه
|
كلامك يا ام مشعل صحيح
لكن ما تعتقدين ان مطالبتي بتكلفتها علي فقط بدون الرواتب طبعا مع العلم ان الاسعار في السوق تفوق ذلك والجميع على علم بذلك الا يعتبر هذا تنازلا مني للكفيل الجديد الغريب اني نزلت اعلان في الجريدة وكلام الناس مختلف تماما عن هذا الموقع بصراحة هذا الموقع انا اشوف انه موقع للحكي والفضفضة وليس مخصص للبيع |
الكثير من الناس مغفل ومايثمن اهم شي الحرمه قالت على طول خبط لزق قالو سعر ماعنده وقت كانه ملزوم يشتري مايقول لا وقف ليش هالمبلغ هذي عقود مهوب تمليك يعني شي وقتي وبتروح لا وعلى هذا كله بيدفع رواتب علة هالشروه يعني العيب في هالرجاجيل ماعندهم سنع الواحد عمره ٣٠ سنه وعقله مانضج تلقاه يدخل موضوع ومحطوط سعر خيالي يروح الخبل ويزيد الف ريال حتى الي قبله مايشتريها يعني العالم مهبوله الله المستعان
|
صحيح كلامك
لكن ترى في ظل هالظروف فيه ناس حالتها المادية ممتازة ولا يفرق معهم الريال زي ما يفرق مع غيرهم واهم شي انهم يحصلون على اللي يخدمهم ويريحهم في حياتهم ولا فيه حل لهذا الموضوع إلا فتح باب الاستقدام من جديد والا سوف يظل الحال على ما هو عليه ويزداد سؤ وفيه ناس زيك تمام ما تتخيل انه في ناس تستطيع الدفع بدون ان تشتكي من ارتفاع السعر الفكرة ان العرض لمن يستطيع الشراء واللي ما يستطيع المفروض انه ما يشتري ولا يحمل نفسه فوق طاقتها وماله الا الصبر والفضفضة في هالموقع :) |
ما يجري في سوق العمالة المنزلية هو متاجرة واضحة بالبشر و قد نهى عنها الدين الإسلامي و تفتقد الى الأخلاق الإنسانية و اضافة الى استغلال لظروف الأسر المحتاجة لهذا النوع من العمالة |
اقتباس:
|
اختي
طريقتك ممتازة وانصحك تلتزمين بتطبيقها لكن العرض اللي عندي للي يناسبهم سعري انا ما اجبرتك تدفعين اكثر مما تستطيعين وانا ما راح اتنازل بمبلغ اقل من المعروض وخصوصا ان الاسعار حاليا فوق العشرين الف ويكفي تنازلي بعرض سعر منخفض عن الاسعار المعروضه في السوق تصدقين انه فيه ناس كلموني وييقولون سعرك رخيص بصراحة انا انصدمت تخيلت الناس كلها مثل اللي في هالموقع وحاليا انشالله راح نتمم نقل الكفالة باذن الله يا ريت الناس تفهم انا ماني صاحب مكتب ولا اتاجر بالخادمات كل اللي طالبه التكلفة اللي دفعتها للكفيل السابق وبس والله يوفقك انشالله في عروض تناسب طريقتك في حساب السعر تحياتي |
| الساعة الآن 02:57 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir