احذروااا يا اخوان ويا اخوات:
كثير منا يتلفظ بألفاظ مايعلم أين تبلغ به ولا حول ولاقوة الا بالله _ والبعض منا لايقصد_
لكن احببت التنبيه من باب النصح لأخيك المسلم،،
عن أبي هريرة رضي الله عنه قال : قال رسول الله - صلى الله عليه وسلم - : ( قال الله عز وجل : يؤذيني ابن آدم يسب الدهر ، وأنا الدهر بيدي الأمر ، أقلب الليل والنهار ) .
الحديث أخرجه البخاري و مسلم .
تفسير مفردات الحديث:
السب : الشتم أو التقبيح والذم .
الدهر : الوقت والزمان .
يؤذيني : أي ينسب إليَّ ما لا يليق بي .
وأنا الدَّهر : أنا ملك الدهر ومصرفه ومقلبه
أسأل الله أن ينفعنا واياكم بهذي السطور،،
اللهم آمييييييييين،،
تحياتي وتقديري
& أم القمرين &

لاتزعل اخي الفاضل بوصف اخيك ( رجل ثقه)!!
فأنا احدى السيدات اللي سبق وان تعامل معه ولا اقول لك عنه((( الا كل خييير))) مع انو كان بيني وبينه اتفاق لكن انسحب بدوووون ذكر اي سبب لامقنع ولا غير مقنع ولكن الحمدلله ان الرجل (ثقه) طالما عاملني بإحترام وانسحب او انسحبت انا بإحترام فالحمدلله اولا واخيرا الرزق على الله مش على البشر ( طبعا انا الآن اثني واشييد واعترف بفضل اخلاقه وتعامله معي والى الآن ادعو له بظهر الغيب مع العلم انك لو تابعت مواضيعي وقرأت سطوره وردوده وتعليقاته _الغير لائقه بي وهو يعرفني معز المعرفه_ ما راح تصدق اني اعترف له بهذا الكلام الطيب)
لكن مهما حصل فالإنسان يبقى على اصله وتربيته وانا لابد اعترف بالفضل لأهله وماراح يضرني سوء خلق احد معي ولاحسن خلقه لأن كل انسان شخصه واخلاقه عنوان له!!
اكرر اخي خذ الموضوع برحابة صدر وشوف انا فتحت استقدام شخصي ( من اندونيسيا)
واعلنت هنا بالمنتدى تحت عنوان (نستقدم لك ولاتدفع ريال واحد الا بعد وصول خادمتك)
وكان العرض هذا لأول 50عميل فقط لاغيييير _ فقط عشان لايزعل اخونا رجل ثقه_
والأغلبيه قدم عن طريقي من معارفي برا الموقع وفيه من الموقع الكثييير قدم ولكن للأسف مو فاضين اقل قليل يعترفوا بالفضل وينسبوه لأهله و,,,,, كثيير بهالزمن مش غريبه من الناس!!
عموماً:
وبفضل الله الى الآن ما فيه شخص اشتكى من العماله اللي جبتهم عن طريقي بل سأكون واضحه فيه صديقه عزييييزه علي مررره راح تسلمني تأشيرتها واوراقها اليوووووم الخميس الموافق 20/8/1423هـ
وراح اجيب لها خادمه ستصل الأسبوع القادم وراح اخذ عليها عهد تكتب تجربتها معي وكيف مصداقيتي،
للعلم قبل اسبوعين جبت لها خادمه لأختها ويوم السبت الساعه 9 صباحا ستصل خادمة اختها الثانيه ويشهد ربي الفلوس والأوراق ارسلتها لأندونيسيا قبل ايااام
_ قولو ماشاء الله_ تبارك الله احسن الخالقين،،
انا كتبت هنا فقط ايضاح وفائده انك ماتجمع على نفسك معاملات وتسوي رخيص وتكسب رضى الناس _لأنك لو تموووت ماراح يرضوا عنك الناس واسأل مجرب_
حط مبلغ معقول او بااالغ فيه اذا راح تنجز للناس بسرعه اللي يبغى يدفع اهلا وسهلا واللي مايبغى هو مش مجبر انك تذبح نفسك وتنجز له معامله بأسبوعين ومدتها اقل شي من المكاتب 9 اشهر الى سنه هذا اذا وصلت!!!
وانت لابد تعترف بخطأك اخي الفاضل وتتحمل حتى الناس لو مادفعوا لك ريال واحد راح ياكلوك اكل بس قول الحمدلله انك ما اخذت فلوسهم والا كان اعلوووم!!!!
لكن يكفي انك اعطيتهم وعد ويكفي ايضا بأنك (رجل) فلا بد ان تتصف بالثقه وانجاز الوعد في وقته حتى لاتخسر السمعه فهي راس المال!!!
واعذروني على الإطاله،
تحياتي وتقديري
& أم القمرين&

حياك اخوي ،
انا اقصد تحديداً تعاملت مع شخص يقال له (رجل ثقه) وعضو موثوق به ومعروف لدى جميع المواقع الكبيره،
والرجال الثقات نادرين بهذا الزمن لكن ذكرت موقفي مع احد الثقات واسميته ثقه كما هو يحب ان يسمي نفسه،
واكيد استاذي اذا انت سبق وتعاملت معك راح تعرفني واذا مو انت اكيد راح تعرف الشخص اللي اقصده، والأسماء تتشابه
هذا مالدي، واتمنى اني ما اسأت لشخصك الكريم لتشابه التسميات،
تحياتي وتقديري،
& أم القمرين &