تجربتي في استقدام خادمتي مع مكتب موطن الأحباب للاستقدام.. "متجدد"

12-30-2015 03:04 PM ام علي ونور#1
السلام عليكم
صباح/مساء الخيرات..

من فترة طويلة وانا ابحث عن مكتب استقدام ثقة يجيب لي خادمة وتوصلني بأسرع وقت ..وللأسف مالقيت ..معظمهم من 4_6شهور ويكون استقدام شخصي ...والبعض يكون مكتبهم في الهند ..وبكذا مابكون فيه ضمان على الخادمة لما كلمتهم قالوا اذا جتك الخادمة مو كويسة تنازلي عنها..
وفي منهم مكاتب وهمية مالها فرع في السعودية ..بعد ماتدفع المبلغ يماطلوو معاك ويطنشوا مكالماتك الين تتعب ..
والحذر الحذر من اي شخص يرد عليكم في المنتدى ويرسل لكم رسالة خاصة برقم واحد يستقدم شخصي وثقة وسريع وامين ووو....ترى هذول نصااااابين^_^
انا بنفسي حصل لي هالموقف
رسلت لي وحده رقم ولما كلمت قالت انها من المدينة وسالفتها في الغموض واللف والدوران طووووويله...وطلعت اصلا وحده نصابه افغانية وساكنه في جدة ^_^
فخذووو الحذر

المهم مابي اطول عليكم
لقيت مكتب اسمه
"شركة موطن الأحباب القابضة لخدمات الاستقدام"
مقرهم في جدة
مكتب مرخص ويجيب الخادمات خلال شهر وعليها ضمان..
في الفترة الأخيرة كلمت عدة مكاتب وهذا اول مكتب نحس انهم ثقة وكلامهم واضح جدا وباين انهم ناس تخاف الله..وهم الا يسافروا بنفسهم للهند وبنجلادش ويختاروا الخادمات بنفسهم.

استخرجنا فيزا هندية وسلمناهم اياها بتاريخ16_12_2015

بعدها بيومين ارسل لنا صورة العقد وسند القبض لأن احنا ساكنين في الشرقية ماقدرنا نستلمهم يدا بيد..
وفي العقد كل شي واضح
الضمانات ومواصفات الخادمة والمبلغ المدفوع وختم وتوقيع المكتب..
و خلال هاليومين بيرسل لنا صور خادمات حتى نختار وحده منهم

واي مستجدات راح اكتبها لكم هنا
واي استفسار انا حاضرة^_^
12-31-2015 02:18 AM متابع بصمت#2
بالتوفيق يا أم علي وإن شاءالله يصدق معكم المكتب ....
12-31-2015 07:00 AM ام علي ونور#3
جميعا يارب...
ان شاء الله توصلنا بشهر مثل ما وعدنا..ننتظر ونشوف
12-31-2015 04:54 PM ام علي ونور#4
ارسل لنا اليوم المكتب واخترنا صورة الخادمة ...
ماشاء الله مناسبة جدا ونفس المواصفات المطلوبة ..ارسل لنا كذا صورة لها
هنديه بس شكلها فلبيني ولطيفة وبشوشة^_^
12-31-2015 09:32 PM متابع بصمت#5
شكلها فلبينية !!!
يمكن تكون نيبالية مستقدمة عن طريق الهند ...!!!
النيبالية بالخدمة أفضل من الهندية _ والله يوفقكم فيها ....
12-31-2015 11:07 PM تواصل#6
يا خي اعطينا رقم المكتب
01-01-2016 01:02 AM ام علي ونور#7
اقتباس
المشاركة الأصلية كتبت بواسطة متابع بصمت »

شكلها فلبينية !!!
يمكن تكون نيبالية مستقدمة عن طريق الهند ...!!!
النيبالية بالخدمة أفضل من الهندية _ والله يوفقكم فيها ....

لا مكتوب في جوازها هندية..الحمد لله شكلها مقبول جدا جدا
ان شاء الله توصل بالسلامة
شكرا..
01-01-2016 01:15 AM ام علي ونور#8
ولا يهمك شوي وارسل الرقم


Search Engine Optimization by vBSEO 3.6.1