|
هل تأكلون من طبخ الشغالة ( الخادمه ) ؟؟
]هل تأكلون من طبخ الشغالة ( الخادمه ) ؟؟
السلام عليكم ورحمة الله وبركاته نحمد الله ونشكره على النعمة التي انتشرت في أرجاء المملكة ولعل من بين ظواهرها ( الجيدة أو السيئه ) اعتماد الكثير من الأسر على الخدم بل إن بعض الأسر لديهم أكثر من خادمة ومن المهام التي تقوم بها الخادمة المنزلية ما يلي :- - التنظيف بكافة أنواعه للمنزل والأدوات والملابس وغيرها. - الاهتمام بلباس الأطفال ونظافتهم. - رعاية الأطفال الصغار أثناء غياب أمهاتهم. - الطبخ بكافة درجاته ... ويتفاوت الناس في الاعتماد على الخادمات أو الشغالات فهناك أُسر تعتمد كلياً على الخادمة حتى في الطبخ من تقطيع البصل واللحم او الدجاج مرورا بتذوق الملح حتى تجهيز السفرة وتقديمه في الصحن والاخرى ترى بأسا من اقتراب الخادمة من عملية الطبخ السؤال :- هل تأكلون الطبخ من ايدي الخدم ؟ ، ولماذ ا؟ في انتظاار ردودكم !!![ |
قد تكون الخادمة تطبخ لعدة اسباب
لان طبخها افضل او هي انظف من صاحبة المنزل او صاحبة المنزل لما تشبع من النوم او جارتنا شغالتها تطبخ لازم نقلدها |
لا مااكل من طبخ الشغاله بس اخليها تطبخ اذا عندي ضيوف لاني مشغوله معهم ومع ذالك ماكل واذا اكلت اكله غصب انا احب اطبخ والشغاله لتنظيف مع اني اتمنى الشغاله ماتدخل المطبخ نهائياااااا ولاتلمس المواعين بس المضطر يركب الصعاب
|
والله يا فاتن انتي تبي تسمعي وجهات النظر او عندك شي تبي تقوليه ؟؟؟ لان ردك يدل علي هالشي ؟؟
شوفي انتي لك الحريه والحق بالتعبير عن وجهة نظرك بكل صراحه ومباشره ولا تخلي اي شي يسلب منك هالحق الشرعي . وبالنسبه لسؤالك اذا الناس تروح المطاعم والكفايهات وتاكل فيها واغلب اللي يشتغلو جنسيات اسيويه ايش المانع انهم ياكلو من طبخ العامله المنزليه مااشوف اي فرق بالعكس احسها هي انظف منهم ع الاقل تكوني مشرفه ع الاكل وتعرفي مكوناته وكيف انطبخ هذا وجهة نظري الخاصه تحياتي |
فاتن
انتي سئلتي ولا طبقتي السؤال ع نفسك اولا لكي نعرف وش ردك انتي اولا وانا مع كلام الاخت ربي ورضاك الجنه في كل كلامها انتي الحين تشتري اقل شي تميس بريال والباكستاني يلف العجينه لف على يده ويده كلها شعر شوفي كم شعره تلصق بالعجينه وانتي تجي تأكليه وتقولي ما فيه مثل حق التميس الفلاني وكمان لو تشوفي عرقه كيف ينزل في الفرن لذلك قولي الحمدلله على طبخ الشغاله اسئلي نفسك انتي سؤال لو انتي متزوجه وعندك عيال ولا يوجد لديك شغاله وش تسوي * راح تنظفي البيت كله بما فيها دورات المياه اكرمكم الله * راح تنظفي اولادك * راح تنظفي كل شي بالبيت وفي الاخير راح تطبخي ............... تتوقعي هل زوجك راح ياكل من يدك قولي الحمدلله على الشغاله وش زين طبخها تحياتي |
الشغالة في بيتها وعند زوجها واولادها تطبخ لهم وياكلوا من يدها وانتي تطبخي لزوجك واولادك وياكلوا من يدك ايش الفرق بيننا وبينهم ؟؟؟؟؟؟؟؟؟ الشغالة ياما وقفت مواقف مع ربات البيوت تطبخ لهم ايام الوحم في بداية الحمل وتكون الحامل تتأفف من رائحة الطبخ وتلوع نفسها عندما تشمه وهو ينطبخ ولكن تأكله عندما يجهز تطبخ ايام النفاس اربعين يوم حضراتنا مستلقيات وهذة عادة حتى لو استعادت النفاس صحتها في اقل من شهر وتعتني بالبيت والاولاد وتطبخ للضيوف وتشرفنا امامهم وتكون فرحة ومتحمسة لاجل ترضينا وترضي ضيوفنا من يقوم بالمهام الصعاااب في رمضان طبعا حضرة الشغالة خاصة ادا ربة البيت موظفة لانقول نحن نوسوس وزوجي مايحب ياكل من يدها كله كلاااام وبس الا يجي يوم ويستسلم وياكل من يدها مثلما ياكل من يد عمال المطاعم اهم شي نعلمها بطريقتنا في الطبخ ومتابعة نظافتها ونظافة جسمها ويديها ونحسسها بالثقة ونمدحها والله يجزاهم كل خير يشتغلوا في بيوتنا ويبذلوا مجهود اكثر مما يبذلوا في بيوتهم وبلدانهم فهم يعيشوا عيشة بسيطة بلا تكاليف ولا مظاهر عيشة كفاف ... فلا ننكر معروفهم ابدااا |
ماعمري جربت هالشعور فبيتنا ..
لكن لو يحصل لي مااقول لا ، وش فيها الشغاله ؟!! ياختي ببيتك وادواتك وبإشرافك .. اكثر من كذا نظافه !! بالعكس اتمنى ربي ييسر لنا ويرزقنا طباخه والله |
اقتباس:
عين العقل وعين وعين الصواب اهنيك ع اختيارك الجميل للكلمات |
ياحليل الخادمه اللي تطبخ في البيت عند بعض المطاعم والعماله اللي تشتغل فيها...
لايغرك مطعم صغير ولا كبير ..الوسخ وسخ ..وجبات سريعه ولا خفيفه واللي يتسابقون كثير من الاسر علي الطلب من تلك المطاعم ..والله اعلم وش داخل تلك المطاعم .. الخادمه في البيت عندك علي الاقل .. وتاكل من نفس الاكل..وتحت اشراف اهل البيت ..ويشوفون كل صغيرة وكبيرة ... الخادمه طالما ادخلت للبيت يجب ان نرضي بكل شي يجي منها...لانه يجب ان نكون دقيقين في اختيارها حتي نرتاح لها وهي تعمل للبيت .. اما وادخلت للبيت ..تعتبر احد افراد الاسرة ..وجب علينا الرضي بكل شي يجي منها .. اما دامنا وصلنا لمرحلة التشكيك في طبخها وجب علينا الحذر منها في كل شي حتي التخلص منها ..تحياتي |
يعني الكل ياكل من اكل المطاعم وهم هنود الحمدلله والشكر! كيف هذي الي دايم ماشالله يدها بالكلوركس والصابون!خصوصا إذا عقبتِ على نظافتها واهتمامها بنفسها،، وبالنسبه لي افضل تجربه للموظفه ؛تسوي اكل الأطفال من بدري ،، لانه حرام ينتظرون ،، وأنا اسوي اكلنا حتى لاتسلبني مملكتي ! بس لامانع من شغل الضيوف زي اللف والحشوات ،، وانتِ معاها ،، ( اللهم لگ الحمدُوالشكر كما ينبغي لجلال وجهگ وعظيم سلطانك)
|
الله أكبر يعني نأكل من المطاعم وهي كلها عماله مانعرف من يتابع نظافتهم وما نأكل من يد شغالتنا وهي تحت اشرافي وقدام عيني والقفاز ما يطيح من يدها بالله وش ذا المنطق يا ناس
الشغاله الجديده لا يمكن اخليها تلمس شي بالمطبخ الا بعد شهر من وجودها اخليها طول الوقت تتعلم كيف تنظف وكيف انا اطبخ عشان اذا طلبت منها تلبس قفاز اثناء اعداد الأكل عادي ماتستغرب لانها تشوفني ألبس وتبدأ تقلدني والله فيه شغالات طبخهن له طعم مانمله |
تحياتي لكم جميع وشكرا لكم علي المشاركات الجميله الاغلبيه ياكل طبخ الخادمة
وانا والله الحمد لهذا اليوم لما اكل ولا حتى اشرب كاس ماء من الخادمه ولا ممكن ومستحيل ولكن الاخت اللي قالت تساعدني لا جا عندي ضيوف شعرت بالخوف وكم من ناس يقدموا لضيوفهم طبخ الخادمه وهم في بيوتهم يرفضوا ان تطبخ والاخ اللي يقول التميس والمطاعم هذا في ذمه المشرفين علي النظافه ولا قصر فيهم داود الشريان اما بالنسبه لي اثق في الشركات والمصانع فقط والله يسلمني لنفسي لقمه من يدي اكلها مرتاحة البال تسوا الف صنف هههههه ادري بتقولوا موسوسه سمعتها كثير بس علي ما قالت جدتي الحرص واجب والسنعه تسوي لناس مايسوون لها تحياتي لكم جميع |
الاخت اللي قالت تساعدني لا جا عندي ضيوف شعرت بالخوف وكم من ناس يقدموا لضيوفهم طبخ الخادمه وهم في بيوتهم يرفضوا ان تطبخ والاخ اللي يقول التميس والمطاعم هذا في ذمه المشرفين
================================================ اقولها لك بكل صراحه عن الاخت اللي تقولي او عن التميس ولكن الحقيقه انك مو موسوسه بل انتي يمكن ماعندك شغاله او ان فيه سر لا نعلمه على هالاساس كتبتي هالموضوع لا تزعلي بس هذي الحقيقه فاتن بس حكاية كاسة الموووويه وربي اضحكتني مرررررررررررره |
اذا الخادمة نظيفة ليش لا ؟ اكل من طبخ شغالات معارفي
في بيتي على كثر مامر علي شغالات ماعمري خليتها تطبخ احب اطبخ للعائلة وآجل غداي للساعة خمسه عشان انا اطبخ بحكم اني موظفه |
اقتباس:
|
اقتباس:
اما انت غصب تقول كذا وكنت اتوقع منك اكثر ولكن !! لا للاستفزاز |
إذا شكل الشغالة نظيف ويؤهل ان نفسي تتقبله عااادي
جتني اندونيسيه وحده ماقبلت أكلها سبحان الله والثانيه تقبلت أكلها من سناعتها ونظافتها أما سريلانكا فالحمد الشكر لله ما فكرت أقول اطبخي حتى الكأس اغسله بعدها عشان نقط يدها لا تجئ عليه الله يرزقني بوحده نظيفه سنعه يارب |
اقتباس:
وعرفت انه مو غير انا اللي ياقف يغسل الكاس ساعه ولا نشغل غساله الاطباق عشان نعقم كاس احيان اخاف من تطور هالحاله لكن سمعت بعض الاخوات ورتاح بالي الله يريح بالهم بالايمان وطاعة الرحمن |
أخت فاتن 1 انا بسألك أكيد عندك شغاله او عندكم شغاله هل تاكلين من طبخها ؟
|
اقتباس:
|
اصلحك الله ياختي
موضوعك عفوا ياختي وسامحيني على الكلام الي اقوله لك لك من باب المناصحه انتي اذا لديك خادمه فاحسني اليها وعامليها كما امرنا ديننا ونبينا الكريم كلامك وطريقته يدل على انك تنظري للادميه نظره دونيه جدا فانتي تحتقري حتى غسلها للكاسه عفوا هذا ليس حرص بل هو عدم ثقه فاذا لماذا تتركيها تعيش بينكم اخرجيها وريحي نفسك وريحيها كمان من عدم الثقه تخيلي نفسك معلمه تشرحي الدرس وبذلت مجهود كبير لايصاله للطالبات وتحضر لك مشرفه وتقطع شرحكي وتعيد شرحك لا تزيد عليه ولا تنقص ماذا سيكون في نفسك والله لا تنسي الموقف ما حييتي اخيتي راجعي نفسك ونفسيتك في النظر للخادمه واجمعي بين الحزم واللين في التعامل معها وادعي ربكي يسخرها لكي اما طبخ الخادمه فهذه امور شخصيه ترجع لبيئة الشخص نفسه وظروفه اما عن رايي لا يوجد مانع من اكل من طبخ الخادمه ولا اجد بأسا في ذلك فانا سنه كامله اعلمها واشرف عليها وللعلم كانت لدي خادمه هنديه تفاجانا باكلات هنديه غريبه جدا ولا تعجبني وكنت اتذوقها معاها وامدحها واخذ صحني لغرفتي واضعه في كيس واعطيه زوجي وهو خارج يرميه لا لشي والله حتى لا اكسر نفسها ولا اجرحها وخاصة وهي تقدمه لنا بفرح تنتظر منا كلمة الشكر والله خادمات مرررا علينا لهم مواقف لا تنسى ابدا فهل نحتقر يديها واكلها |
ماشالله تراتيل امرأة أهنيگ على رُّقيگ الأخلاقي في التعامل مع الخدم ! وكأن الموضوع هنا يُّعبر عن سذاجه القيم تجاه هذه الضعيفة المُتغربة! ورسول الله صلى الله عليه وسلم الثناء العاطر في بناء هذا الأساس! اقسم بالله لهم خير وصنيع مايُنكر ابداً !!خصوصا وقت الأزمات ؛ في أوضاع المرأه المُتقلبه ،،ودواماتنا ،، وايامنا كلها،، أسعد هم ربي مدداً،، وحفظ لنا قِيمنا لا تتغير ولا تختلف!
|
اقتباس:
اوووم الغرور قالت اغسلي الكأس والا الدرع بعدها علشان نقط يدها ووووين يامدام اقول احمدي ربك هذا اذا عندك شغاله واراهن اذا انك تملكي شغاله وان ملكتيها فانتي يمكن من يقوم بالشغل عنها من حبك لوجود شغاله عندك اختى اتحداك تحدي قدام الجميع اذا انك تغسلي بعد الشغاله مهما يكون هذي نسانه ربي خلقها زيك زيها فانتي تأكدي ان فيه نااس ما يحبون ياكلون من يدك <<<<< راعي ربنا في كلامك |
كل له وجهه نظر ونحترم وجهه نظر الجميع وطرح الموضوع للامهات اللي تترك الجمل بما حمل وبكرا تشكي من الخادمه انها وضعت سم لطفلها او سحر او تقتل والسبب هم اللي من تدخل الخادمة البيت وهي ماتعرف باب المطبخ بلا تعلق عباتها علي باب الشارع زيها زي ابو الشباب
المعذره من الجميع لكن اطفالكم اطفالنا واتمنى كل ادارة منزل علي ام تمشيه علي الشريعة الاسلامية سُبْحَانَكَ اللَّهُمَّ وَبِحَمْدِكَ أَشْهَدُ أَنْ لا إِلهَ إِلأَ انْتَ أَسْتَغْفِرُكَ وَأَتْوبُ إِلَيْكَ |
الحمدلله والشكر
اشك جدا بنفسيتك يافاتن وش دخل ادارة المنزل والخوف من الله بالطبخ يعني اللي تطبخ لكنها ظالمة شغالتها عاجبتك واللي تغسل الكاس بعدها عاجبتك واللي يخافون الله بالشغالات ويخلونهن يطبخون مايعجبونك اقسم بالله لو بيدي وقفتك عن الكتابة بالنت اعرف من نوعيتك الكثير الموسوسات المغرورات الاتي يتقرفن من الشغالات وهي لاتستغني عنها والادهى تطلب مربية هنديه. اكيد عرفتي من اقصد للمعلوميه العاملات عندي مالهن اي علاقة بالمطبخ الا تنظيف فقط مو كبر لكن صاحبة المنزل تطبخ وتعرف اذواق الجميع وترى ان الطبخ ارهاق ع الشغاله مع اشغال البيت فقط وليس كره للآدمية |
اما من تسببت لها الخادمة باأذى فهو ابتلاء من الله ولربما ليس لسبب واضح
|
السلام عليكم
أنا ضد تولي الخادمة للطبخ أو حتى رعاية الأطفال ** مسؤليتها النظافة فقط فقط ، وومكن مساعدة ربة البيت في الأمور الأخرى ، ولكن لا تتولى الأمر برمته. لعدد من الأسباب أولها أني كأم وسيدة المنزل لا أرضى أن تحتل مرأة أجنبية مهامي الأساسية في البيت وتجعلني كضيفة مهمتي مراقبتها فقط .. ( من جد ) كم هو شعور مؤلم وقاسي أن تشعري بأنك شيء زائد لا قيمة له . من ناحية أخرى ليست النظافة هي المشكلة فقط ولكن كثير من الخادمات تحمل في داخلها حقد لأرباب المنزل إما بسبب الاحتكاك اليومي أو بسبب مقارنة وضعها بوضعهم فهم في راحة ورغد وهي متغربة وتعمل في خدمة وعمل متعب ومهين حتى لو أحسنا معاملتها، كثير منهن قد لا يظهرن ذلك ولكن ربما يدفعن هذا الشعور للانتقام من الأسرة بأي شكل وعند أول فرصة ولو بعمل بسيط مثل التبول في الأكل أو الاعتداء بأي شكل على الأطفال ،، وأعتقد القصص والحالات المنتشره والتي سمعنا عنها لا تحتاج دليل . هذا فيديو مثال لذلك وأكيد الكثير اطلع عليه أو على شيء مماثل http://www.youtube.com/watch?v=uQ-K-wrGQa8 كل أسره حره في السياسة التي ستتخذها مع العاملة ولكن الحذر واجب مهما أظهرت طيبه وضعف .. أسأل الله أن يعطينا خيرهم ويجنبنا شرهم .. |
اقتباس:
ههههه اما توقفيني عن الكتابه عضو نشيط لاتنسى انا مميز والبركه في فتى نجد ووووواااااوووو موسوسه مغروره ليش وش هالحكي والهجوم اظن انا حطيت يدي علي الجرح من غير ما اقصد وانك انتي اللي عبايتك معلقه علي باب الشارع مثل ابو الشباب ترا ما كنت ادري ًانه انتي ولا كنت اقصدك لو ما جن جنونك يا عسل تحياتي وكاس ليمون يهدى اعصابك والافضل من يدك مو من الشغاله والمقادير كاس ماء نص ليمون ملعقه سكر ولا راح تاخذ من وقتك شئ |
اقتباس:
يكفي انك قلتي انا ضد بارك الله فيك و الحمد لله ياكثر العاقلات اللي يفكرون ويعرفوا الصح من الخطاء من بنات ديرتي وتربية الحمايل |
| الساعة الآن 08:59 PM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir