استفسار الله يخليكم خادمتي تقول ابرجع والمده بسيطه اللي باقي بالخروج والعود
 

انا خادمتي اندونسيه مسافره من خمس شهور وق وكلمتها كم مره وقالت ان زوجها رفض تجي
واليوم قالت تقول ابرجع بس لازم ترسلي فلوس يمكن 4000 حق التذكره وحق ورقه باسبورد
ا
وهالله يخليكم محتاجتها هل صحيح ياخذون منها 1500 حق ورقه رجوع للسعوديه
وهل اقدر اشتري تذكره من هنا لو مارجعت ارجعها

عزيزتي لا تصدقيها اغلبهم اللي سافروا اجازات يتصلوا على كفلائهم ويطلبوا فلوس عشان يرجعوا وبعدها تاخذ الفلوس ولا عاد ترد واعرف ناس كثير سارت معهم لكن الحل قولي لها تستلف من قرايبها وتجي واذا جات اعطيها المبلغ اللي استلفته كذا بتبان اذا تكذب عليك او صادقه
اتمنى من الله عز وجل ان يسخر لي ولك الخير حيث كان

قولي لها ادفعي من عندك وتصرفي بأي طريقه واذا جيتي عطيتك مصاريفك

وصدقيني لو صادقة بتتصرف لكن انصحك انك ماترسلين لها ولا ريال ..

والوضع بصريح العبارة كنسلي فيزتها لخادمة اخرى وخلي الدفع على الجديدة

لان ماراح يصير إلا كذا في النهايه تعبنا من نصب الخدم والمكاتب حسبنا الله ونعم الوكيل

والله ييسر امرك

والله مادري وش اسوي. قلتلها حاولي تتسلفي وتجي قالت دورت فلوس مالقيت
وتحلف اناها بتجي وانا مثلكم ماعاد اثق بالخدم من شهرين شريت شغاله ب15 الف ويوم خلصت شهرين تترجاني اعطيها راتبها ورحمتها وعطيتها وبكر هربت وراحت فلوسي

نصيحه لا تعطينها ولا ريال
هي لو حريصه على انها تجي قولي لها تدفع حق الذكره من عندها واذا جت انتي تعطينها
على فكره التذكره ذهاب فقط من جاكرتا الى الرياض لا تتجاوز 1200 ريال
الله ييسر امرك

فعلا لاتعطى الخادمة اي مبلغ مالي الا بعد حضورها
لكن الاشكال في بطاقة العمل اللي وقف المطار لها وانها ما تقدر ترجع الا فيها لم نجد مخرج او حل سهل
البعض عرض خدماتها بمقابل مالي والاشكال ليس في الدفع فنحن مستعدون لكن الخوف في الوقوع في شباك بعض النصابين في المنتدى
الله المستعان

تم تعحيل الرد السابق

الله عطانا عقل ونفهم حركاتهم وكذبهم

تكذب وشو 4 الاف انتبهي انتبهي قيمة الورقه 300 ريال اخوي ارسلها لشغالته قبل 7 شهور ومارجعت لهم خسرتهم فلوسهم والتذكره بس ذهاب 1200 ريال


هالحين جارتي لها شهرين ارسلت لها قيمة التذكره وحجزت لها بعد رافضين يرجعون شغالتها من اندونيسيا بالسفاره مشاكل ومعقدين خروجهم وكل يوم بسالفه لاتكذب عليك لاترسلين لها ريال


انتبهي تبي تعيش من فلوسككنسلي فيزتها ولاتردين على اتصالاتها كل يوم بتطلع لك بحجه لوصادقه بترجع دبرت حالها تعووضي الله بها راحت اندونيسيا ماراح ترجع لك

اختي صار لها موقف قريب وتخسرت انواع الخساير

مايحتاج ترسلين لها قيمة التذكرةأو قيمة تخليص معاملتها وجوازها من حكومتهم لأنك ممكن إذا هي صادقة اشتري لها التذكرة

من هنا اذا عندك رقم الجواز ممكن من المكاتب وممكن من مواقع الخطوط من النت وارخص خطوط هي الكويتيه .

واذا ماتعرفين من النت اتصلي على الخطوط الكويتية واحجزي مباشرة عن طريقهم ثم ترسلين لها رقم الحجز برسالة بالجوال

بعد تأكيده وتقدر برقم الحجز تركب الطائرة .

أما بالنسبة لأوراق الحكومة تكفي 1100 ريال لاترسلينها لها شوفي مكتب اندونيسي هناك يخلص لها جميع اوراقها عندهم

وتحولين له هذا المبلغ 1100 ريال عن طريق ويستون يون وترسلين له رقم حجز التذكرة وهم يوصلونها للمطار وكل هذا إذا تأكدتي من صدقها بالعودة .

للرفــــــــــــــــــع

بس للاسف حتى تذكرة الطيران دامها بسمها تقدر تبيعها وتاخذ حقها
والتذاكر ترتفع وتنزل
احيانا لجاكرتا تكلف ٢٥٠٠
عندي نفس المشكله وللاسف متوهقه زيك

ياليت رقم مكتب هناك ثقه يسوي اوراقها

طلعي لها تذكره من السعوديه والرسلي التذكره ع الاميل اذا هي صادقه راح تجي

انا خادمتي قالت لي ارسل لي التذكره ١٢٠٠ والباقي تدبره هي

حولت لها ١٢٠٠ ريال ولا رجعت ولا صارت ترد على اتصالاتنا

وهي كانت طيبه معنا ونعطيها فوق راتبها وماشافت منا الا كل خير

وكانت تبكي لما جت تسافر تقول زي تعاملكم ماشفت ومن هالكلام

فلا تثقي فيهم لأن المبلغ اللي بتحولونه مبلغ كبير

اذا تنظرين بعد رمضان ممكن من جاكرتا اذا هي جاده اشتري لها تذكرتها وتجيك مباشرة من دون ما يسلم لها نقدا واذا تكلمت بكلام ثاني فهي ممكن تكون متلاعبة لانه الواحد يسوي هالامور لانه محتاج لهم وممكن تكون صادقة بس كثرت مشاكلهم خربت على الصادق منهم والله يعين

المهم لا تصدقينها. اللي عندنا بغت تموت لما جت تسافر من كثر البكاء وع اساس ترجع. وزي كذا اتصلت وقالت ابي فلوس عشان البطاقه. واحنا بعد معطينها زياده بس قلنا لها ادفعي واحنا نعطيكي. وبعدها نتصل وماترد وبالاخير ارسلت انها حامل وماتقدر ترجع. والحين بلشنا. بس حسبي الله عليهم. الله يرد كيدهم في نحرهم. ويعطينا ربي احسن منها.

لاتصدقييييينها....

صارلي نفس شي و لاردت علي عقبها... وراحت الفلوووووس

والله من تجاربكم خوفتوني. وهي بعد تقول تبغى 4000
بس كلمتها قلتها سوي البطاقه انتي وانا لشتري التذكره من هنا. اذتبغين تجين تسلفي واول ماتوصلين اعطيك فلوسك
الله يسهلوسكتت حسيت انها اكتئبت

اذا تبي نصيحه من مجرب لاتحول لها اي مبلغ ..
هالخدم ماينفع فيهم شيء .!!
اذا كانت صادقة بتدبر المبلغ بأي طريقة ..

كانت عندي خادمة للوالدة اشتغلت اكثر من 3 سنوات ولا قصرنا معها بشيء ابد من زيادة راتب وحج وعمره ..

طلبت منّا تسافر وترجع بعد 4 شهور لكن تفاجئنا بعد شهرين تتصل وتطلب مبلغ تقريبا 4000 لتخليص اوراقها من اندنوسيا كنت رافض التحويل لكن الوالدة الله يحفظها اصرت من باب الثقة ..
قمت بتحويل المبلغ وحجزت لها عن طريق الخطوط وارسلت لها رقم الحجز ..
المهم كان اخر اتصال بيننا وبينها بعد وصول المبلغ لها وبعدها ماعاد ترد علينا والى الان جوالها مقفل



ما اقول الا : حسبي الله ونعم الوكيل ..