|
انا بسريلانكا الان حبيت افيدكم بخصوص الخادمات لا اكثر
بخصوص اللي يقدمون على عماله و على اسعار انا الان في سريلانكا و اخذت عاملات و خلصت الحمد لله بعطيكم الزبده و طريقة التعامل هنا بما انها مو اول ولا ثاني زياره لي لسريلانكاو جلستي بالشهر وعليه لكن للافاده. تكلفة الخادمه سواء كانت اول مره تعمل او سبق لها العمل من قبل ( 3500 ) دولار متفقين عليها جميع المكاتب يعني ( 13125 ) ريال سعودي بما اننا شعب ندفع بقوة لكن اذا كنت جايب الخادمه عن طريق معرفه او عن طريق سماسره او او حسب اتفاقك المكتب ياخذ قيمه تخليص الجواز و الاوراق كاملة بـ ( 100 ) الف روبية يعني ما يعادل ثلاث الاف و ميتين ريال طبعا عمولة المكاتب لا صرت ما تعرف احد و لا تجيب من برا عاليه جداً الاوراق المطلوبة عندهم و كاله صادره من السعوديه باسم المكتب و رقم ترخيصه + صورة التاشيره والاصل + صورة بطاقه الاحوال + كرت العائلة مكاتب معتمده مو معتمده من السفاره السعوديه لا يهم اي مكتب ممتاز يقدر يخلصك و مكاتب ثقه ما خلصو وهم معتمدين و اصحاب سمعه اذا بغيت تتعامل مع المكاتب هناك مباشره يلزمك تتكلم انجليزي و بعضهم يعرف عربي انصح بالهروب من مكاتب العاصمه كولمبو لسبب الضغط عندهم و بعض المكاتب لديها خدم جاهزين 15 وهم عندك و كل شخص حسب اتفاقه معهم و كيفيه الدفع هذا للاحاطه اي استفسار اخواني ان شاء الله ما اقصر و لولا الخوف من الازعاج حطيت لكم رقمي اخوكم رحال دائما |
الله يعطيك العافيه على هذه المعلومات
|
شكرا الك علي هيك معلومات
|
اخوي عطني رقمك ضروري
|
الشكر لله اخواني اللي علقو
اي استفسار انا حاضر
اخوي شمس الاصيل للاسف انا سجلت جديد عشان بس افيدكم مشاركاتي ما وصلت 10 عشان كذا ما اقدر ارسل لك خاص و بنفس الوقت اخاف احطه بالموضوع و يجيني ازعاج |
اليوم عرض علي خادمه كبيرة نوعاً ما في السن
بس مشتغله من قبل و تفهم كل كلمه عربي و نشيطه
لكن انا مالي لزوم فيها او بالاصح ما معي فيزا اخذها عليها بكره او بعده اذا اقدر ارفق صورة لها برفق لها صورة واللي يبيها اوصله مع المكتب اللي اخذت منه او معها هي نراكم على خير اخوي شمس الاصيل حاولت والله ارفع مشاركاتي الى عشره لكن الظاهر اني كسول |
وش الحل مع مكتب العمل
اخبروني الاخوان ان مكتب العمل يجب ان تدفع الف دولاو امانة او مسمى اخر في حالة رفض العمل ترجع الالف دولار او اذا انتهت السنتين يرجع المبلغ للكفيل من سفارة سيرلنكا ارجو الافادة |
ياليتك يا اخوي رحال تساعد المحتاجين هنا و منها تنفع نفسك و ترزق الله ..
و الله يوفقك و يرزقك .. |
اخوي اللي تقول مكتب العمل اللي بالسعوديه ؟
انا اول مره اسمع بهالشي و اخذت فيز معي من السعوديه محد جاب لي طاري قبل شهر و قبل كم يوم ارسل لي خالي نفس الشي وهنا مالها طاري لكن ربعنا يبون يحرقونا اكثر من المكاتب يا اخوان الفيزا بالكويت بعشرين دينار و الخادمه تدفع كل شي عشان تجي تشتغل براتب ( 35 دينار ) و حنا اللي ولع الاسعار ربعنا و اهل المكاتب و فوق كذا حكومتنا الله يحفظها وش هالانظمة حتى الدول الكويسة صارت تبي تبتزنا اخوي ابو يزيد ان شاء الله ما اقصر باللي اقدر عليه متابعه و نصح و ارشاد و الحمد لله الامور متيسره ما لنا بوجع الراس دام ربعنا كل يوم بنظام شاكر لك مرورك يبوي |
يعطيك العافيه رحال * كيف اتواصل معك ؟
|
سلام عليكم
انا متواجد بشكل شبه يومي هنا
الي عنده سؤال او استفسار ان شاء الله ما نقصر |
اخوي الله يجزاك خير
انا اعطيت واحد في سيرلانكا مبلغ على اساس يجيب شغالة خلال شعر على حسب كلامه هو يتكلام عربي وانا عرفته عن طريق شغالت اهلي لكن المشكله صار له شهرين ماجاب الشغله ومايرد علي واذا شغالت اهلي ارسلت له اهلها كل يوم يجيب عذر اخر شي قبل يومين قال ان السفارة معطله وماعندهم دوام لين 26 من هذا الشهر والشغلات والسائق جهزين ويكلمونا مستعجلين يبون المجي بسرعة لكن هو اللي اخرهم مدري هو غشنا واكل الفلوس ولا وش اذا تقدر تساعدنا اعطيك رقمه او رقم اهل الشغلة |
طيب اطلع اللحين فيزا سيرلنكيه وبعدها ايش اسوي اكلمك والا تعطيني ارقام مكاتب في سيرلنكا والا كيف جزاك الله خير
|
السلام عليكم و رحمه الله
اخوي صقر بالنسبة للمكاتب يقولك هذي الاوراق كلها جاهزه و يدخلك من كم و يطلعك من الثاني السفاره ما تعطل حسب علمي و اذا الشغاله مشتغله من قبل اجراءات جوازها و فحص طبي و حجز لها و التفييز بعشر ايام بس يجهزونها لكن المكاتب هنا استغلليين لو اجيه و ادفع فرق ميه ريال عطاها غيرك للمعلومية الان سعر الشغاله بالمكاتب هنا 4 الالف دولار تزيد شوي تنقص شوي متفقين على هالاسعار و كل اوراق الخادمه مع حجزها مع امورها ما تكلف 3750 ريال يعني الف دولار لكن عطني رقم المكتب و انا بتصل فيه و اتفاهم لك معه اشوف وش وضعه وش سوا لك |
اخوي هبوب
تبي اعطيك ارقام مكاتب اعطيك بس انا ما اضمن اي واحد فيهم للامانه يعني هم مرخصين و معتمدين و راح يصفقونك بالسعر عادي يعني بس موضوع كم يوم و يخلصونها والله ما ادري عنهم كل واحد و اتفاقه و تعامله الاوراق اللي يبونها الفيزا و صورة دفتر العائلة و صورة البطاقه و تفويض الكتروني للمكتب اللى بتتعامل معه او وكاله شرعيه باسم المكتب و رقم ترخيصة اي استفسار او شي انا حاضر |
يعطيك العافيه رحال
ابي ششغالتين وحده لحرمه كبيره والثانيه لا وحده تعبانه ياليت تساعدي كيف يسون او كيف اقدر اتواصل معاك |
اخوي ابو محمد
انا ما استقدم شغالات او جايب لنا و لقرايبي ممكن اتواصل معك و اساعدك تختار مكتب و ايش المطلوب و كل شي بس انا ما اجيب شغالات لاحد لاني مابي مشاكل مع احد بالنسبه للكبيره بالسن تقدر تلقى لها شغاله لانهم يسالون عن عدد افراد العائله كم و البيت كم فيه اي خدمه اخوك حاضر |
اخ رحال
مساك الله بالخير انا ان شاءالله سأصل كولمبو غدا اذأ تامر شي من السعوديةانا حاضر جزاك الله خير على نصحك لأخوانك |
الشكر لله ابو سارا
توصل بالسلامه ان شاء الله ما نبي الا سلامتك اذا كانت زيارتك سياحه و تحتاج اي شي اخوك بالخدمه فنادق سيارات و اذا جيت لكاندي انا متواجد فيها دايم كولمبو ما تصلح ابدا لا لسياحه ولا لعمل |
اقتباس:
انا جاي اذا اراد الله اشوفلي خادمتين لي وللوالدة والله ييسر لنا ولك كاندي كنت فيها قبل اربع شهور |
انا قبل اربع شهور بعد كنت بكاندي
لا يكون شايفك والا جايين على رحله وحده بعد هههههههههههههههههههههههههه عموماً بفيدك بما انك جاي ترا الاسعار بالمكاتب 3500 دولار الى 4000 دولار حاليا بكولمبو ولا تعطيه ولا هلله الا لما يخلص كل شي و يفيز و شف الشغاله و تكلم معها قبل يجيبها بعضهن يقولو ما نبي نروح تغير رايها و المكتب يفيز على جوازها و تبلش بها اذا لزمك شي برسل لك رقمي السريلانكي ع الخاص اذا جيت اتصل و ان شاء الله ما نقصر |
اقتباس:
وللعلم اخي الكريم قبل اربعةاشهر كان تكلفة الخادمة 3000 الله المستعان ...الناس محتاجة ومجبورة |
كانت فعل ماضي ربعنا يدفعون اي شي و هذي المصيبه
و المكاتب تستغل الحاجه و الطلب المتزايد عليها عموما وصلك الرقم بالخاص و نتشرف اخوي |
اقتباس:
شاكرومقدر |
بالتوفيق ان شاء الله
|
الجميع اخوي ابو.محمد
بسوي جوله هاليومين على المكاتب الي حولي و اشوف الخدم الى عندهم و تكون اوراقهم خالصه بس التفييز باقي عليهم و نجيب لكم صورهم و معلوماتهم و نحطها لكم والله يكتب الي فيه خير |
اخوي رحال دائم
اللي اعرفه حاليا موقفين المكاتب بسريلانكا لان فيه حاله اضراب بالمستشفى تبع الخادمات وبسبب التامين 1000 دولار .. |
الاخ رحال
انا والله سجلت بهالمنتدى من كثر ماادخل والقا كل شي يفيدني واكثر شي علشان اقدر اتواصل معك انا انشالله بروح سيرلنكا خلال الاسبوعين هذي وبصراحه اول مره اروح وباخذ زوجتي معي وبيني وبينك خايف اتبهدل هناك وانا ودي اجيب شغالات لامي ولي وواحد من اخواني ومعي تأشيرات ودي اعرف كيف الطريقه وكم المبلغ لكل شغاله بالريال وهل صحيح حسب ما يقولون المكاتب هنا لاني كلمت كذا مكتب ان التكلفه اعلى لما انا اروح بنفسي واتعامل مع المكاتب هناك وكم تاخذ اجراءاتها ودي ارجع قبل رمضان والله اني محتاس مو عارف وش اسوي بالله عليك ترد على استفساراتي لك كل الشكر والتقدير |
اقتباس:
هذا الحكي نسمعه ولا شفت شي حتى الان عموما انا خلصت اجراءات قبل اسبوعين و نص بالضبط ولا شفت ولا سمعت طاري لموضوع التامين الان بديت اسمعه من المنتدى بس عموماً لو استجد شي و تاكد رسميا ما راح يكون عن طريق المستشفى زي ما تقول بيكون عن طريق وزاره العمل عندنا تقره و توافق عليه والظاهر انهم بطريقة للايقاف بعد لانهم رفعو اسعارهم بشكل مبالغ فيه و غير مبرر ابدا |
اقتباس:
حياك الله بسريلنكا شوف انا ما اعرف وين بتكون اقامتك و لا حتى من وين بتاخذ الخدم لكن من باب النصح لا تاخذ الخدم من مكاتب كولمبو و جهز اوراقك التاشيره الاصلية و صور منها و صورة البطاقه و صورة دفتر العائلة الاقامه من الافضل تجلس بكاندي و فيها مكاتب تخليص بعد كثيره يبي لك يومين ثلاث بتحصل مكتب تتفق معه و بعدها تكمل جولتك وين ما تبي و ترجع لهم الشغاله الجديده يبي لها 50 يوم تكون اوراقها و امورها خالص و مدربينها اذا كانت مشتغله من قبل اوراقها و امورها تجهز بعشر ايام الى 12 يوم من المكتب اسعارهم 3500 دولار الى 4000 الالف دولار الان بما انك جديد زياره لسريلانكا من الافضل يكون معك فيزا او ماستر عشان لما تتفق مع مكتب معين تدخل النت و تسوي له تفويض الكتروني و تدفع و تخلص يلزمك سياره تتنقل فيها و الاحسن انك تاجر سياره بسايق من اي شركة تكلفك 50 دولار الى 60 دولار باليوم و لك 100 كيلو باليوم ما زاد تدفع قيمته لكن انت بتجلس 10 ايام لك الف ولا راح تمشي الف كيلو الفنادق تقدر تشيك عن طريق النت و تشوف الفنادق الى تناسبك اي مساعده او استفسار اقدر اسويه لك تامر امر |
يعطيك العافيه ماقصرت
|
الله يفرجلك دنيا واخره اخوي رحال
ماقلتلي الوضع عادي لما اخذ زوجتي معي يعني امان وبالنسبه للحجوزات من فنادق وسياره انا فتحت النت ولقيت انه ممكن لحجز من المطار على طول وبعدين اروح السفاره السعوديه واخذ عناوين المكاتب المعتمده وانت تقول ان اخذ من كاندي وانا سمعت ان المكاتب بس في كولومبو ا |
السلام عليكم
اخوي بخصوص الامان البلد امان ما شفت حتى ناس متهاوشه ولا عندهم مفحطين وكل واحد بحاله الساعه 7 يفتحون و كلا بشغله 9 بالليل.يرقدون و بلد طبيعه و سياحه و اشوف هاليومين كثار الاخوان مع عوايلهم رتب امورك بس والله يسهل |
ماتقصررررررر ابد
|
اقتباس:
|
مرحبا اخوي يعطيك العافية
انا عندي خادمة واعرفها عندي التاشيرة تقدر تساعدني فيها ؟؟ ياليت ترسل لي رقمك والا ايميلك للتواصل |
اخوي ارسلت لك الرقم على الخاص
ولا رديت علي وهذا رقم صاحب صاحب المكتب السريلانكي 0094719463700 |
ذلحين اللي يروح لسيرلانكا ليش يتعامل مع مكاتب ليش مايدور خادمات لديهن الرغبة في العمل ويتعامل معهن مباشرة بدون مكاتب وخلافه وإذا اتفق مع واحدة منهن يراجع بعد ذلك في انهاء اجراءاتها
|
سلام عليكم و رحمه الله و بركاته
اخواني اسف اني تاخرت بالردود علكيم لكن مشغول شوي هالايام تورطنا بالعوايل هنا بدت اجازتهم و جو الي يستفسر عن الخدم ينتظر شوي للامانه ما لقيت غير 6 خلال هالشهرين يا دوب خلصتهم و تعب و قرف و مشاكل المكاتب ما تخلص بالنسبة لك اخوي صخر والله ما فهمت شي من تعليقك هو فيز لك المكتب و الا تبي تتواصل معه والا وش الوضع بالضبط ما اعرف حاط رقم مكتب و بس بدون ما افهم شي اخوي عيون لا تكذب اذا تعرفها و تبي تجي هي تروح للمكتب و تخليه يخلص لها اجرائته و تدفع له ميه الف روبية شامله تذاكرها و ترسل لها او تسوي للمكتب تفويض الكتروني عشان يفيز لها و غالبا ما يفرون روسهن بالمكاتب عشان تاخذ فلوس عليك لكن قلت لك المطلوب اذا يلزمك شي بعد ان شاء الله ما نقصر اخوي نجم الشرق نسيت اقولك ترى الخدم جالسات بالشارع ينتظرن اللي ياخذهن هالوقت بدون مكاتب !!! ع فكره جا احد الاخوان و تواصلت معه لما كان بسريلانكا و انحدينا على المكاتب و برضو ما في شي عليه القيمه ( نقوه ) الا عن طريق معرفه مع الخادمه او احد اقاربها |
الله يجزاك خير ويوفقك اخي رحال
استفسار وش الفرق بين الذهاب لسريلانكا والاستقدام عن طريق المكاتب هل يستاهل العنوة |
| الساعة الآن 03:47 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir