 |
 |
 |
 |
 |
 |
 |
ملاحظة : الرقم خاص فقط بإعلانات العمالة المنزلية
| 12-13-2010 04:25 PM | |
|
سبحان الله حتى على موتي يحسدوني ......... الله يهديكي بس بخاطبك بالعــــــــــــــقل لعلي اقنعك انتي لما تستقدمين خدامه وتدفعين فيها نقول 10الاف وهذا الي يكلفني انا شخصيا وتسوين لها الاقامه بالفين زياده وفحص وتعلمينها النظافه والطبخ واللغه العربيه و الاكيد انك ماراح تعطينها نفس الراتب الي تاخذه وهي عندك بتزوديها اليين يصير الف ريال هذا كله ماله ثمن ...قبل ما تعلقين او تدعين علينا او بتقطعين رزقنا طيب حطي نفسك بمكانا حنا ليش دخلنا بهذي التجاره الا لحاجتنا ونبي الرزق الحلال خاصه اذا ماعندك شهاده بتقولين مالي شغل لكن انا اقولك ليش حنا نحط هذي الاسعار بقول عن اسعاري انا 2500شهري اعطيها راتب 1000ريال غير مصاريفها الشخصيه نقول تكلفنا 300ريال ولا تقولين لا انا حاسبتها بالملي يبقى لي ((1200))اذا انتي موظفه او مدرسه بتكفيكي انك تصرفين على البيت براتب 1200ريال حنا والله موطامعين ولا نبي ننهب احد والله والله والله لو ماالحاجه ماخاطرنا بنفسنا وانتي عارفه ان الموضوع خطر لكم يبقى بشرف والحمدلله وانا اكثر زبايني يطلبون مني الاقامه واوريهم حتى ارتاح ويرتاحون اذا بقطعين رزقنا عشان كم واحده تاجرت بخدم هاربات فصدقيني انك ضلمتي حظك لكن مااقول الا الله يهديكم بس ويكفنا الشر ويرزقنا بالحلال امييين |
|
| 12-13-2010 05:55 AM | |
| وكفى الله المؤمنين القتال | |
| 12-11-2010 10:25 AM | |
|
السلام عليكم كلام حلو .. جميل يالله كل وحده فيكم تروح للمكتب وتنفض إلي في مخابي زوجها وتدفع ( بالتي هي أحسن ) 9000 ريال وحطي يدك على خدك .. وأنتظري ليه باخلين على أنفسكم .. الله لا يعوزكم لأحد ولا أحد يعتاز لكم وكفى الله المسلمين شر القتال سبحان الله وبحمده سبحان الله العظيم |
|
| 12-10-2010 11:23 PM | |
|
الأ خت نديم السهر أ نا أ وافقك على كلامك وصح لسانك وما قلتي إ لآ الصحيح الجشع أعمى قلوب الكثير من الناس وأ تمنى من الله سبحانه وتعالى يكشف كل وحدهـ أو واحد يقوم بتأ جير العما له بطرق غير نظاميه وبطرق استغلا ليه حسبي الله ونعم الوكيل عليهم و الله لا يربحهم ولا يوفقهم ويا ويلهم من واحد بيوقفون بين يديه يوم القيامه يوم لا يُعذب عذابه أ حد نسوا وتناسوا إ ن الله يراهم |
|
| 12-10-2010 09:50 PM | |
|
اولا ياثنيان هذا رايك ونحترمه لكن والله انه اغلب الشغالات اللي ياجرونهم هاربات تقول لاتحكمين اولا انا اعرف شغاله وحده من قرايبي هي راس البلا ماتروح بيت الا تتفق مع الشغاله على موعد الهروب وتهربها وتاجرها بزياده 200 راتبها 800 تعطيها الف والباقي في بطن اللي هربتها نقول اجرتها ب3000 او 2500 او 2000 شوف ربحها ها وش خسارتها ولاشي شفت طيب عشانك نقول ان الخذامه لها كفيل وهو مقدمها ياخي ب8000 او ب9000 عشان خاطرك وياجرها ب2000 و 3000 او 2500 خلال 3 شهور ياخي رجع اللي خسره وزود ويكفي انها تجي تشتغل عندك وانت تاكلها وتشتري لها وهي اجار يعني تخسر زود ياخوي وكاله سياره بتجيبها نفرض 100000 وبتبيعا اكيد بارخص اذا ماطح سعرها هذا شوف الفرق بنده على الاقل يسون تخفيضات مو انتو الله يهديكم لاجى رمضان مشاء الله تدبلون السعر ام 2000 تصير ب3000 وهلم جرى وجميع الشغالات اللي تتكلم عنها هذي لها معقبين عند المكاتب تقول لو هربت طيب هي ممكن تهرب من عندك انت لو هربت من عند المستاجر انت بتعوضه بعد ماتلطش 2000 او 3000 يا,,, بلا بطيخ والله اعرف وحده شغاله تقول انكم متعطوهم رواتبهم اذا ماشتغلوا هاه وش رايك ظلم والا لا طيب راتبها 800 هذا حقها ومفروض علينا نعطيها ا800 مثل مومفروض علينا انه نعطي الموظف حقه وهذا حقها غصب عن الراضي وازعلان ومثل ماقال الرسول اعطوا الاجير حقه وبس وهذا راي |
|
| 12-08-2010 09:43 AM | |
|
بالنسبة للأخواني إلي زعلانين من بعض المأجرين يأخي الكريم يقول رسول الله صلى الله عليه وسلم ( لا ضرر ولا ضرار) المأجر قبل لا يجيب خادمه ( دفع ، وأنتظر ، وعلم ، تعب ) وحرم نفسه وجمع دراهمها لجل تناشبه في حلاله ...؟ اذا كان كلامك منطقي .. خل نقول وكالة السيارات اسعارهم مرتفعه المفروض يكتفون بقيمة السيارة الأصليه بندة اسعارهم مرتفعه المفروض يكتفون بالقيمة الاصليه يا بعدي هذا الكلام غير منطقي لانه دفع موش أقل من 12000 إلى 14000 وراتب الخادمه 1300 غير اجار مكتب . ورخصة موافقة من مكتب العمل والعمال وسجل تجاري وتعهدات عند الله خبرها .. وفاكس واجهزة واثاث مكتبي وعمال وسكرتير ومراجعة جوازات والبلدية ومكتب العمل والعمال والغرفة التجارية واذا هربت .. طار حلاله هل أنت راح تعوضه ...؟ راح تعطيه خادمتكم اذا الله رزقكم خادمه ...؟ اذا اصابها .. اصابة عمل أو مرض .. راح تراجع أو تدفع قيمة الدواء ...؟ اتقى الله لا تحسد اخوانك .. قال الله تعالى: ﴿ قُلْ هَلْ يَسْتَوِي الَّذِينَ يَعْلَمُونَ وَالَّذِينَ لا يَعْلَمُونَ ﴾ [الزمر:9]. اتقى الله اتقى الله اتقى الله تبي خادمه كم ساعه ومناشب العالم اجل لو أنه عندك الخادمه كان قلت .. والله ديرتهم فقر .. ليه راتبها 800..؟ وهي جايه تشتغل ليه تنام ....؟ وبعدين حنا نشتري مقاضي لنا .. لين تأكل من أكلنا .. حدها حدها ( اندومي ورز ابيض ويخب ) ....؟ الله المستعان ولا حول ولا قوة الا بالله العلي العظيم |
|
| 12-08-2010 09:30 AM | |
|
السلام عليكم اعتذر عن عدم الرد يا أخواني ( تحسبوني منقع على الجهاز ...؟ ) استغفر الله ربي عندنا بيت وعيال واشغال عموماً الخادمه غير مسلمه لا تجيد الطبخ مهنتها التنظيف والأطفال طبيعتي ما احط القمر بيد والشمس بيد لا يا مسلم لا اعرفها ولا سكنت مع اهلها ولكن يقول رسول الله صلى الله عليه وسلم ( الدين المعامله) تعامل بالحسنى .. بعدها كل الناس تحبك وتود قربك وتكره كلمة وداع لابد من أن الخادمه تخطئ أو يجي عليها يوم ما لها خلق تشتغل ... أو أو أو .. بطريقتك أنت بأذن الله تمشي الأمور وتساير الظروف والله العظيم جتني خادمه طالعة من 6 ابيوت وشكلها غير مقبول ( تقل رجال) وكبيرة بالسن .. طلب مني راعي المكتب أخذها خذيتها ولسان حالي أقول ( حسبي الله سيتينا الله من فضله أن إلى الله راغبون ) قسم بالله العظيم أنها تبكي بكي لما أنتهت مدة العمل . بل كانت من أفضل الخادمات إلي شفتهم وبذات بعد ما خذيتها البيت الله الحرام لأداء العمر .. مع أسرتي وكنت أعلمها أمور الدين في الأوقات إلي ما عندنا شغل بالبيت .. أرجو من الله أن تكون لي صدق جاريه أو علماً ينتفع به .. بعد مماتي يمين الله أنها نفضت بيتي نفض ( الستاير ، البطانيات ، المطبخ ، المخزن ، الشراشف ، الأثاث ، السجاد ، الجدران ، الأجهزه ، المغاسل ) والله العظيم ما مر علي بقوتها وحماسها للعمل فقط لحسن التعامل وتعليمها لأمور دينها وعدم الصارخ عليها على الطالعه والنازله اتقى الله في نفسك وأكثر من الأستغفار .. يسخر الله سبحانه وتعالى خلقه لك كون إلى الله كما يحب .. ويجعل حالك كما تحب أستغفر الله والحمد لله والله أكبر عدد خلقه وملئ خلقه أستغفر الله والحمد لله والله أكبر عدد مافي السموات والأرض وملئ مافي السموات والأرض أستغفر الله والحمد لله والله أكبر عدد ما أحصى كتابه وملئ ما أحصى كتابه أستغفر الله والحمد لله والله أكبر عدد كل شي وملئ كل شي |
|
| 12-06-2010 09:48 PM | |
|
اشكر كل من رد على موضوعي واتمنى انه نقوم بحمله ضد اسعار الاجار حتى يخضعوا وينزلوا اسعارهم ثنيان سوري تو اشوف موضوعك بس وش سبب التنازل وبستشير زوجي واشوف |
|
| 12-05-2010 06:17 PM | |
|
با أخ ثنيان ليش ماترد عسى المانع خير ! الله ييسر أمورنا جميعا |
|
| 12-04-2010 10:54 PM | |
|
السلام عليكم انا ودي استفسر بخصوص الخادمه السيلانيه كم عمرها ؟ وكم لها بالسعوديه ؟ وهل تجيد الطبخ والعنايه بالأطفال ؟ هل هي مسلمه ؟ هل سبق لها العمل ؟ هل تحمل جوال ؟ هل توافق على التجربه ؟ ارجو الرد حالا وماسبب التنازل بكل مصداقيه وجزاك الله خيرا |
|
| 12-04-2010 03:54 PM | |
|
نديم السهر كلامج صحيح ماقلتي شي غلط اصلآ الخدم مايربحون شي الي يربحون معزبينهم الناس الحين يجيبون شغالات بس عشان يأجرونهم ويستفيدون منهم ..اوك ماقلنا شي بس ليييييييييييييييه الطمع ..هذا الي يقهر لا والتوصيل عليكي ب50 من الخبر الى الدمام حتى التاكسي ماياخذ الا 25 قاعدين يستغلونا لأنا محتاجين الله يهديهم ويخلصهم من هالطمع بكره يروحون خدمهم ويحتاجون ويحسون الحين خلو أجار الساعه ب20 والي 15 طيب اشفيها لو تخلين الساعه ب10 بتربحين اجر ودعوه بالغيب ياليت الي يأجرون الخدم يقرون الي مكتوب ويحنون شويه |
|
| 12-04-2010 12:12 PM | |
|
اكيد انا معاك في الموضوع وكذالك هي حرية شخصيه بس المرجو من الي يشغلون خداماتهم ان يحسون وينزلون الاسعار يعني يكفي انهم بيخلصون من الراتب حق الخادمه وبيجيهم مكسب (ياليت معقول ) وغير الاجر من الله انهم بيفرجون لناس محتاجه |
|
| هذا الموضوع لدية أكثر من 12 ردود. اضغط هنا لعرض الموضوع بأكمله. | |
تعليمات المشاركة
|
لا تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
|
