اغيثوني ... صدمات مكتب التسول مع شغالتي

01-09-2010 06:45 PM مجروح#1
السلام عليكم ورحمة الله وبركاته
أعزائي اصحاب هذا المنتدى الرائع ..
استشيركم بأمر عجز عقلي عن تصديقه ... وضاقت بي الدروب
مشكلتي ... استقدمت شغالة اندونسية منذ خمس شهور ... وانا من المنطقة الشرقية .. عملت لدي ثلاث شهور .. وبعدها هربت وبلغت الشرطة ومكتب التسول بالدمام ... بعد شهرين اتصل علي مكتب التسول بأنهم وجدوا الشغالة طبعا راحت لجدة ورجعت .. جيت بأخذها علشان أسفرها .. رفضت المجي معي ..
وابلغني مكتب التسول أنه لابد أن أدفع لها خمس رواتب واجيب لها تذكرة السفر من حسابي مالي دخل في رواتبها..وهم يتكفلون بترحيلها
السؤال .. هل من المعقول أدفع لها راتبين ماكانت عندي كانت هربانه لمدينة جدة ..
وادفع التذكرة والإقامة من عندي من غير ما أخصم لها اي شيء ..
يعني راح علي فلوس التقديم ، والإقامة ، والرواتب ...
يعني لوكانت مثلا .. هربانه سنة كاملة .. أدفع لها رواتب سنة كاملة ؟
مع العلم أنه أقرأفي المنتدى انه من حقي في حال رفضها للعمل أمسك عليها خمس رواتب .. يا ناس ما أبغى منها شيئ .. بس تدفع قيمة التذكرة والإقامة من رواتبها .. والمدة اللي كانت فيه هربانه اخليت مسؤليتي بالتبليغ .. يعني هي ما خسرت ولاشيئ رواتبها ماشية حتى لو ماكانت عندي والتذكرة تجيها باردة مبردة..
الرجاء اللي عنده رد واضح .. ممكن أحاجج فيه مكتب التسول لا يقصر معي
وإذا فعلا هذه هي الأنظمة فما أقول إلا حسبنا الله ونعم الوكيل
وكذلك .. سمعت أنه إذا تأخرت إجراءت الشغالة عندهم وما أستلمتها يحرمونك من التقديم لمدة خمس سنين... اغيثوني
01-09-2010 07:00 PM ابو حمود وبدر#2
وعليكم السلام ورحمة الله وبركاته


التذكرة تخصم من راتب الخادمة لانها اخلت بالشروط
01-15-2010 04:26 PM مجروح#3
للعلم سألت مكتب استقدام عن قضيتي قال مالهم حق لأن ثلاث شهور تعتبر تجربه وتخصم منها الإقامة والتذكرة .. وبعد ماهربت منك وبلغت الشرطة او مكتب التسول الغيت رواتبها لهربها ....
وفعلا .. دخلت على المدير ؟؟؟؟؟؟
وقال كل كلامك صحيح ... وبلغني بإسم الموظف اللي قال لك أنه لازم تدفع لها خمس رواتب .. وقلت له ماعرفه لأنه بلغني بالتيلفون ..
قال المدير : ثلاث شهور تجربة مالها شيء ... وفي حالة هروبها وتبليغك عنه أيضا مالها شيء ...
واتمنى من الجميع ... أن يستفيد من تجربتي ...
01-24-2010 04:53 PM patchi#4
السلام عليكم
انا عندي خبره من الاستقدام مو اقل من 5 سنين
اشتغل في مكتب الوالد
بس حبيت اوضح لك يا اخي مجروح
ان المفروض تمسك اول 3 رواتب للخدامه وتدفعها لها بعد ماتكمل سنتين عندك وتقولك ابي اسافر او اكمل وقتها من حقتها تطلب ال3 شهور المتاخره
بس لو اجلست عندك 3 شهور واهربت
وبعد شهرين لقوها وانت امبلغ عليها من اول ماشردت
مالها اي حق انها تاخذ منك اي حاجه
لان مثل مالها حق بالثلاث شهور من رواتبها
انت لك الحق انها تشتغل عندك سنتين كامله وبدون ماتضايقها من اي ناحيه
وتخاف فيها ربك
بس دامها اهربت حنا بالعاده نحاول نقعنها انها تشتغل وتستمر وتترزق الله
بس دام انها اهربت من البدايه فهذي الخدامه تخوف
فاشتري لها التذكره من رواتبها المتاخره وسفرها ولا تعطيها شئ لان مو من حقها لانها اولا ما اشتغلت سنتين
ثانيا ما اشتغلت الشهرين اللي اهربت فيهم
وعشان ما احط شئ بذمتي اسال اقرب *** منك
وعلى **ره ترا انا توني مسجل في المنتدى وحتى مالاحظت متى كان تاريخ موضوعك هل انا تاخرت فيه او ماتاخرت مدري
واسمحلي على الاطاله
01-30-2010 07:07 PM ابومشعل الشمري#5
حسبي الله ونعم الوكيل
01-31-2010 11:18 AM صادق الوعد#6
حسبي الله ونعم الوكيل
03-08-2018 08:57 PM جومانه مصطفى#7
يسلمووووووووووووووووووووووووووو
03-08-2018 08:58 PM جومانه مصطفى#8
جهد مشكوووووووووووووووووووووور جدا


Search Engine Optimization by vBSEO 3.6.1