|
ايش الضمانات على تفرعن السووايق وإذلالهم لنا
القصه ومافيها جبنا سواق هندي على اساس انه يعرف يسوق معه رخصه من بلده طلع ميح ومقلب كالعاده وربي ما اكذب انه جلس يمكن 7 شهور 3منهم زي البهيمه خالي يدرب فيه ويعلمه يقول مابي اسلمه السياره يعدمها ويعدمكم و4 شهور ندربه ونتحمل رسوبه في مدرسة القياده ونشغله للمشاوير ام 3 دقايق و5 دقايق ويتوطا الارصفه زي الثور واحنا ساكتين وصكنا مخالفتين وحده 300 والثانيه 500 وكلهم دفعتهم امي ووقتها كان زي القط الجوعان يادوب ينسمع صوته وبس راسه في الأرض لا يكش ولا ينش لأن كان عندنا سواق قبله واحنا نهيأه عشان يستلم مكانه والظاهر طول هالفتره كان مرعوب من وجود السواق الثاني وكل كلمه والثانيه ( مافي فايده اثنين سواق في بيت واحد) وطلع الجنون براس السواق الثاني كل يوم يشتكي منه ( هو يسوي ازعاج * انا مافي نوم كويس * هو يسكر تلفزيون ) ومن هالخرابيط * السواق القديم ماكان ملاك بس احنا لانا نشوف هذا قمه في تصنع الأدب والإحترام ونصدقه ونصبره ونقوله هو شهر بس ويروح المهم السواق القديم سفرناه بعد مافتحت عين هالزفت شويتين وقدرنا نسلمه السياره وطلعنا له الإقامه وطبعاً تأخرنا في اصدار اقامته وتحملنا التأخير * الزبده اول ما استلم الإقامه وضمن اننا تورطنا فيه وسفرنا الأول تغيرت لهجته لسانه طال وعصبيته لاتطاق ويشتغل بالدف والمنه وماعلى لسانه الا كلمة (انا مافي فايده لازم زياده راتب كل صديق ياخذ 1500 ليش انا ياخذ 1200 ) وإذا قلنا له انت ماتعرف تسوق وهذا اتفاقنا مع المكتب قال : انا الحين مايعرف يسوق !! يعنني صاير محترف الحين !! ماادري من وين يفهم المهم انه يشتغل بالجر مع انا والله يمر عليه احيانا اليوم واليومين ماعندنا مشاوير ولا يطلع انا الوحيده من اخواني اللي عندي دوام ودوامي يبعد عن البيت 10 دقايق وكله لطعات وتأخير واحنا ساكنين في محافظه واحياناً اروح للسوق او مواعيد مستشفى في مدينه ثانيه المشوار ساعه اروح مع الوالده العصر ونرجع بالليل وهالشي يصير مرتين او 3 خلال الشهر بالكثير وياويلنا ياسواد ليلنا ذيك الليله انواع النزر والتعصيب ويرجع طاير بيعدمنا من كثر السرعه وماعلى لسانه الا كلمة انا مافي اكل انا مافي انسان مع اننا نشتري له عشا او نعطيه فلوس ونقوله اعاشتك عليك اذا مو عاجبك اشتر يقول انا مافي فايده يشتري اكل لازم يرجع غرفه عشان يسوي اكل يعني نجيب له الغرفه والا نشيلها معنا ويكملها ثاني يوم الصبح يقفل الجوال ويكبر المخده وانا انواع الدقدقه بالجوال واذا يأست رحت ادق على غرفته واطلعه وهو يلجلج ويقول انا مافي انسان انا يجي بالليل تأخير لازم نوم : اجاوبه واقوله انا سيم سيم يجي نفس الوقت ومافي مدير يكلم انا عشان يجي دوام اقوم من الفجر والبس واجهز وانلطع انتظر حضرة جنابه ووراي دوام طويل وهو كل اللي وراه توصيل ابو 10 دقايق ويرجع يكمل نومته عساها ما تخلص وعبث انه يفهم او يستوعب اللي براسه براسه كذا مره يسوي نفس الشي ويخترع اي مشكله مع خواتي الباقيين عشان يرمي المفتاح ويقول انا مافي شغل عشان يذلنا ويستفيد من هالمشكله انه يريح يوم او نص يوم على اساس انه مضرب ومايبي يشتغل واذا طاح اللي براسه رجع ياخذ المفتاح |
ماعليش اسفه على رداءة التنسيق ماعندي وقت وتحملوني بس قصتي طويله عشان تعرفون معاناتنا كنساء مع اذلال هالسووايق
انا طقت نفسي من عصبيته ووقاحته بس الوالده الله يهديها تمسكت فيه تقول كلهم نفس الشي وهذا انا متخسره فيه استقدام وتدريب واذا بجيب واحد جديد بنتظر وبتخسر من جديد خليه يكمل هالسنتين ونشوف طبعاً ما عجبني الوضع قدمت بإسمي سواق جديد خصوصاً اني نقلت جهة عملي لمكان يبعد عن البيت ساعه وابي ارتاح نفسياً من عصبية وذل السواق مع العلم ان دوامي البعيد فقط يومين في الاسبوع وباقي الاسبوع انا ماطلع من البيت الا للضروره وكلها مشاوير قريبه تبعد 5او 10 دقايق وساعه او ساعتين وانا راجعه السواق الجديد وصل وكان من مقاطعه من الهند لغتهم غريبه عجيبه لايعرف لا اوردو ولا عربي ولا انجليزي وكان التعامل معه صعب جداً وبالإشاره بس كانت اخلاقه وتعامله قمه في الأدب والإحترام يعتذر إذا غلط ويوعدني انه يتعلم ويتحسن وكان مثل الصوص يادوب يطلع صوته وكلماته معدوده لدرجه شكيت انه اطرم طبعاً كانت خبرته بالقياده محدوده مع اني حرمت بعد تجربتنا مع الأول اجيب مستجد واشترطت على المكتب يكون خبره وجابه على اساس مشتغل في دبي 5 سنوات طلع مايعرف يمسك السايد اليمين ولا اليسار ويسوق بالبركه هذا غير مشكلة لغة الاشارة معه كلمت المكتب وجلس يماطلني ببدله لك وببدله وحاولي معه هالثلاث شهور يمكن يسلك وماتضطرين للبديل سمعت نصيحته ووعوده وجلست ادرب الأخ وبدا شوي يفهم بالسياقه واللغه بقت مشكلة والمكتب اسبوع يرد و3 يطنش ولازال على وعوده انا لما قربت مهلة 3شهور فكرت وقلت مادامه بدا يعرف يسوق واخلاقه كويسه اهم شي الأخلاق :p مااضمن يبدلونه لي بواحد عصبي ووقح زي فرعون الأول وطبعاً المكتب استفاد من المماطله وانا ماكان قدامي الا اقرر اني اطلع له اقامه قبل لا يغرموني او اسفره واتحمل مماطلة المكتب ويمكن مايجيبون لي احد اصلاً لان هو مارفض العمل وضماناتهم زي ماتعرفون عالمرض والاضراب فقط الحاصل اني طلعت اقامته وهو ساكن في نفس الغرفه مع سواق الوالده الأخ فرعون بدا يوسوس له ويدرسه وربي انه في نفس الأسبوع اللي استلم فيه الاقامه والرخصه اللي ماطلعت الا بعد بهذله بسبب ضعف لغته لدرجة ان ضابط المرور قال هذا حاله ميؤوس منها ومشاه كذا لانه يقول هذا ماله حل الا نتعلم لغته عشان نقدر نفهم عليه في نفس الاسبوع تغيرت نبرة صوته وصار يجادل على ادنى سبب وكملت لما بدا الدوام وصلني اول يوم وانتظر برا وطلعت الساعه 1 ونص وربي اني يومها كرفت كرف الجهد وما اكلت وطلعت لقيته جالس في مسجد طول اليوم مع انه مو مسلم واول ماركب السياره يزفر وينفخ كأنه طالع من عزا ولما صرنا في نص الطريق قالي : انا مس مافي اكل انا تعبان انا مافي انسان قلت له ماشي تحمل انت امس وقبله ماطلعت من غرفتك وهذا دوامي واذا عالاكل دبر امورك اعاشتك مع الراتب هنا جنت جنونه وقام يصارخ نفس جملة الأول : انا مافي فايده لازم يجلس غرفه عشان يسوي اكل شوي والا اشقق ثيابي الأخ متوقع جايبته من الهند عشان يجلس بالغرفه ياكل :confused::confused: |
عشان ترتاحين خليه يتفاهم معه رجل
يشد عليه شوي |
كان الله بعونكم .... فعلا السائق و الخادمه بموجب خبرتي تووووفيق من الله فقط
عموما اذا حابين مساعده في موضوع السائق انا جاهز في خدمتكم لوجه الله ... واحتاج تفاصيل اكثر و ممكن تتواصلون معي بالواتس تحياتي |
خليك قويه معهم السواق ترخين معه ياكلك
لو قال اكل ردي عليه وقولي ليه متى مارجعت للبيت كل لو جوعام اذا نزلتني رح لاقرب مطعم وكل وانا مالي دخل تاكل او ما تاكل مسئله تبررين له لاتبررين قال لك انا انسان قولي له انا جايبتك شتغل مو اتفرج عليك موب عاجبك الوضع اسوي لك بلاغ هروب وماتدخل لدول الخليج والسعوديه 5 سنوات واسفرك الهنود ما يمشون الا بالشده والعين الحمراء لانهم خوافين انا زوجي متساهل مع السواقين تشوفينهم ما كلينا ما يجي سواق ويطلع رخصه ويدل الشوارع يسوي فلم يسافر ويرجع يشتغل عند غيرنا بأعلى راتب الله يعينكم ويعينا |
في موضوعي هذا احببت اقدم فيه تنبيه للجميع بعدم التعامل مع مكتب نتواصل للخدمات التجارية هو مكتب وسيط للاستقدام المكتب قائم على الكذب والتحايل والخدام واخذ حقوق الناس بالباطل يماطل ويراوغ الآن المكتب مغلق ولا اعلم الاسباب الحقيقية زلكن على حسب معلومات انه اغلق من قبل الجهات المختصه بعد تقديم الشكاوي علية انصح بعدم التعامل معه سوى بالاستقدام او غيره ...
لانا تقدمت بشكوى عليه ولن ارحمه ولن ارضى بأخذ حقي غصب او خداع ارجو من قدم على المكتب او تعامل معه يبدأ بالاجرات من الآن . وشكرا |
السواق لازم تشدين عليه ولاتعطينة تبريرلمشاويرك او تاخيرك واذافية رجال يشد علية وحتي لورفض العمل قولي اوكية وراتب مافية تري اخوي عنده سواق كذا لكن سحب السيارة منه والاقامة وقالة روح نام بغرفتك وراتب مافية ولاجوال يومين واليوم الثالث جايين يعتذر بيشتغل والان مثل الالف
|
الله يكون بعونكم
|
اعطى الاجير حقه قبل ان يجف عرقه 1200 ريال وش تسوى خافى الله فى نفسك ولا تتفرعنين على السواويق وتعاملى معه على انه انسان وضعى نفسك فى مكانه
|
كلهم حراميه هالمكاتب
|
اقتباس:
اما بالهند 1200 تشتري له فله وهو جا وعارف الراتب كم وراضى به يعني حتى انت بتصف مع العماله ابشرك مكتب العمل معطيهم حقوقهم وزيادة واللي رايح فيه الشعب.........من غير تحية لوزير العمل😑 |
اقتباس:
صادقه والله ام نوره فيه ناس فاهمين الرحمه غلط والأخ شكله مو عايش بالدنيا يعني مجبورين نجيبهم بمبلغ وقدره ونتحمل جهلهم بالقياده واللغه وفوقها طولة ألسنتهم الهنود بالذات يجون من بلدهم بالبركه وماعندهم استعداد يطورون انفسهم والجدل عندهم والكذب ماله حد اهم شي ياخذ منك فلوس ولو راتبه يتأخر يوم اضرب وهد الدنيا وانتي عادي تتحملين اغلاطه وانتي ساكته اوكي انا عندي استعداد اعطيه اجرته شهر بشهر وهذي حقوقه عندي بس هو وين انتاجه اللغه والقياده والإلتزام بالوقت هذي شغلتك ما اجيبك من الهند عشان ادربك عليها زي واحد وربي جبناه انه مايعرف جمله وحده كامله بالعربي وكمل السنتين وراح وهو بنفس الوضع وانا مصدقه انه يبي يتعلم واعطيه قواميس واكتب له اوراق واقوله اطلع للبقاله تعلم شوي العربي ماراح يجي من السما وهو اذن من طين وإذن من عجين وطول اليوم جالس بغرفته يقرقر بالجوال مع اهله كأنه عايش ببلده ويسلك لي ويقول انا يقرا ورقه عربي يجي شويه شويه وفي آخر اسبوع قبل سفره لما صار ماعنده شي يخليه يستحي على دمه قالها لأمي صريحه انا ايش فايده مدام يتعلم عربي ؟؟:p يعني كأنه يقول مادام راتبي ماشي وانتو تورطتو فيني خلاص ماله داعي ابذل جهد والا اتعلم وقسم بالله انهم مستغلينا وماصين دمنا ومكتب العمل اللي المفروض يكون معنا صاف معهم وفوقها سفارتهم |
| الساعة الآن 09:28 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir