|
اهل الخبره والمعقبين ارجو الرد
السلام عليكم ورحمه الله وبركاته
مساء الخير للجميع يوجد لدي سائق يريد السفر خروج النهائي وانا اشك ان احد معطيه تأشيره لانه ماشاء الله عليه يدل وفاهم وله 4 سنوات تقول من اهل الديره عموما انا ماعاد ابيه يرجع مره ثانيه للسعوديه سمعت ان هناك طريقه في الجوازات مادري ايش تسمى بالضبط لكن هي نظاميه وهي منعه من القدوم لمده 5 سنوات للسعوديه ايضا هل استطيع اسوى اعلان بالجريده لاخلاء مسوليتي لو طالبني احد بعد سفره بشي مادري عنه اجراءات احتياطيه لان العماله ماعاد لها امان وتمردوا بشكل غريب انتظر ردكم وجزاكم الله خير |
السلام عليكم
اسعد الله مساك ابواسامه انت تقول انه له تقريبا 4 سنوات معاك وسع صدرك وتركه لله خل اخلاقك اعلا منه عسى الله يعوضك اخيرمنه
|
اخي ابو اسامة لاتبحث عن اي طريقة فية مضرة لهذا العامل اجعل ماعند اللة خير ممن ترجية من الخلق....
اسال اللة لك التوفيق وتيسير الامور... |
يوجد طرف خفي افسده علي ومصار يبي يشتغل
راتبه 2000 ريال وساكن بلاش وماعنده غير المدارس وانا اعرف انه محتاج للوظيفه وجاه عرض مغري لكن مو على حسابي |
لا حول ولا قوة الا بالله ليش يا اخي
صح لسان الاخوة اتقي الله فيه الرجال وتركه لله تعالى وعسى ان تحبوا شيئا وهو شر لكم ونسأل الله لكم التيسير وربنا يعوضك افضل منه |
[size="7"][color="red"]اذا فعلآ كلامك صحيح والرجال بايعك وانت كارمة
الصراحة بعد ماكتبت ترددة بعطيك حل ثاني يرضي الطرفين الرجال يتحمل قيمة تاشيرة سائق بديل 2000 ريال + الاقامة + الرخصة وخلة يشتري هو تذكرة سفرة على حسابة وبسلامتة |
اقتباس:
|
اقتباس:
بالنسبة للسواقين في مكاتب الاستقدام بالهند تباع التاشيرة على السائق 10.000 عشرة الاف ريال سعودي بالهندي (( ون لك )) ويشتري بعد التذكرة على حسابة بعطيك مثال بسيط اذا تعرفي مكاتب استقدام بالهند فقط ارسلي صورة التاشيرة بالايميل مع تفويض الكتروني ولا تدفعي ريال واحد ويجيك السائق وفوقها بوسة راس ولا يلعبون عليكم مكاتب استقدام الرياض |
اي استغلال هذا ؟؟؟؟؟
لا حول ولا قوة الا بالله اين ملك سليمان ؟ اي مال قارون ؟ واين ؟ واين ؟ النفسُ تبكي على الدنيا وقد علمت ***** أن السعادة فيها ترك ما فيها لا دارٌ للمرءِ بعد الموت يسكُنها ***** إلا التي كانَ قبل الموتِ بانيها فإن بناها بخير طاب مسكنُه ***** وإن بناها بشر خاب بانيها أموالنا لذوي الميراث نجمعُها ***** ودورنا لخراب الدهر نبنيها أين الملوك التي كانت مسلطنةً ***** حتى سقاها بكأس الموت ساقيها فكم مدائنٍ في الآفاق قد بنيت ***** أمست خرابا وأفنى الموتُ أهليها لا تركِنَنَّ إلى الدنيا وما فيها ***** فالموت لا شك يُفنينا ويُفنيها لكل نفس وان كانت على وجلٍ ***** من المَنِيَّةِ آمالٌ تقويها المرء يبسطها والدهر يقبضُها ***** والنفس تنشرها والموت يطويها إنما المكارم أخلاقٌ مطهرةٌ ***** الدين أولها والعقل ثانيها والعلم ثالثها والحلم رابعها ***** والجود خامسها والفضل سادسها والبر سابعها والشكر ثامنها ***** والصبر تاسعها واللين باقيها والنفس تعلم أنى لا أصادقها***** ولست ارشدُ إلا حين اعصيها واعمل لدار ٍغداً رضوانُ خازنها ***** والجار احمد والرحمن ناشيها قصورها ذهب والمسك طينتها ***** والزعفران حشيشٌ نابتٌ فيها أنهارها لبنٌ محضٌ ومن عسل ***** والخمر يجري رحيقاً في مجاريها والطير تجري على الأغصان عاكفةً ***** تسبحُ الله جهراً في مغانيها من يشتري الدار في الفردوس يعمرها ***** بركعةٍ في ظلام الليل يحييها |
حسبي الله على اللي يخربون خدم الناس وسووايقهم
مايدرون ان الخطبه على الخطبه حرام |
الاخ ابو اسامه
قطع الاعناق والا قطع الارزاق ....هذا السايق خدمك 4 سنوات فما يجوز تكافئه بهذه الطريقه المفروض انك تساعده وتقدم له النصيحه لان انا وانت وهو نبحث عن تحسين اوضاعنا ودئما نبي الافضل لانفسنا . فا اتمنى تعيش موفقه شخص فقير متغرب لاجل لقمه عيشه وعيش اطفاله هل تبقى طول عمرك على نفس المستوى ام تبحث عن الافضل وهذا السايق لم يخسرك بل خدمك 4 سنوات . وياليت لايكون تفكيرك بهذه الطريقه تحب كل شي لمصلحتك ونفسك فقط حب لغيرك كما تحب لنفسك اما باالنسبه لكلام الاخت ام نوره فهذا فعلا نظام وزاره العمل وعقود العمل اما عن كلامك عن مكاتب الهند ومكاتب الاستقدام باالنسبه للسائق فقط يدفع اتعاب المكتب والتذكره والا تنسى ان مكتب الاستقدام االسعودي اللي يستقدم لك يكون عنده فتره تجربه وضمان فمن حقه لو استقدم لك بفلوس لانه تعبه وجهده. واتمنى تفهم ما حبيت اوضحه بكل صدر رحب تمنياتي باالتوفيق للجميع |
السلام عليكم
احناذبحنا السعوديين طيب القلب ونقول حرااام والعمل مو سائل فيك انتم خايفين على السواق وتقولون لرجال قدر العشره اربع سنين يخدمك اولا ماخدمه بلاش ثانيآ اذا هو ماقدرني كيف اقدره وبعدين راتبه طيب الا اذ كان الرجال ياخر راتبه من وجهة نظري ان يبصم ويحرمه من الشغل خمس سنوات او ينتظر لين الرجال يجيب له سواق ويدربه وبعدهاا يسافر براحته هاذه وجه نظر ليس الا |
هذا اللي كره الاجنبي فينا
حقد جاه رزق خله يروح سؤ تعامل حرمان الراتب حرمانه من السفر كرهه السعودي للسعودي لعب بالنظام عدم احترام الانظمه وعلشان كذا صرنا مكروهين تفتيش قبل لا يسافر غرطسه وحدث ولا حرج في السعودي وتعامله مع الاجنبي لا تبون الناس تحترمكم شعب مدري وش يبي ناس مريضيين |
اقتباس:
|
[b]لاتسوي له خرروج نهائي له اعطي خروج وعوده بدون لايدري
واذا شفت رجع بلغ عنه وراح يسفر ع طول [/b] |
الي يتكلم ويتفلسف ويدافع وهو تحت المكيف مايدري عن شي
يقيس الموضوع على نفسه الا اذا كان اجنبي ويدافع عن بني جلدته هنا شي ثاني لو عندك خادمه او سائق وحصل من ضعاف النفوس ماحصل معي ايش يكون موقفك |
اقتباس:
انا كتبت راتبه 2000 وسكن مجاني وماعنده غير مدارس ومرتاح وسياره مكيفه ولكن ان انت اكرمت اللئيم تمردا اقري الموضوع وافهمي قبل تردين |
اقتباس:
لكن الي عطاه تاشيره وقلب مخه هو الي راح يندم ولو انه قال انا حصلت شغل وبمشي نقلت كفالته لكن انا عارف السالفه مزبوط |
اقتباس:
ابو وسن الله يرحم والديك وش فهمكت انت الثاني في نظام مكاتب الاستقدام اقسم بالله العظيم ان فترة التجربة هي 3 شهور تعطى من الحكومة من وزارة الداخلية والان الى ماسكة مكتب العمل ولا يهمك مكاتب السماسرة السعودية ماتظمن لك شي مرمطة في مرمطة واكبر سماسرة عندك مكاتب الاستقدام في السعودية تدري ليش السائق او الخادمة تتاخر عليك عشان مكاتب الاستقدام في السعودية تبحث عن مكتب في الخارج يدفع اكثر غير انة ياخذ منك دراهم ليش |
اقتباس:
لا يهمك هذي ماعندها سالفة مريضة نفسية كل يوم طالعة بموضوع تابع مواضيعها وتعرف انها ترللي ماعندك احد يوم مع ويوم ضد |
تدرون ايش مشكلتنا اننا ما نعرف الانظمه والقوناين المعمول بها في بلدنا على ساس كذا بدا التلاعب وكل الامور منحله عندنا لو كل شخص يعرف ايش اللي له واللي عليه كان ما لقيتنا في هذه الماساه مع العماله وغير العماله ..
بصراحه انا اشوف كل يواحد يعطي راي من عندها ويتوقع ان انه فعلا صايب في اريه . الاخ او الاخت اللي اقسم باالله قال ان الضمان من عند الحكومه اتمنى ما تقسم في الهوا لان القسم مهو باالسهوله اللي انت تتوقعها .... خل سايقك يهرب وروح لوزاره الداخليه وقول لهم سايقي هرب وعوضوني بتاشيره .. راح يردون عليك ويقولون سدد 2000 ريال وطلع تاشيره .. وروح المكتب يعوضك.. |
نعم تقدر
تسوي له خروج نهاائي وماادري فيه ورقه لازم تسلمها للجوازات اعتقد اذا ماسلمتها ماعاد يقدر يجي الافضل لك تتواصل مع معقب |
اقتباس:
على العموم لو استقدم عن طريق مكتب كان اخذ مني اقل شي 3500 ريال والعامل يتاخر عشان يدور مكتب خارج السعودية يشتري منة التاشيرة[ وبعد مايجي العامل ونفرض انة ماصلح نجي الان لموضوع المكتب والمواويل الى ندخل فيها ليش وكيف وخل العامل عندنا نقنع فية ونحاول والمكتب وش يسوي طبعآ يعطي للعامل 100 ريال ويمكن 200 ريال ويقولة انت بس كمل 3 اشهور وصدقني وبعدها سوي الى تبي واذا العامل رفض او الكفيل رفض يجي المكتب بالمماطلة يقولك احنا خسرنا ممكن لازم تتحمل انت نصف ثمن التذكرة غير 3500 ريال حقة الاستقدام وغير المرمطة ويلطعون فيك الى 8 شهور ويمكن سنة ابو وسن انت تبع اي مكتب ياحبيبي اقول خلك مسلم واصدق مع المسلمين/size] |
أخوتي الاعزاء أرى بعض الاخوة ينصح ويرى أن كلامة هو الصحيح
عموما النصيحة أمام الملاء فضيحة ومن الصعب على أي شخص تقبل نصيحة وهي على الملاء إذا كنت أنا أو غيري نريد أن ننصح فيفضل أن ننصح على الخاص لكي ما ندخل في التجريح أو سوء الفهم ومستحيل لو نصحت اي شخص على الخاص أن يزعل بالعكس بيتقبل نصيحتك بصدر رحب حتى لو ما أقتنع ثانيا : بالنسبة للضمان الهروب لا يوجد أي مكتب رسمي أو غير رسمي يضمنه ولا حكومة ولا غيرة لا ضمان على الهروب وبالنسبة للمرض أو رفض العمل فالضامن هي مكاتب الاستقدام الخارجية وليست مكاتب الاستقدام السعودية ويتم تعويضك بفيزة من مكتب العمل بعد مغادرة العمالة أي مكتب خارجي لا يضمن عمالتة وقدمت عليه شكوى من مكتب الاستقدام السعودي أو الكفيل بأوراق رسمية و أوراق ثبوتية مصدقة فمن الواجب على السفارات السعودية تحذير أو شطب المكتب الاجنبي من التعامل معها ومنعه من تصدير العمالة للمملكة وتختلف السفارات السعودية من دولة الى دولة في ضبط مثل تلك المكاتب والمكاتب الاجنبية حريصة جدا على كسب ود السفارات السعودية لكن يبقى هناك تقاعس المستقدم أو مكتب الاستقدام السعودي في أرجاع العامل أو العاملة والبحث عن الاعذار علما بأنه لن يخسر شي من حقة بل يزيد من سمعه مكتبة وبدل العامل عشرة عمال وحاليا الجميع لا يعمل الا بسمعتة وحسن تعاملة فنرى مكاتب كبيرة بالايام لايطرق بابها عميل لان العملاء لايوجد لديهم وقت للتجربة خاصة مع الضروف الراهنة أمل أنني وضحت لو القليل لكم |
السلام عليكم ورحمة الله وبركاته لا شك أن القارئ للموضوع ينظر له بنظرة تختلف عن صاحب الشأن صاحب الشأن من وجهة نظري لا يلام لكونه استقدم الرجال ودربه وصبر عليه حتى تمكن وعرف كل شي بالإضافه إلى أنه ما قصر معه (2000) ريال وشعاد يبي ؟؟ والأخوان اللي قالوا خله يروح أيضاً لا يلامون لأن السائق أتم سنتي التعاقد الأولى أي أنه التزم بالعقد لكن النظام هو الضابط لمثل هذه الأمور نظام مكتب العمل ينص على أن مدة العقد تكون سنتان وتمدد تلقائياً لمدة موازيه لها ما لم يبدي أحد الطرفين رغبته في إنهاء العقد . في حال أنهى المتعاقد العقد قبل نهاية السنة الأولى يتحمل تكاليف استقدامه + تذكرة سفره أما في حالة سائق صاحبنا فإن أكمل السائق (4) سنوات فيحق له نظاماً إنهاء العقد وعلى الكفيل منحه تذكرة سفر ذهاب فقط أما في حال لم يكمل (4) أي لم يكمل السنتان التعاقدية الثانية فيتعين على المتعاقد دفع تذكرة سفره . أما فيما يخص منع العامل من العودة مرة أخرى . فنحن نتحدث عن حاجتين الأولى : إن أقدم المتعاقد على أمر يخل بنظام البلد (جنحه أو جريمة) فهنا يمنع من العودة للملكة الثانية : المرسوم الملكي المادة (826) من نظام مكتب العمل وتنص على أن في حال استقال المتعاقد من العمل قبل انتهاء مدة التعاقد بناء على رغبته الشخصية . وعاد بعد ذلك للعمل مع جهة أخرى منافسه لكفيله السابق أي أنه يعمل في نفس نشاط كفيله السابق مما يسبب ذلك خسائر ماديه لكفيله السابق ، فالنظام يجيز لكفيله السابق رفع دعوى قضائية على من قام بإستقدامه والمطالبه بترحيله . وهذا النظام ينطبق على العاملين في المجال التجاري فقط !!! نأتي الآن لحالة سائق صاحبنا ونسأل هل تنطبق عليه أي من هذه الأمور صاحبنا أدرى منا بهذا الأمر وله الخيار هذا والله أعلم |
اقتباس:
ابو وسن اقراء كلام الرجاء يمكن تقتنع الله يهديك بس |
الاخ ييرونز
اي كلام اقراه واقتنع اذا تقصد ايضاح اخينا عبدالله بن عبدالله فما فيه بند يقول سفر السايق وحط عليه منع دخول للمملكه ... لان السايق حسب كلام صاحب الموضوع اللي هو الكفيل يقول كمل 4 سنوات يعني كمل العقد الاول وتجديد العقد .. |
أخي الفاضل أبو وسن لقد ذكرت لك الاجراء النظامي للتعامل مع حالة سائقك أما الاجراء الآخر لمنعه من العودة مرة أخرى فهو أن تقوم بمنحه تأشيرة خروج وعودة اضطرارية ومدتها (10) أيام وبعد مرور (10) أيام تبلغ إدراة الجوازات بعدم عودة مكفولك وهنا لا يستطيع العودة لوجود تأشيرة عودة في جوازه والسفارة لن تقوم بمنحه تأشيرة عمل جديدة على نفس الجواز لكن يظل للسائق طريقة أخرى بأن يقوم بإستبدال جوازه بجواز جديد والقدوم مرة أخرى وهنا يستطيع العودة وفي حال أنك اكتشفت واثبت وجوده في المملكة تستطيع اقامة دعوى عليه وتسفيره ولنتق الله في أنفسنا .... فمن ترك شيئاً لله عوضه الله خيراً منه ... خاصة وإن كان السائق مسلماً ... فلا يعلم أحد منا ظروفه ومن يعيلهم من خلفه قد يكونوا أيتاماً وقد تكون أم له مريضه ومقعدة لا يجد لها قيمة العلاج . والخيار لك وحدك في اتخاذ الاجراء الذي ترغب به |
الاخ عبدالله بن عبدالله
الموضوع لا يخصني تحياتي |
عذراً أخي أبووسن اختلط الأمر علي
شكراً على التوضيح تحياتي |
| الساعة الآن 12:20 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir