![]() |
الفزعة الفزعة خادمة أختي اندونيسية سوت لها سحر إكتشفناه بعد سفرها نهائي !!!!!!!
الله يفرج على كل من بيساعدنا أختي كان عندها خدامة اندونيسية سافرت قبل شهر ونصف ومن يوم سافرت واختي طايحة بالأمراض اشكال وألوان ماخلينا مستشفيات من عيادة لعيادة ومندكتور لدكتور وين في دكتور شاطر رحنا ومافي فايدة ، اخيرا رحنا للشيوخ يقرون عليها كلهم اجمعوا ان مسوى لها سحر من الخدامة ولازم نوصل لها عشان تفكه لأن السحر قوي وأختي ماراح يروح عنها البلا الي فيها الى ان تفك الخدامة السحر
المشكلة أن الخدامة راحت بلدها سووا لها خروج نهائي لأن شعروا أن عندها حركات غريبة وتكلم بالجوال فترات طويلة عشان كذا سفروها نهائي ولا بعرفون لهاعنوان ولا رقم هناك وصار لها هنا تشتغل عشر سنين في السعودية وقبل اربع سنوات ماخذينها تنازل من عائلة يعني مافي مكتب يرجعون له بعنوانها كل الي يعرفونه عنها أنها من منطقة اسمها جيانجور في اندونيسيا وعندهم لها صورة من جوازها بس هذا كل مالديهم فكيف يوصلون إلى هذه العقرب لأجل إقناعها ولو بفلوس انها تفك سحر اختي ؟ |
الله يكون بعونها استعينو بعد الله برجال الهيئه ومارح يقصرون باذن الله بطريقتهم رح يبلغون الخارجيه او السفاره المهم انهم بيسوون لكم شي بحيث توصلون لها باذن الله
|
اقتباس:
وكذلك التحويلات البنكيه اكيد فيها عنوان لها واستعينوا بالهيئة قسم السحر والشعوذه |
الله يشفي اختك
خالتي من سنتين مريضة بعد ما سافرت اندنوسيتها بكم يوم وهي مريضة وغير طبيعية وين نوصلهن فيه الله حسيبهن ،كذلك اختي من سبع سنوات وسحر الاندنوسية في بطنها صارت هيكل الله ينتقم منهن اسأل ربي انهن يتمنن الموت ومايموتن |
لو تدورون سمسار اندنوسي وتعطونه الصورة وعنوان الحوالات البنكية واسم المدينة
وتطمعونه بالمال بشرط يلقاها ويتكفل انه يخليها تفك السحر انا متأكدة انه مايفل الحديد الا الحديد |
الله يجزاكم خير على محاولاتكم مساعدتنا الله لايوريكم ولا احد من المسلمين سوء
الحوالات البنكية سألتهم قالوا انها كانت بنفسها ترسلها عن طريق بنك البلاد تحويل هذا الي يستخدمونه في التحويلات الخدامات ... يعني ممكن نروح البنك بس ماعندنا اوراق التحويلات لها يصير بصورة اقامتها القديمة الي كانت عندها ممكن يطلعون لهاعنوان هناك وش رايكم |
اختي ام صلاح
قبل سبع سنوات كنا في اندنوسيا وبعد خمس ايام جانا واحد سعودي يقول انه دوبه واصل من السعوديه ويبحث عن شغاله وعطانا صورتها وأسمها المهم قلت له عندك استعداد تدفع للي يلقاها وعلى طول وافق جبنا راعين الدبابات والسماسره الي بالجبل والكلام هذا الصبح تصدقين الساعه ثلاث العصر الا وهم جايبينها وماني عارف كم دفع لهم والله اني مستغرب كيف جابوها مع اني سألت واحد منهم قال جبناها من 150 كيلو الأمر بسيط وأكيد راح يطلعون اسمها وعنوانها وخاصه انها مسجله بالسفاره |
حسبنا الله عليها ونعم الوكيل **
الله ينصركم عليها وعلى امثالها **والله يجزاك الله خير اخوي عبدالله ياليت تكمل جميلك وتدلهم على هالسماسره وراعين الدبابات بنفسك حتى لو يسفرونك على حسابهم والله يكتب لك الاجر فرج همهم الله يفرج همك |
الحوالات البنكيه والسفاره
|
اقتباس:
بس راعين الدبابات موجودين بالجبل القريب من العاصمه جاكرتا وموجودين بالشارع الرئيسي ومعروفين هم يجونك وكل شي يشتغلونه علشان الفلوس |
جزاكم الله خير كلكم ، الله يفرج همكم ولايوريكم اي مكروه
الأخ عبدالله جزاك الله كل خير وسامحني ماقدرت أرد على رسالتك مشاركاتي ماتسمح أنت والأخوات والإخوان دلتونا على خيوط نحاول نمسك فيها كانت رايحة عن البال مثل التحويلات البنكية بنشوفها اول وبعدين الله يكتب الي فيه الخير والله يسعد ايامكم وينورها بالخير والسرور |
اختي الله يشفي مريضتكم ..ويقومها بالعافيه
عن طريق جوالها ممكن معرفة الارقام اللي كانت تتصل فيها في بلدها هذا شي..او الارقام الواردة لها .. وعن طريق تلفون البيت ايضا معرفة الارقام الواردة من اندونيسيا ومقارنه الارقام ممكن معرفة اكثر رقم يتم الاتصال فيه معناها هذا اول الخيوط .ممكن يكون زوجها او اخوها او غيره ..طبعا اذا كانو اهل البيت يستقبلون مكالمات من اندويسيا .. شي اخر اكييد شغالات الاقارب او الجيران او الاصدقاء اللي يزورونكم بالبيت يعرفون من تكون وارقامها وعنوانها ..لان كل واحده تعطي الاخري تلفوناتها وعناوينها .. حوالات البنك ممكن معرفتها برقم جوالها ..لانه لابد ان تضع عنوانها بالسعوديه والي اهم شي فيه رقم الجوال وبالتالي معرفه الي من كانت تحول المبالغ .. يارب يسهل لك الامور ..وان شاء الله تتوصلون لها ..ولو ماتوصلتو لها فيه الف حل وحل ...تحياتي ..!! |
الله يشفي مريضتكم عاجلا غير اجل اللهم امين
اختي ام صلاح ماعندي زياده على الاخوان لاكن خذي برنت من الهاتف او الجوال اوموبايلي والمكالمات الصادره من مجيأها عندكم وفي حالت الرفض من المشغل الجوال او موبايلي اختي قدموا معروض على الاماره محول لاي جهه ويطلعو لك اي فواتير على طول بتوفيق اختي |
أنا ما ادري هالشيوخ اللي تتكلمين عنهم يوحى إليهم والا من اللي جزم لهم انها مسحورة
شيوخ التفلة اي احد يروح لهم يقولون له مسحور جربي روحي وقولي احس بكذا وبكذا على طول تشخيص الحالة : مسحورة ويا كثر ما نمرض امراض ويقولون الاطباء انكم سليمين وما فيكم شي تعوذوا من الشيططان بس ولا تصدفون خرابيط ذا اللي يقرون |
اقتباس:
|
اتوقع تاخذون صورة من جوازها لسافرتها او المكتب الي جابوها منها وتعرفون عنوانها بالضبط
وانصح تسافرون لها وتغرونها بالفلوس تعطيكم السحر الي عندها ويفكها ,,, اعرف وحدة لها 10 سنين مسحورة من الشغاله وللحين ماقدر ولا ,,, يفك السحر الله يعيينكم ويشفيها يارب |
الأمر بسيط اختي أم صلاح للوصول للخادمة جانجور قريبة من البنشاك الجبل والجبل يبعد عن جاكرتا 100 كيلو حاولوا تقصون الخيوط من البداية : اول شيء تبحثون عن المكتب الي استقدمها من اندونيسيا لأن في مكاتب في جاكرتا وسماسرة يجيبونها للمكاتب اذا وصلتوا للمكتب الي بالسعودية واستقدمها من جاكرتا توصولون للمكتب الي في جاكرتا واذا وصلتوا للمكتب الي في جاكرتا توصلون لسمسري الي جابها من ديرتها لأن السمسري هو الي يعرف ديرتها ويعرف بيتها وتليفونهم الحل الثاني تروحون هناك لجاكرتا وللسفارة السعودية هناك وبعدها يشوفون اي مكتب استقدمت منه وقبل كل شيء اتصلوا بالسفارة على الارقام هذي عـنوان سـفـارة مـمـلـكـتـنـا الـغـالـيـه فـي جـاكـرتـا العنوان شارع م.ت هاريونو 27 شاوانغ جاكرتا - تيمور Ji MT Haryono Kav 27 Cawang Jakarta - Timur مفتاح الدولة : 0062 هاتف 8011533 – 8011534 - 8011535 فاكس : 0218011527 العطلة الإسبوعية السبت والاحد ــ ساعات العمل من 8 صباحاً - 4 عصراً فارق التوقيت عن توقيت المملكة +4 ساعات القسم التحويلة Section مكتب سعادة السفير 5556 Ambassador’s Office شؤون الرعايا السعوديين 3333 3300 Citizen affairs القسم القنصلي 2222 2220 Consular Section الشؤون الاقتصادية 5544 Economy & conferences and organization Section الشؤون الإعلامية 5533 5534 Information affairs Section الشؤون الإسلامية 4441 55 أرقام هواتف قسم الرعايا السفاره السعوديه خالد العراك 3333 081584119494 سليمان المزيعل 3300 081563990029 عصام بوبسيط 3300 8194132 08161869595 0811129595 سعود الزهراني 3300 085880888994 |
ياليت تكتبين كل شيء يصير والنتائج حتى يستفيد غيرك
الله يشفيها |
اتصلوا على السفارة قبل تروحون وشوفوا هم يتساعدون معكم او لا ؟
اذا رحتوا هناك لاتعطون اي شخص فلوس مقدم قبل تشوفون الخادمة قدامكم تراهم نصابين لاتركبون مع احد يوديكم لبيتهم خلوها تجيكم في جاكرتا او في اي مكان آمن وخلوا السفارة اتابع معاكم اول باول لاتروحون على روسكم لو تصير مشكلة تكون السفارة على تنسيق معكم |
الاخت ام صلاح
الف سلامة على اختك وارجوك لاتحاولين تسافرين لأهنم بيستغلونك ما ديا اول ثانيا يمكن انك انتي نفسك ماتسلمين منهم ولاكن احب اقلك العلاج موجود بدون تعب واحب اوضحلك انني اقدر اساعدك سواء هنا بالسعوديه ام باندنوسيا حيث انني اتقن اللهجه الاندونيسية للتواصل ارجو مراسلتي على الخاص ام على اميلي shoshococo33@hotmail.comوالله العظيم اني اضطريت للاشتراك في هذا المنتدى القيم الا لكي اقوم بمساعدتك والله المستعان
|
يا,,,ة والله لو سحر قوي عليها بالاغتسال بمويه مقري فيها سوة البقرة
او تقرأ سورة البقرة اربعين يوم مع زيت الزيتون على طول ينفك ولا يقاومون الشياطين مهما كانت كيدها ضعيف ................... اعرف وحده كذا شهرين استمرت تقرأ سوة البقرة رأت رؤيا جاها رجل وبشرها ان سحرك انفك خلاص والحمدلله لما قامت من النوم الا وجسمها كله حبوب ويصب من دم وبعدها الحمدلله صارت حصان وهي كانت تصارع الامراض من اربع سنوات ............... |
اقتباس:
اختي ام صلاح الله يشفي اختك ويعافيها يارب وكل مريض ثاني حاجه ام تيم الله يهديك انتي وهالرد انا مااحب التعميم التعميم لغه الجاهل انتي الان تعممين على الشيوخ احمدي ربك انك لستي في حاجه لتروحي عندهم والله اعرف ناس شافاهم الله بعد مارحوا عند الشيوخ الله لايحوجنا لهم ويشفي الجميع يارب |
اقتباس:
جزاك الله خير واكثر من امثالك |
موفقين انشالله
|
لاحول ولاقوة الا بالله شفاها الله وعافاها عليك بسورة البقرة
الوقاية خير من العلاج والله العظيم اني جبت مفتشة خادمات قبل سفر خادمتي الاندنوسية بناء على نصيحة صديقة لي رغم رفضي للفكرة في البداية واقسم بالله انها طلعت منها بلاوي وماتصدقون من وين طلعت صور لي ولولدي رغم عدم وجود اي خلافات بينها وبيننا ولكن من كثر مانسمع من الناس .. في مفتشة نعرفها تخاف الله وقوية الشخصية جدا تاخذ خصلة من شعر الخادمة بعد تفتيشها لتخويفها فقط ان وجدت لديها مايدل على سوء نيتها تفتشها تفتيش دقيق جدا بدون تدخل او احراج لصاحبة البيت وتسافر الخادمة وانتي مرتاحة الله المستعان حسبنا الله عليهم ونعم الوكيل |
مرحبا الله يشفي اختك وجميع مرضى المسلمين الهم حبيت اقولك ان كلام الله اقوى من اي سحر بالعالم *وترى اذا رحتي تفكين السحر عندهم بيعقدونه زيادة كم عقده نصيحة فيه شيوخ ماشاء الله عليهم حتى لو ماراحت سورة البقرة يوميا وتشغيلها في المنزل وماء زمزم مقرئ فيه والرقية ترى السحر من اعمال الشياطين واللي خالقهم هو الله مافيه شي اقوى لاتدورينها عشان ماتعقده زيادة وهاتي فلوس نفكه يرجعون يعقدونه لذلك عندك ال,,, الغراب في السويدي تقريبا عند نفق السويدي اسم العطارة الغراب خليه تروح وتداوم لانني رحت مرررررره وشفت مسلسلات مو سحر تلبس وشي ماينقال الله يشفيهم بس السحر يطلع ان شاء الله شوي شوي بس تستمر بكلام الله واتركي عنك اهل الشعوذه الله يمسحهم عن وجه الارض ويرجع لهم عملهم والله يشفيها ويعافيها وجميع من مسه سحر او تلبس ماترى باس
|
اللهم اشفيها ......
|
وش صار على اختك بشرينا
|
حسبنا الله ونعم الوكيل في كل واحد مايخاف من الله
بشرينا وش صار على اختك |
بسيطة جدا
صورة الجواز والحوالات البنكية فقط والذهاب للسفارة السعودية باندنوسيا لان عنوانها الاصلي بالسفارة ايام التفييزا ؟؟ شوفي احد المتواجدين باندنوسيا الان وتواصلي معه والله يفرج كربتكم يارب |
الله يشفي اختك ويرد كيد الخادمه في نحرها
|
أختي ام صلاح ليش مافكرتوا تجيبون ,,, ... ترى الشيوخ عندهم طرق يعرفون اذا الانسان مسحور او لا ...
وكذلك يقدرون يفكون السحر بالقرآن ... سبحان الله . انا اعرف وحدة تعقدت حياتها العائلية ... ولما اهلها ودوها لل,,, يقرأ عليها ... قال لهم هذي مسحورة .. واخذوه للبيت وحدد اماكن دفن الاسحار وكانت كثيرة جدا ومن مدد مختلفة ( هي كانت ماتجيب الا اندونيسيات ) ..... وفك عنها السحر وتحسنت شوي بس مارجعت زي اول .... حسبي الله عليهن .... الله يشفي اختك ويرفع عنها وجميع المسلمين ... ويخلصنا من شر هالمجرمات ويرزقنا العمالة الطيبة .... انه سميع مجيب . |
أذا متأكدين من السحر افضل طريقة السفر والبحث عن سمسار يتم اغرائه بالفلوس وصديقني الفلوس تجيبها المهم يرحون ناس هناك والامور بتنحل انشاء الله والله يفك كربها .....
|
أختي الله يهديك القران يشفي من كل مرض
وحتى لو رحتوا لها ترى مو سهل انها تفكه لأن السحرة يأذونها أنصحك تتواصلين مع ال,,, عبد الله الخليفة اكتبي في جوجل منتديات ال,,, عبدالله الخليفة وسجلي في المنتدى واشرحي حالة اختك وال,,, ان شاء الله يتواصل معكم ويعطيكم خطوات العلاج وممكن تروحون له اذا كنتوا في الرياض وترى عن تجربة أعرف ناس قريبين مني جدا انفك السحر بس بالقراءة من ال,,, لكن السفر ما انصح فيه لأن ممكن ياخذون فلوسكم ويقولون فكيناه وهم يكذبون ما في شي يضمن لك صدقهم توكلوا على الله ومن الان خلوا المسجل شغال على سورة البقرة باستمرار في بيت أختك والله يشفيها وجميع المسلمين |
اسأل الله العظيم رب العرش العظيم ان يشفيك ويشفينا و يشفي امراض المسلمين . حاول الاتصال بال,,, ضيف الله في الارض dhaif-allah1@hotmail.com لعل الشفاء يكون على يده بعد الله
|
لاحول ولا قوة الا بة سبحانة ودعوا الامر لربنا ثم الرقية ثم الرقية ثم الرقية
|
رد
اللهم صلي وسلم على نبينا محمد
|
حسبنا الله عليها ونعم الوكيل
ارسلي صوره جوازها وتاريخ خروجها من السعوديه وعنوان الحوالات البنكية واسم المدينة بحاول ابحث عنها .... |
انا بجاكارتا ...بس عطني عنوانها وإسمها ...
بلا فلوس ولا يحزنون...جاهز للمساعده...ارسلي صوره جوازها alchalify@hotmail.com |
الساعة الآن 11:39 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir