ملاحظة : الرقم خاص فقط بإعلانات العمالة المنزلية
10-18-2011 04:10 PM | ||
قريتها بس كلها كلام مجرد كلام والاخوات اللي يبون يشتغلون خدم هذي حريه وبكيفكم بس مايحق لكم تقولون تفكيرنا ضيق كلمه وحفظتوها كل واحد حر في تفكيره ونظرته للخدم وبالنسبه لي وهذي وجهة نظري مستحيل ايد شغل السعوديه خادمه مع احترامي للناس الراقين في الرد فقط ام راكان...... |
||
10-18-2011 01:43 PM | ||
الشغل مو عيب ولا إهانه عشان تعتذرون للمرأة السعودية وترى كلنا عباد الله سعودية أندنوسية هندية أو غيرها والأفضل الشغل في مكان آمن وبحشمة وبأدب دام محتاجة ولو نظام ساعات طيب هذولي هم يشتغلون بالمدارس والمستشفيات والمولات وربي البيت أكرم من قرف المستشفيات وكل من هب ودب لكن بالبيت تشتغل لأسرة ووحدة وممكن تتفق معهم وتكون أكثر من عائلة لها ... أنا ما أحب هالشيء بس مو حرام عشان تتعففون وتعتذرون ... والشغل أفضل من السؤال والشحاته ... والصدقة واجبة بس ما أحلاها من عرق الجبين والتعب |
||
10-18-2011 10:48 AM | ||
غريبة هالناس ليش تعترضون على شغل الآخرين ، ليش ما تشتغل السعودية في بيت أختها السعودية ؟ الشغل عمرة ما كان عيب . أصلاً ما كثر هالبطالة اللي عندنا إلا موضوع العيب و ما يصلح و ماهو مستواي يا ناس ... في عالم محتاجة و الشغل يغنيها عن الصدقات و الطرارة ... ماهو عيب و لا حرام . الظاهر أن هذي الناس أصلا تنظر للي يشتغل عندها مثل الخدامات نظرة دونية . يقولون السعودية تاج راسك / ليش هذي بنت ناس و المتغربة مهي بنت ناس يا عالم كل الحريم لازم يتكرمون ، و كل اللي يخدم بالبيت لازم يكون تاج راس ليش التفكير الضيق و إذا متضايقين من كلمة خدامة / شيلوها غيروها يكون أفضل / خلوها ( مدبرة منزل ) ترى الشغلة هذي مهي سهلة / و لها مكانتها .. لا تبخسوا الناس حقها و خلوا غيركم يترزق الله ما فيها شي ، تشتغل بالبيت ( و الرجال بعمله ) من الصبح لين العصر و ترجع لعيالها معززة مكرمة و ترى فيه سعوديات تشتغل بالبيوت و هم فوق راسنا / و اللي توه يدري ترى صباح الخير كذا ننفع أهلا و ما تروح فلوسنا للغريب كذا نساعد الناس لثانية تترزق الله و تتحسن حالتها المادية كذا نتلاشى مشاكل الخدم و سحر الأندوسيات و الهروب مع رجال ، و تحرش بأطفال و إلا قتلهم بعد مدري ليش بلدنا مليانة من الناس اللي تفكريهم ضيق و ما هو عايش إلا تحت ظل الشعارات عذرا هذا رأيي و سلامتكم |
||
10-18-2011 07:08 AM | ||
يبدو انك ماقريتي تجارب الاخرين | ||
10-18-2011 02:40 AM | ||
عشم ابليس بالجنه تلاقي سعوديه خادمه مستحيل وبقووووووووووووووووووووووووووووه ام راكان..... |
||
10-17-2011 11:42 PM | ||
الف شكر للجميع وياريت نلقى بنات الحلال الي يفيدونا ويستفيدون |
||
10-17-2011 10:57 AM | ||
اقتباس:
لكن بالمجتمعات العربيه وتحديدآ السعوديه لاننا تعدونا على العز كون بلدنا بلد الخير والحمدلله كل العاملات ان كانت اجنبيه او عربيه نكن لهن الاحترام والدليل رد الاخوان والاخوات بالموضوع |
||
10-17-2011 10:12 AM | ||
والله انا لا امانع وبالعكس انا مستعد ان ادفع لها 1300 ريال شهريا مقابل ان تعمل بالمنزل وبنت البلد ولو احتاجت بعد مو مقصرين معها والي تعرف انا مستعد تشتغل عندي بس تخاف من الغياب انا اليوم ما اقدر انا مريضه انا وانا بعكس الاجنبيه الي تكون تحت عينك وتشتغل سواء مريضه او غير ذلك . مجرد راي |
||
10-16-2011 11:21 PM | ||
(اترفع عن الرد على بعض الردود) اشكر كل من شارك برقي وانارنا بنظرته الواقعيه فعلا لا ضرر من عملها بكامل حشمتها وهذا شرط من حقها ان تشترطه وحتى لو شرطت ان توفر لها ربة البيت طقم عباءه خاص لتعمل به داخل المنزل ويكون لبسها خاص فيها يبقى نظيف لحين مغادره المنزل والله ان الالفين والاكثر الي تاخذهم الاسيويه او الافريقيه هذا غير الي تسرقه لان هذا طبع اغلب الي يجون بالشهر والله ان بنت بلدي هي ومن تعول احق بها الف مره وبيكون بردا على قلبي غير الاسيويه الي احس انه جور وحرام فيها لاني اعرف اصلا انه ليس خالصا لها بل هناك من يشاركها فيه وهو لم يتعب فيه يخبرني واحد زوجته جابت سعوديه محتاجه وتبي تشتغل بنظام الساعه بمبلغ معين وزوجته على وشك وضع فلما احضرتها وبدات تعلمها حتى تتعرف على ما تحتاجه المراءه اكتشفت انها لاتريد ان تكوي ولا تريد ان تغسل ولها تحفظات على بعض الاعمال فا بكل احترام اخبرتها وبكل احترام انجزت ساعاتها الخمس ورحلت واخذت اتعابها وقد يكون قوت يومهم يااخوان الى متى الاتغلاق في التفكير والنظرات والله ياريت لوكل جمعيه خيريه تكون على درايه بالعوائل المحتاجه الفقيره الي ماعندها مانع تعمل لدى عوائل وتكون الجمعيه هي حلقه الوصل بينهم وارجو استمرار طرح الافكار والحلول للوصل لاتفاق يحفظ لجميع الاطراف حقوقها |
||
10-16-2011 04:07 PM | ||
البعض يقول: محشومة السعودية تشتغل خدامة ، شدعوااااا ؟؟!! والبعض يقول: أردى مهنة !!! والكثير يعتبر مهنة العاملة المنزلية مهنة حقيرة !!! وأغفل الكثير أن هذه المهنة في الأساس هي مهنة ربات البيوت !!!!! كل هذه الآراء تعكس نظرة المجتمع لمهنة العاملة المنزلية ومدى وشدة استحقار المجتمع لهذه الفئة وهذه المهنه، وبالتأكيد يعكس نوع التعامل الذي تلاقيه صاحبات هذه المهنه من ربات البيوت والموظفات في مجتمعنا .. مع الأسف .. في المجتمعات الغربية تعتبر ربة المنزل هي السيدة رقم (واحد) في المجتمع ويكنون لها كل تقدير واحترام، ويولونها الإهتمام الأكبر إعلامياً وشهرة ويظهرون لها كل الفخر بها .. |
||
10-16-2011 03:13 PM | ||
ودي اعلق على الموضوع وقبل كل شي اناااا سنيه عشان ماحد يكثر بالكلام اخواني وخواتي اكيد مقدرين زعلنا كون سعوديه من بلد البترول والخير تعمل بأردى مهنه لكن اذا الانسان محتاج ولايملك رزق اكيد بيرضى باي شغله تكون بالحلال خاصه وان وصل رواتب العاملات الاجانب الى 3الاف ريال اكيد بيغريها الراتب دامه بالحلال بدون ماتنظر للموضوع من باب نظرتكم لانها محتاجه جدا جدا خواتي لاتاخذون الموضوع من باب الاهانه لاحشى تكرم السعوديه ان كانت ملكه وان كانت خادمه تبقى عزيزة النفس والكرامه والله يعزنا ومايحيجنا لاردى الوظايف يااااررب لكن مثل ماقالو اكثر الاخوان ان الي رافض فكرة العامله السعوديه اكيد تكون مو محتاجه لكن في غيرنا سعوديات الله يعلم بحالهم ترى الدنيا ماتخلي فيها مصايب حنا غافلين عنها اما واحده زوجها مسجون او متوفي او مقعد ولالها احد اكيد تبي تكد على عيالها باي شغله بالحلال يعني الي تفكر تشتغل عامله هذول مش بنات لهم ام واب لا هذول ارامل اومحتاجات جدا جدا واكرر يكونون محتاااجات جدا جدا الحين الحمدلله طلعلنا حافز الله يكمله علينا وناخذ رواتب ومانحتاج لاحد والله يحفظ لنا ملكنا ويعز بلدنا ويعز بناتنا وشبابنا ومايحيجنا لاحد اتمنى تهدوون وتكون ردودكم فيها شيء من الحكمه بهالمواضيع الي تستفز لكن هذا الواقع مانقدر ننكره والله يكتب الخير للجميع اختكم ام نواف |
||
10-16-2011 02:49 PM | ||
السلام عليكم الناس اللي رافضين فكرة إن السعودية تشتغل في البيت (تساعد أم العيال أو راعية البيت) أو تطبخ (يعني شغلها طبخ فقط) ،،، هذولا ناس عايشين في نعيم من يوم ما ولدتهم أمهاتهم ، ومو متخيلين ان فيه سعوديين أو سعوديات محتاجات، يحسبون الناس كلها تاكل وتشرب وعندها سكن ملك وغيره وغيره ،، ولا الأخ اللي يقول ان السعودية تقعد في البيت ولا تشتغل عند الناس وانت ما ترضاها لغيرك ومن الكلام هذا،، ياخي إذا ما عندها فلوس > ولا عندها معيل > ولا عندها رجال في البيت يفزع لها > ولا عندها أي دخل مهما كان ومن أي مكان > ياخي تبيها تموت يعني ؟؟؟؟؟؟؟ من وين تاكل ؟؟؟؟ ياخي أنا أعرف واحد شهرياً نص راتبه تبرعات لناس (سعوديين) محتاجين ،، يقول مالهم إلا الله اللي خلقهم ،، الناس اللي عايشين في المدن ولا يعرفون شيء عن القرى أو المحافظات الصغار ، هم اللي راح يرفضون فكرة السعودية اللي تساعد أم العيال في البيت ، أو السعودية الطباخة ، أو السعودية المربية للأطفال ، أو السعودية العاملة المنزلية ( مع إني أفضل ان هذي الأخيرة يكون راتبها أعلى من غيرها) .. الأخ اللي يقول ما ترضاها على أختك ؟؟؟؟ لو أختي محتاجه وأنا ما أقدر أعيلها ليش ما تشتغل؟؟؟؟ ياخي الدعوة ماهي دلع حتى تقول ما ترضاها لأختك أو بنتك ،،، هي ما راح تشتغل دلع !!! راح تشتغل محتااااااااااااجه فلوووووس <<< ياخي افهم !!! |
||
هذا الموضوع لدية أكثر من 12 ردود. اضغط هنا لعرض الموضوع بأكمله. |
تعليمات المشاركة |
لا تستطيع إضافة مواضيع جديدة
تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
الابتسامات متاحة
كود [IMG] متاحة
كود HTML معطلة
|
|