شغالتي تبي احول 1200 ريال لها بأندونيسيا ؟

03-15-2012 06:04 PM ( ابونايف )#1
أسعد الله أوقاتكم بكل خير
( طلب استشاره )
شغالتي الاندونيسيه اكملت سنتين وطلبت خروج وعوده
الوضع نظامي ولا في أي مشاكل
الآن اتصلت علي من اندونيسيا تقول حول لي 1200 ريال حقت التذكره
وخلال اسبوعين راح ارجع للسعوديه
تقول ان مامعها فلوس نهائيا ولاأحد من قرايبها والحل بيدك
فيه طريقه او حل للمشكله هذي
***
إذا قلت لها لا ماراح احول
سأضطر لدفع 15 ألف ريال للإستقدام من سيرلانكا ومادري تصلح او ماتصلح بعد !!
****
وإذا حولت لها اخاف تجحدني
ارجو المساعدة
03-15-2012 06:24 PM kraooo#2
والله نصيحة ادفع لها 1200 وتجييك وان لاسمح الله ماجات اسمها 1200
نصيحة الوضع سئ للغاية مع المكاتب..توكل ع الله..
03-15-2012 09:00 PM سحابة عطاء#3
ما راااااااااااااااااح تجيك

اسمعها مني شغالتي قالت نفس الكلام وربي بالنص
وقفلت الجوال ولا رجعت

اصلا في المطار ورقة الخروج والعودة اللي معاها يشققونها موظفي المطار عندهم
03-16-2012 01:18 PM ابومحمد جاكرتا#4
اصلا في المطار ورقة الخروج والعودة اللي معاها يشققونها موظفي المطار عندهم[/QUOTE]

هذي قويييييييييه خخخخخخخخخخخخخخخ:eek:
03-17-2012 01:03 AM EME999#5
العفو من الجميع زوجي راح لاندونيسيا ورجعو معاه على نفس الرحله للسعوديه شغالات عندهم خروج وعوده عادي جدا

انا انصحك انك تشتري لها تذكره مو تحولها فلوس وهي تستلمها من المطار اذا فعلا ناويه ترجع وانت من جهتك اشتري تذكره ممكن تسترجع فلوسها لو هي ما استخدمتها انا كمان مرسله شغالتي اجازه المفروض ترجع في اخر ابريل وبنشوف ايش يصير
03-17-2012 01:53 AM أحاسيس#6
اقتباس
المشاركة الأصلية كتبت بواسطة eme999 »

العفو من الجميع زوجي راح لاندونيسيا ورجعو معاه على نفس الرحله للسعوديه شغالات عندهم خروج وعوده عادي جدا

انا انصحك انك تشتري لها تذكره مو تحولها فلوس وهي تستلمها من المطار اذا فعلا ناويه ترجع وانت من جهتك اشتري تذكره ممكن تسترجع فلوسها لو هي ما استخدمتها انا كمان مرسله شغالتي اجازه المفروض ترجع في اخر ابريل وبنشوف ايش يصير

اواففها الراي 100٪
03-17-2012 02:41 AM ابو الحلا#7
ابو نايف
والله انا مررت بنفس التجربه وحولت فلوس وماشف الخادمه الى يومك هذا
لكن مع خادمتك ومع هذا الوضع السيئ نحسن النيه شوي

فيه طريقه وهي تذهب لمكتب الخطوط او اي مكتب سفريات وتستخرج تذكره طيران وتطلب منهم انه اذا ما استخدمت التذكره مثلا من اندونيسيا الى الرياض وبأسم هذه الراكبه يعاد صرفها الى نفس المصدر وهذا الاجراء معمول فيه فب اغلب شركات الطيران لكي تظمن ان الخادمه ماتقوم ببيع التذكره يعني التذكره تكون غير قابله للبيع او لسفر شخص اخر

والله يعينك ترسلها لها مع الشركات السريعه مثل ارامكس او فدكس او دي اتش ال
03-17-2012 03:07 AM اابوسلطان#8
بالنسبه لاندونيسيا بتجي الان ويتم النفييز للخادمات وتوصل للرياض اغلب الخادمات بيكون الحجز للرياض

اما خادمتك اذا ناويه تجي عاادي بتدفع تذكره واذا فيه رسوم بسيطه للخروج والعوده ممكن تدفعها
وهناا الامر بيدك اذا الخادمه ثقه وصادقه وفعلا ناويه تسافر فارسل لها المبلغ وراح تجي
واذا مو واثق فيها هذا شي ثاني

تحيتي لك
03-17-2012 11:43 AM يقظانة#9
اشتري لها تذكرة ماتقر تستفيد منها الا بالسفر فقط
واعطيها رقم التذكرة هي تطلع لها نسخة من بلدها
مايحتاج ترسلها برسالة....
03-17-2012 12:30 PM البحر#10
شغالتي اهلي
ارسلو ا لها فلوس ولا جت
03-30-2012 07:12 PM ابونواف918#11
انا انصحك ترسلها لمكتب محترم باندونيسيا لو تبي مكتب راسلني على الخاص
فيه تصريح الخروج من مكتب العمل يكلف نفس المبلغ اللي ذكرت لك
لكن لاتضمن صدقها ارسلها للمكتب وحول الفلوس للمكتب
03-30-2012 10:28 PM فهد العثمان#12
اقتباس
المشاركة الأصلية كتبت بواسطة eme999 »

العفو من الجميع زوجي راح لاندونيسيا ورجعو معاه على نفس الرحله للسعوديه شغالات عندهم خروج وعوده عادي جدا

انا انصحك انك تشتري لها تذكره مو تحولها فلوس وهي تستلمها من المطار اذا فعلا ناويه ترجع وانت من جهتك اشتري تذكره ممكن تسترجع فلوسها لو هي ما استخدمتها انا كمان مرسله شغالتي اجازه المفروض ترجع في اخر ابريل وبنشوف ايش يصير


هذا الراي السديد

اشتر لها تذكره واحجز لها واعطيها بيانات الحجز
ان اتت عليها كان بيها وان لم تاتي لن تخسر الا 10 % من قيمة التذكرة المرتجعه


Search Engine Optimization by vBSEO 3.6.1