خادمات , استقدام  , شغالات , العمالة المنزلية

خادمات , استقدام , شغالات , العمالة المنزلية (http://www.amalh.net/vb/index.php)
-   أنظمة و اجراءات العمالة و مشاكل الخدم (http://www.amalh.net/vb/f36.html)
-   -   [ ارجو المساعدة ] خادمة تتشكى وتبي تسافر نصيحتكم لي (http://www.amalh.net/vb/t209445.html)

z3iiim 12-05-2017 12:23 AM

خادمة تتشكى وتبي تسافر نصيحتكم لي
 
السلام عليكم ورحمة الله وبركاته
اخواني أبغى أستشيركم بخادمة بنجلاديشية جبتها مو عن طريق مكتب جبتها عن طريق سواق اعرفه جابها لي المهم الشغالة كثير تذمرها ونفسيتها خايسة .. طبعاً لها عندي شهر ونص تقريباً وكان اتفاقي مع السواق أن راتبها 800 ريال والسواق يقول حنا متفقين على 1000 ريال وهو نصاب بعينه يبي يلعب علي بس بدري عليه .. مو مشكلة أزيدها 200 اذا تشتغل مظبوط وتطبخ ونفسيتها زينه أعطيها من نفسي لكن ما أبي أعطيها للامور اللي ذكرتها سابقاً
عموماً تم الشهر وعطيت السواق راتبها علشان يحوله لبنجلاديش لكن رفض يستلم الراتب بحجة أن الراتب 1000 ... بعدها بيوم سألت الخادمة هل تم تحويل الراتب قلت لا .. لأن السواق رفض بالحجة السابقة اللي ذكرت.. وطلبت الخادمة أتصل على السواق تعرف وش السالفة بعدها تصيح وتقول حرام أنا مابي فلوس خلاص برجع لديرتي علمتها ماترجعين الا ترجعين فلوسي كامله ولا تشتغلين .. قامت تصيح وتقول انا بطعن نفسي بسكين ومن هالكلام
عموماً سجلت بلاغ عن طريق الجوال للشرطة أن الخادمة تهدد تقتل نفسها.. لاسمح الله تسويها هالمجنونه
وش الحل ياجماعة أنا الخادمة ما أبيها بس حرام فلوسي تروح ماخذ دراهمي وأخرتها كذا
وين أروح أشتكي وهل يرجعون فلوسي
ماتبي تشتغل عند ناس ثانين المشكلة وبيتي دور صغير ومدلعها من أكل وبطايق شحن تكلم اهلها بس صدق من قال البنقاليات ماينفعهن طبعاً مو كلهن الا ما ندر
وأنتظر مشاركاتكم بالنصيحة لاعدمناكم

samarik 12-05-2017 03:22 AM

السلام عليكم

اعلم اني قد خسرت الكثير و تجرعت مر الحاجة حتى ادركت و بفضل الله تاملت في الحديث قال رسول الله صل الله عليه وسلم : ( إن الرفق لا يكون في شيء إلا زانه . ولا ينزع من شيء إلا شانه ) رواه مسلم


1-ارفع الراتب وانت مرتاح البال لوجه الله .... واكيد انت متابع ولكن اعلم انها مدرسة ولابد ان تتقن في دفعها للعمل.
2- شجعها وا رحمها لله ..فهو يكفيك وثق بالله اني وجدت حلاوة هذا ونتاجه ... وكن متغافل ..
3- كلمة تشجيعية كل 3 ايام تجعلها تلمع البلاط وتخلص بفضل الله... ولاتقف عند الاخطاء ** فقط عاتب فهي ضعيفه وغربه
ولابد ان تنظر الى التكلفة والحاجة --- واعلم ان في الحديث ما كان الرفق بشيئ الا زانه .. وحفظكم الله من كل مكروه
4- الحاجة للخادمة تجعلك تصبر وتقدر .... او الراحة راحة بال حتى لو خسرت مالي كله سفرها افضل حل.

z3iiim 12-05-2017 07:32 AM

لو على رفع الراتب رفعته وارتحت هي قبل لا يقولها السواق ان راتبها 1000 شينه نفس واذا اشتغلت اشتغلت بأكراه
عارف انها محتاجة بس اول ماجت تقول انا مغصوبة على الشغل زوجها جابرها وأنا وش ذنبي معهم اتحمل مرارتها

samarik 12-06-2017 05:49 PM

شكرا لك وارجو قراءة الموضوع التالي

اجراءات مهمه عند رفض العامله للعمل و تشكل خطر


الساعة الآن 02:41 PM.

Powered by vBulletin® Version 3.8.9
Copyright ©2000 - 2018, Jelsoft Enterprises Ltd.
Search Engine Optimization by vBSEO 3.6.1