خادمات , استقدام  , العمالة المنزلية

خادمات , استقدام , العمالة المنزلية (https://www.amalh.net/vb/index.php)
-   العمالة المنزلية في الرياض (https://www.amalh.net/vb/f2.html)
-   -   موضوع للنقاش (https://www.amalh.net/vb/t43653.html)

جنى محمد* 05-07-2012 02:22 PM

موضوع للنقاش
 
السلام عليكم ورحمه الله وبركاته
الكل يبحث عن خدامه وانا اولكم الي يبي بالشهر والي يبي يقدم ولا تنازل
بوجهه نظري ليه مايكون فيه حلوول ترضي الجميع
طيب انا محتاجه خدامه الامكانيات ماتقدر اقدم من 8 الاف الى 10الاف
والتنازل مستحيل تلاقي اقل من 13 الاف للاثيوبيه والسيرلانكيه حول 25 الف والاندنوسيه وصلت 30الف ليش كذا الاسعار
وتلاقيك تدفع دراهم واخرتها تنحاش مثل فص بصل وذاب
وتضطر تجيب من هالعماله الهاربه
طبعا ياكثرهم وصلوا ياجرونها لاالفين ولا على 2500ريال وحبشيه ماتعرف ولا شي توها جديده على قولتهم لانها توها جايتهم هاربه)
ب1800 ليه هالاستغلال حراااام عليهم
ولو بدق على الجوازت مافيه اي تعااون معك يطلبون رقم هويتك وياخذون رقم وادق ومازالت تاجر وتلعب على خلق الله
والشركات الي بتفتح ردد يالييييل ماطولك ليه مايكون فيه تعااون بين المواطنين ويردعونهم عن فعلتهم

سيدة الرياض 05-07-2012 02:58 PM

حسبنا الله ونعم الوكيل

رانيا 05-07-2012 04:16 PM

الصراحه كلامك سليم. بس تدرين فيني الضحكه ع المواطنين هالحين تبينهم يتعاونون كيف يبي يتعاونون وهم يتزايدون في الاسعار يعني مثلا يجي واحد يبي يتنازل اقصد يبي يبيع شاته اللي عنده ويقول لاعلي سعر ويجيك المواطن مطفي النور يحسب انه في سوق غنم ويبدون المزايده في الاسعار ع بعضهم والمستفيد صاحب هالخادمه اللي لوهي سنعه ماعرضها للتنازل. الله يجزاك خير اختي ع الموضوع بس انسي ان المواطنيين يتعاونون في كسر سوق الغلا للخادمات. للاسف الشديد مافيه تكافل وتعاون في مجتمعنا ابد الكل يريد ان يحصل ع مايريد وبس من دون مراعاة احوال الاخرين او من دون ان يعرف مدى حل وحرمة هذا المال الذي يحصل من ورا هالمزايدات والبيعات الغريبه للخدم وكأنا تحولنا لسوق نخاسه وليس تنازل عن كفاله وننسي ان هذه الخادمه انما هي بنت ناس حرة نفسها ولم تأتي لهذا البلد الا بعقد عمل للعمل وليس للتنقل في البيوت من اجل ان يحصل كفيلها ع ( بيعة طيبه من سومة طيبه ) وكأنها عبده مملوكه وليست امرأه حره لم تأتي الا بسبب الحاجه للعمل والمال والا لوعليها ماطلعت من بلدها وقابلت هالوجيه السمحه اللي بمجرد شافوا واحد يبيع بغلا وأخر اشترى بغلا بشكل هستيري راحوا يقلدون وينظرون للخادمه ع انها سلعه يجي من وراها كم هائل من القروش. اقول الله لايشفحنا ولا يفتنا بالدنيا. عذرا ع الاطاله اختي وعذرا اخواني عما قلت بس الصراحه الموضوع زاد عن حده.

سلطان 44 05-07-2012 06:22 PM

كلام كله جميل بس شنو الحل في نظركم؟

جنى محمد* 05-07-2012 07:13 PM

كلامك صح رانيا
طيب لوجتك عجوز راتبها الف وثمان من وين لها شغاله ب10 الاف تقديم ولا بالفين شهريا
عطوني حل لها

جنى محمد* 05-07-2012 11:57 PM

ليه ساكتين عن الموضوع او عاجبكم الوضع الي نحن فيه

رانيا 05-08-2012 05:37 PM

الله يحفظكم جميعا تبون الصدق مافيه حل تدرون ليش لان الاخوان اللي معاهم فلوس الله يجزاهم خير عادي عنده بيدفع الى الاربعين الف في خادمه مافيه مشكله عنده ماراح تهتز ميزانيته وهذا اللي يخلي الناس المشفوحه ع القروش تعرض بهالاسعار اذا فيه احد بيدفع كثير فيه احد بيعرض بكثير وطبعا من جهه اخرى فيه ناس ماعندها قروش بس الحاجه تجبرهم ويروح يتسلف ويتدين عشان خادمه الله المستعان العالم يطحن من حولنا والمسلون يبادون في كل مكان ونحن نتزايد ع بعضنا في اسعار الغنم عفوا اقصد في اسعار الخدم. الحل انه نرسل شكوى لمكتب العمل ونشوف وش بتصير النتجيه لان النظام الاسلامي التشريعي لايسمح بهذه المبايعات ويمكنكم الرجوع لموقع صيد الفوائد وقراءة موضوع منزل في الموقع بخصوص الغلا وراح تشوفون ان كلامي صحيح مئه بالمئه. الان كل من يستطيع ان يرسل شكوى فليرسل لمكتب العمل والوزارات ذات الشأن لتنظر في الموضوع ونظامنا حنا هنا نظام اسلامي واكيد بنرجع في كل مبايعاتنا للاسلام الذي لايسمح بمثل هذه الاسعار.

متعب.. 05-08-2012 05:59 PM

ياليت فضلا لا أمرا رسالة شكوى على دربك لعلهم يخفضون اسعار العقار لأن الدين الإسلامي مايرضى بإستغلال الناس فيما مضى 500 الف تجيبلك احلى فله وهالحين ماتجيبلك خرابه.
وبالمره رسالة شكوى على وكالات السيارات اول 30 الف تجيبلك سياره جديده وهالحين ماتجيبلك دباب.
الخروف اول تاخذينه ب500 ريال هالحين فوق 1500 .
نصيحه ارتاحي بس ولازال للإرتفاعات بقية أذكر قبل كم شهر عرضت خادمة أندونيسية عندي ب20 الف وأكلوني بلا ملح ونصحتهم ياخذون بالعشرين قبل توصل 30 وهالحين مابي أنصحكم تاخذون ب30 قبل توصل للأربعين الف أخاف تزعلون علي وأنا لاناقة لي فيها ولا جمل والله على ماأقول شهيد.

رانيا 05-08-2012 06:21 PM

الخادمه ادمي لها رجلين ومعها عقل وعندها جرئه مب زي اللي قلت يعني بدفع 30 الف ومن بكره منحاشه معلش اخوي البيت بسكنه ويبي يقعد لي السياره بسوقها وبتقعد لي الخروف باكله وانتفع به اما الخادمه صعبه مره.

متعب.. 05-08-2012 07:07 PM

طيب اللي يخليك قادره على قيمة البيت بهالأسعار وتسكنينه وقادره على قيمة السياره وتسوقينها وقادره على الخروف وتاكلينه ... ماراح تضرك 30 الف لو دفعتيها بشغاله واذا هربت تعوضي الله فيها.
حتى السياره ممكن تاخذينها ب 120 الف وتصدمين فيها وكذلك البيت والخروف مافي شي مضمون بهالدنيا.

جنى محمد* 05-08-2012 08:29 PM

اقتباس:

المشاركة الأصلية كتبت بواسطة متعب.. (المشاركة 293445)
ياليت فضلا لا أمرا رسالة شكوى على دربك لعلهم يخفضون اسعار العقار لأن الدين الإسلامي مايرضى بإستغلال الناس فيما مضى 500 الف تجيبلك احلى فله وهالحين ماتجيبلك خرابه.
وبالمره رسالة شكوى على وكالات السيارات اول 30 الف تجيبلك سياره جديده وهالحين ماتجيبلك دباب.
الخروف اول تاخذينه ب500 ريال هالحين فوق 1500 .
نصيحه ارتاحي بس ولازال للإرتفاعات بقية أذكر قبل كم شهر عرضت خادمة أندونيسية عندي ب20 الف وأكلوني بلا ملح ونصحتهم ياخذون بالعشرين قبل توصل 30 وهالحين مابي أنصحكم تاخذون ب30 قبل توصل للأربعين الف أخاف تزعلون علي وأنا لاناقة لي فيها ولا جمل والله على ماأقول شهيد.

ارسل شكوى لمين ولا لمين
بيت مستحيل تلقى ب500الاف ولا حتى ارض في العزيزيه الي عند المجاري
سيارات مالي خبره فيها بس كل شي مدبوول حرام الشغاله تلقاها منحاشه وتتشرط عليك بالفين وخمس مئه وان جبتها تكره شغل وراها مغير كحه واستفراغ
ماتدري وش هالامراض الي فيهاوالي من عند حرمه ثقه وصلت 5 الاف
قل لي وين اجيب خمسه وراتب الوالده الف وثماان بالله عليهم
حسبي الله عليهم
والذبيحه الحين حد الواحد دجاج دو وتخب عليك من غلاء هالاسعار

جنى محمد* 05-08-2012 08:32 PM

اقتباس:

المشاركة الأصلية كتبت بواسطة رانيا (المشاركة 293455)
الخادمه ادمي لها رجلين ومعها عقل وعندها جرئه مب زي اللي قلت يعني بدفع 30 الف ومن بكره منحاشه معلش اخوي البيت بسكنه ويبي يقعد لي السياره بسوقها وبتقعد لي الخروف باكله وانتفع به اما الخادمه صعبه مره.

ايه والله كلامك جد حرام ادفعها ومن بكره منحاشه انا جبتها مقدمتها وحول 7الاف ايام الرخص شهرين ونشبت لين ودينا راتبها وانحاشت
يعني مو قهر شي يقهر


الساعة الآن 05:15 AM.

Powered by vBulletin® Version 3.8.9
Copyright ©2000 - 2019, Jelsoft Enterprises Ltd.
Search Engine Optimization by vBSEO 3.6.1