السلام عليكم
بشرح لكم مشكلتي وانصحوني وش اسوي
زوجتي استخرجت تأشيرة واستقدمنا لها خادمة فلبينيه باسمها
المهم الخادمة وصلت وكانت الإجراءات سريعة ومافيش مشاكل لين شفنا وجهها الله لا يعيدها
كانت تظهر الضعف وطلعت تخبي تحته البلاوي
جلست ثلاثة ايام طبيعية وبعدها فجأه جلست من الصباح لين العصر تتلوى وتصارخ بالحوش وفضحتنا بالجيران
ولا خلصت رجعت ونامت واليوم الثاني نفس الموال وترفض تكلم اي احد حتى اهلها
المهم وصلت معانا منها وترتنا ووترت الأطفال وخوفتهم
قمنا كلمنا المكتب وكلموها وتفاهموا معها قالت ماعطوني جوال طبعا جوالها معها بس ما جبنا لها شريحه لكن مخلينها تكلم اهلها اكثر من اربع مرات وعلى حسابنا
المهم في يوم واحنا في الدوام اخذت المويه المغليه وكبتها على نفسها وطبعا واضح هالشيء لان المويه جايه ع الكتف والرقبه وهي تقول من الغلايه شلون تجي كتفها ورقبتها وهي واقفه
المهم صياح ومناحه وودينها المكتب وجلسوا يحاولون فيها تروح كفيل ثاني ورفضنا حنا قهرتنا
المهم رحلتها الخميس اللي فات
والمكتب يقول انها غادرت وشانت نفسيتهم معنا وساء تعاملهم
وفي ابشر نشيك وعجزنا ما تطلع مغادرة
واليوم كلمنا قال انها رافعه قضيه علينا وعلى المكتب ولا ندري في أيش لكن انا متأكد تبي لها تعويض او ان السالفه لها علاقة بالحررق هذا اذا المكتب صادق
حسبي الله ونعم الوكيل بس ما ندري وش نسوي وكيف نتعامل مع المكتب لانها فترة تجربة ونبي نجيب بديلة حسب العقد والشروط
انصحوني جزاكم الله خير وش الإجراءات اللي أسويها الان عشان اقدم بنفس الفيزا للجديده
ولو كانت فعلا رافعة قضية علينا هل بيوقفون اوراقي وماراح اقدر اجيب بديله المهم اللي مر بهالتجربة يشرح لي جزاكم الله خير وش اسوي بالضبط

الله يعينكم ويعوضكم بأخير منها ***
مادام ما طلعتوا لها إقامة وهي تحت التجربة (3 شهور) فمن حقكم تستخرجون تأشيرة بديلة من مكتب العمل ...
وبالنسبة للخادمة عملتوا معها الواجب وأكثر وطريقتكم كانت صحيحة برجوعكم لمكتب الإستقدام وما بوه خلاف وعندكم ما يثبت بأرقام تواصلها مع أهلها ولا تمسحوا الأرقام ولو كانت مكالماتكم بالجوال مسجلة ببرنامج تسجيل بالجوال كان تمام تفيدكم في الدعوة لا قدرالله ضدكم من قبل الخادمة أوالمكتب .. هذا ما آستطعت أفيدك فيه .....

أخي الكريم الموضوع لا يحتاج ترتبك ولا شي
حقك محفوظ وقد قمت بما يجب اهم شي ان المخالصه معك
اما المكتب فليس له منه او غيره بإمكانك ان يعوضك او يعيد مبلغك كامل
اما موضوع الشكوى في الفلبين فهي محاولة تبتز الوكيل في الخارج فقط وليس لك دخل بها
ولو كان لها حق لما سافرت الى دولتها برغبتها وجلست لدى سفارتها
المهم بالموضوع
لك حرية الاختيار اما تعويض او اعادة مبلغ كامل