|
طريقة استقدام عامله من سيري لانكا .. من يوم تطلع من بيتك الى ان ترجع بها مع
بسم الله الرحمن الرحيم
كنت اسأل كثيرا عن طريقة الاستقدام الشخصي من سيري لانكا ... ولم اجد الرد الشافي الكافي وبعض الاخوان يتحفظ على تجاربه ( من حقه طبعا ) المهم في تاريخ 19 / 1 / 2012 قررت انا واحد الزملاء خوض التجربه .... وكانت كالتالي ذهبنا قبل السفر باسبوع الى جده واستخرجنا التأشيرات من مكتب الاستقدام وكانت سهله جدا خلال نصف ساعه ... بعدها ذهبنا الى مكاتب الحجز ....وحجزنا على الخطوط الكويتيه وكانت جميله جدا ... في اليوم المحدد للسفر توجهنا الى المطار وصعدنا الطائره ... المهم وصلنا كولمبو الساعه الخامسه صباحا ...وكان ذلك يوم الخميس ...ووجدما السائق في انتظارنا لاننا رتبنا الحجز مسبقا عن طريق ( اقودا ) والسائق عن طريق احد الاشخاص المعلنين في النت وقد كان من المقرر ان يكون الخميس والجمعه راحه والسبت والاحد اجازه عندهم كان مقررا له استطلاع ... المهم الفندق الذي حجزنا فيه الخميس والجمعه والسبت .. وكان خارج العاصمه قام بالغاء الحجز دون اشعارنا بذلك وبعد الوصول اليه لخبطنا قليلا ولم نتمكن من السكن فيه ... عدنا الى كولمبو وحجزنا في الفندق اللي مقرر السكن فيه طوال الاسبوع القادم ... اخذنا يوم الجمعه لفه على المكاتب وكانت تقع في منطقة ( ماردانا ) وعددها كثير جدا وكان الوضع لايبشر بالخير اطلاقا لاسباب التاليه ( 1 ) اغلاق اكثر الدول والاتجاه الى سيري لانكا ( 2 ) وجود الكثير من السعوديين بسبب تصادف اجاوة منتصف العام ( 3 ) عزوف العاملات عن السعوديه والاتجاه الى الاردن والكويت في اخر النهار من يوم الجمعه لم يعجبنا الوضع وعكر الجو عندنا قليلا ... رجعنا الى الفندق وفي يوم السبت ذهبنا الى كاندي مدينه تبعد حوالي 160 كلم ولكن المشوار بالسياره حوالي اربع ساعات ...مرينا على مكاتبها كانت قليله جدا ولايوجد بها مسلمين ... الاحد كان راحه لجميع الفرق المشاركه خلال هذا الايام ومع بداية الاسبوع لاحظنا توافد السعوديين بشكل كبير في الفنادق والمطاعم والكل يبحث عن عامله ايضا مناديب المكاتب في السعوديه الكل منهم يحمل اكثر من سبعين تاشيره المهم صباح يوم الاثنين بدأ العمل الجاد واللف والدوران ... السماسره خارج المكاتب كثيرون ونصابين بلا منازع يطلب اكثر من الفين دولارويعدك بالعامله وبعدين اتحداك تجده ... المكاتب فيهم المعتمد في السفاره ...ويمكن يكون صادق ويمكن يكون نصاب ايضا وفيهم الغير معتمد في السفاره وايضا قد يكون صادق وقد يكون نصاب ... وجدنا الاسعار تترواح من الفين وست مئة دولار الى ثلاثة الاف وخمس مئة دولار ... المكاتب موجوده في منطقة ماردانا مثل ما قلت وضيقه جدا وكله صعود مع سلالم لايتجاوز عرض الدرج عن متر بأي حال من الاحوال ... ايضا فيهم من لايجيد العربية منهم من يوعدك غدا وبعد غدا ويضيع وقتك بعد اللف والدوران لمدة يومين استقر الرأي على احد المكاتب وتم الاتفاق معه بالنسبة لي على عامله مسلمه سبق لها العمل بمبلغ 14000 ريال سعودي ...وبعد يومين تم التفييز لها وانا في انتظارها الاسبوع القادم ان شاء الله ...... هذه قصتنا ..... الان الطريقه باختصار شديد ( 1 ) بعد وجود العامله في المكتب التاكد من سجله في السفاره ( 2 ) تشترط على المكتب ان يكون جوازها وفحصها جاهز ( 3 ) يقوم المكتب بعمل ورقة انجاز وهي دفع رسوم التاشيره في الخارجيه السعوديه ( 4 ) بعد ذلك يقوم المكتب بعمل ورقة الانترنت التي تتقدم بها الى السفاره ( 5 ) بعد ذلك يقوم المكتب بتصدق الفحص الطبي لكي ينزل في الجهاز لدى السفاره ( 6 ) بعد ذلك كله تاخذ الجواز وتذهب الى السفاره لاخذ التاشيره كل ما سبق تستطيع انجازه في يوم واحد بشرط ان يكون الفحص الطبي للعامله جااااهز بعد وضع التأشيره على جواز العامله تذهب العامله معك او مع مندوب المكتب الى مكتب العمل لعمل البيرو وهو رخصة العمل من عندهم ......قد يأخرونك شوي في ذلك بعدها تحجز لها وعلى بيتك مقتطفات السعر يتحكم فيه عمر العامله وديانتها وخبرتها الحذر الحذر من السماسره اللي خارج المكاتب بعض المكاتب غير معتمد ولكن قد يكون صاااادق المدة لانهاء الاجراءات اذا وفقك الله في عامله قد لايستغرق ثلاثة ايام |
ياسلام عليك جزاك الله الف خير على التوضيح على انه مالي حاجه في الموضوع فقط حبيت اشكر لعلى وعسى احد القراء يستفيد منه |
بارك الله فيك أخي
على ذكر تجربتك بوضوح ومصداقية ........ |
اقتباس:
زي ما تفضلت .. الوضع في الهند اكثر من سيرلانكا ... ولكن بعض الناس ما تصدق فيه مشاكل وفيه نصب واحتيال والاسعار غالية ... ولما تنصح الواحد بعدم السفر والتعرض للنصب سواءا ً في سيرلانكا او الهند ... بعض الناس ما تقتنع ولما يسافر يتفاجاء ..بالوضع السيء .. شكرا على نصائحك .. واتمنى تجي خادمتك . |
مشكور اخوي ماقصرت عندي كم سؤال
كم يوم استغرقت رحلتك هل هي بلمكتب جاهزه او يبغالها وقت للتجهيز بما انك دفعت 14 الف ليش رجعت وخليتها ليش ما رجعت بها معك هل يفرق سعر الجديده عن الي سبق لها العمل |
كلامك طيب وتشكر على التفصيل المفيد *** لكن لو انك حجزت للخادمه قبل سفرك او معك كان افضل
اتمنى لك ولجميع الاخوه والاخوات التوفيق |
يعني تكلف 14 الف من غير الفيزا ؟ غريبة المفروض اقل بكثير
لان فيه اشخاص يجيبونها ب8 الاف من غير الفيزا اجل وش استفادو وعلى فكرة غلطت يوم انك ما جبتها معك لكن نقول الله لا يخسرك ويرزقك بشغالة بنت حلال |
متاااااااابع للاحداث
|
14 الف +2000 ريال رسوم استخراج التاشيرة=16 الف
غير تكاليف السفر والتذكره والفنادق والمواصلات وغير تذكره الخادمه يعني لو ما نحسب تكاليفك الخاصه مع تذكره الخادمه بيطلع كانك استقدمتها ب18 الف الى 19 الف ريال لو استقدمتها من مكتب اوفر لك وريح 14 الف ريال مبالغ فيه بقوه المبلغ المبلغ 1500 دولار يخلصها لك المكتب ويبقى عليك الحجز المكتب اللي تعاملت معاه مبالغ كثير بالسعر الصراحة اتمنا بعد هذا كله تكون الخادمه مستعده للعمل بالشكل المطلوب وما تقول بابا انا ما ابي شغل الله يوفقك اخوي وحبذا لو تحط اسم المكتب اللي يبي يتبع طريقتك بتكون افته تحياتي |
اقتباس:
بخصوص الحسبه والتكلفه افيدك اني رجل اقتصادي وصاحب اعمال واحسبها ولله صح المكاتب طول الله عمرك فترة الاستقدام لاتقل عن سبعة اشهر على الاقل وانا ادفع للخادمة الحبشيه راتب 1800 وعليك الحساب اما بخصوص 1500 دولار اعتقد انه لا علاقة لك بالامر.!! خذ 2500 دولار وجب لي خمس تاشيراتهن جاهزه اما بخصوص عدم اركابها معي يعود لتقديراتي الشخصيه تجاه من اتعامل معه |
اقتباس:
شكرا لك وتقبل وافر احترامي |
اقتباس:
شكرا لك على الاطراء |
اقتباس:
نعم هناك من اخبرنا ان الوضع في الهند اسوا |
اقتباس:
الخادمه احيانا يكون جوازها واورقها جاهزه وتستغرق يوم اويومين اجراءات واسبوع اجراءات الحجز انا تركتها علشان ظروف الحجز ووثقت في الرجل سعر الجديده يقل عن المتعلمه اقل سعر للجديده الغير مسلمه 2700 دولار |
اقتباس:
|
اقتباس:
8الالف صحيح قبل سنه الان دبل |
جزاك الله خير على التوضيح
وبشر جات الشغاله؟ |
حرام عليك ب 14000 الف هذا اللي خلاهم يطمعون فينا وكل يوم والاسعار طالعه الله اعلم كم بتكون الخادمه بعد كم شهر
|
غاليه
ياشباب حتى بعد الصعود الصاروخي للاسعار تستطيع ان تستقدم باقل من ذلك
انا قدمت على مكتب في سريلانكا ب 9500 ريال سبق لها العمل وخلال شهرين تكون واصله اللي يريد الاستقدام مباشره يرسلي على الخاص مكتب سبق التعامل معه ومعتمد من السفاره وتم التاكد من عدم وجود ملاحظات عليه من السفارة |
سلطان ربي يجزاك خير ويعطيك خير هالشغالة ويكفيك شرها
خالد 138 ممكن ترسلي التفاصيل عالخاص وشكرا |
يعطيكم العافية على مشاركاتكم.
|
جزاك الله خير
|
اخ خالد ياليت التفاصيل على الخاااص
|
يعطيك العافية اخوي انا قدمتعن طريق شخص قبل اسبوعين ب7000 من غير التاشيره والان بانتظاره ولكن بعد ماقراءت موضوعك بصراحه الله يستر بس
|
شكرا اخوي الكريم على طرحك لتجربتك المتميزة وانا بصراحة استفدت منها مثل ماستفدت من تجارب بعض الزملاء اللي استقدمو من قبل لاني ناوي اسافر لكولمبور ان شاء الله يوم 1433/5/20هـ 2012/4/12م ومعاي كم تاشيرة ابي الله يجزاك الف خير اهم النصائح والتوجيهات ودمت بصحة وعافية |
خالد 138 ممكن ترسلي التفاصيل عالخاص
وشكرا |
اقتباس:
|
الأخ أبو عماد
إذا وجدت أي معلومات فأرجوا أيضاً أن ترسلها لي لأني كذلك أنوي السفر إلى سيرلانكا لاستقدام خادمتي |
ارتفاع الاسعار
اقتباس:
احد الاخوة في المنتدى ذكر انه اتصل على عدد من المكاتب في سريلانكا وان الاسعار ارتفعت الى 13500 ريال |
اخ خالد ياليت التفاصيل على الخاااص
|
الشغاله ان شاء وصولها يوم الاحد
تاخرت بسسب ظرف عندها والمكتب قام بالحجز لها مره ثانيه ودفع الفرق والتذكره موجوده لدي احذرورا من يقول يستطيع الاستقدام باقل من 13000 ريال واذا انه صادق يقول لي اسم المكتب اللي يتعامل معه ..... لاني مريت على اغلب المكاتب وعندي قائمه بها االلي يستقدمون للناس بدون مكتب حصلتهم هناك ياخذون 14000 ريال المكتب ياخذ منهم 12000 ريال على الاقل لانه عميل لهم وهو ياخذ فائده 2000 ريال |
اقتباس:
لا تروح انت خل واحد من نفس ديرتهم يروح وشف الفرق |
السلام عليكم
الحقيقه كثرة المشاكل من هالشغالات والله قهر من جد انا محتاج اجيب وحده لأمي ووحده بجيبها لأخي وقلت بجيب ثالثه اترزق من وراها بتنازل وتزهلت لهم مادريت ان الدعوه خربانه **** مع اني توني راجع قبل اسبوعين من سيرلانكا ولا سألت هناك ولا شي ذهبت سياحه فقط الان متورط مادري وش العمل ؟؟؟ ممكن الافاده |
طيب ممكن من اصحاب الخبره الافاده ****
اي الافضل تكون جنسية الخادمه والارخص ؟؟؟ |
شكرا على سرد التجربة
ولكن السعر مبالغ فيه ...... فيه مكاتب هنا على 8000 وانت قاعد في بيتك ومن غير تكاليف السفر والفنادق والتعب قريت مرة ان الاستقدام من سيرلانكا إذا رحت بنفسك لا يتعدى 4000 ريال ..... ماردك ؟؟؟؟؟؟؟؟ |
يعطيك العافيه على الشرح
سافرت واخذتها 14 الف واخترتها بنفسك يعني مافيه ضمان ولابديل لو رفضت العمل او اي مشكله من 19 / 1 / 2012 او بعده باسبوع سافرت الى الرد ماقبل الاخير يوم 22 / 2 / 2012 وماوصلت الخادمه هاذا وانت اخترتها وخلصتها بنفسك يعني شهر تقريبا والمبلغ 14 الف من غير باقي تكاليف تذاكر السفر والاقامه طلعت سعر تنازل بحدود 18 الف فيه ناس ماتقدر تسافر يادوب تجمع تكاليف الاستقدام ويمكن يدفعونها دفعتين وهم متضايقين يعني يريح راسه ويتسقدم من مكتب وتقعد 3 شهور او بعض الاحيان شهرين وفيه فترة تجربه 3 شهور وبديل عن الحمل او مرض او رفض عمل الا انه هو رايح سياحه وبيجيب خادمه هذا شي ثاني تحيتي لك |
انا نازل سيرلانكا ان شاء الله
اما الشخص اللي يقول تكلف 4000 ريال هذا اول اخي قبل تقفل اندنوسيا والفلبين والهند ونيبال السعوديين اتجهوا الحين لسيرلانكا وصار الطلب كبير عندهم من السعودية لذالك استغلوا الفرصه وزادوا الاسعار فعلا اخونا دفع مبلغ كبير والصراحة بعد ما سألت اتوقع ان المبالغ قريبه مثل ما ذكر وان شاء الله تكون اقل من كذا مثل السابق او اكثر بقليل انا بروح باذن الله بعد كم شهر وراح استقدم 20 تاشيرة واللان ماحددت اسعار الاستقدام وراح ادرس الموضوع كويس قبل اسافر واذا كان المبلغ محتاج مثل ما قال صاحب الموضوع اكيد بكنسل السفره وواذا سافرت باذن الله راح اطرح تجربتي للي حاب يروح، لعلها تكون صدقه جارية تفيدني وانا تحت التراب واي شخص يقرا كلامي وسبق له الذهاب حبذا لو يفيدني باخطائه او الفرص اللي استغلها لو على الخاص |
الحمدلله وصلت الخادمه
قبل يومين اعلان في الشريط الاخباري في قناة الصحراء : سعر الاستقدام في سيري لانكا يقفز الى 4000 دولار |
مبروك الف مبروك اخ سلطان والحمدلله عالسلامه ***
بس مادري انت متأكد من السعر هاذي 4000 الف دولار ياخوي خضيت بطني ان لله وان اليه راجعون . |
اخواني خواتي الاعزاء ***
لماذا لايوجد اي واحد من الاخوه يؤكد لنا سعر الخادمه من هونيك سيرلانكا ودي اروح مع كم فيزا واجيبهن من هونيك والله يعين .... تحياتي للجميع |
| الساعة الآن 01:16 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir