|
تحذير عند الاستقدام من سيرلانكا
السلام عليكم ورحمة الله وبركاته
لجميع الاخوه الاعضاء الراغبين الاستقدام من سريلانكا تنبيه: حسب ماوصلني والله ع ما اقول شهيد الان في سريلانكا الوضع من ناحية الخدم غير مطمئن ذكر لي احد الاخوان انه الان يتم الاتفاق مع الخادمه للعمل في السعوديه لمدة ثلاة اشهر وبعد انتهاء فترة التجربه تضرب الخادمه عن العمل والعوده لبلادها وعلى هذا المنوال والمستفيد في هذه الحاله السمسار الخادمه المكتب المستقدم ارجو التنبيه والنشر المشكله والمصيبه انها اذا رفضة العمل وسافرة تقدر ترجع لو بعد اسبوع ع اسم شخص ثاني مافيه نظام او اليه متبعه عندنا تحمي المواطن وتعاقب الخادمه بالمنع والعمل مره اخرى بسعودي تحياتي لكم |
وعليكم السلام ورحمة الله وبركاته
لست متأكد مما ذكرت لأن فيه خادمات استُقدموا هذه السنة والسنة الماضية ولم يحصل ما ذكرت!! إلا اذا كان عندك اثبات ضد مكتب معين يقوم بهذه الطريقة فهذا شئ اخر علما ان المكاتب او المستقدمين ليس لهم مصلحة ان ترفض الخادمة العمل او تتمارض لأنها تضر بسمعته.. ايضا لا يحق للعاملة بعد الخروج النهائي العودة إلا بعد سنتين او اكثر والبصمة تردعها من التلاعب فنرجو التحقق من المعلومات بارك الله فيك لأن هذه الأخبار تبسبب البلبلة في الوطن نحن في غنى عنها. تحيتي |
الاخ مسير معاك حق
حدثت لصديقتي نفس الحادثة استقدمت خادمةسيرلانكيه في شهر ربيع ثاني من مكتب بالرياضؤب18 الف وحضرت الخادمة وكانت كأفضل مايكون لم تجد فيها عيبا واحدا وبعد انتهاء الثلاثة أشهر قالت اريد ان اسافر وعندما سألتها لماذا قالت خلاص خلص 3 شهر ورفضت صديقتي تسفيرها في البدايه ولكم عندمارهددت الخادمة بقتل نفسها ان لم تسافر وفعلا وجدت سكين كبيرة تحت فراشها خافت على اطفالها وسفرتها قبل رمضان وراحت فلوسها كللللله خسارة |
الاخ مسير اتفق معاك 100٪
صدقت فيما قلت وتوي مسفرة شغالتي مالها اسبوعين من سافرت من مكتب التسول ومااشتغلت الا ستة شهور ويشهد الله انها كانت مدلعة فوق ماتتصورون وطول وقتها مرتاحة ولمن سالتها بعد اللي سوته ماقدرت ترفع عينها فيني وكان مبين انه احد معلمها الخطوات وبالفعل اعترفت للتسول انها سوت كذا متعودة وكانت تحاول تجر شغالتين لاخواني الاثنين بنفس الطريقة وهما بلغوني وقالوا هي متعودة سوت كذا بصاحبها بالقريات وبالكويت حسبي الله عليهم استغلوا حاجتنا لهم فالحذر يااخوتي
اول مرة استقدمت من مكتب بانو مان بور سيرفس ترخيص رقم 155 الثاني عن طريق سيريلانكية اسمها ام رشاد تجي البيت تعبي الاوراق عندك وتاخذ نص المبلغ وهذا رقمها 054 1883871 تتعامل مع مكتب يونيكو بسيريلانكا تجيب عشر فاشلات ووحدة منهم تقدر تبلعها غصب الله المستعان |
اخ فتى نجد لم اتهم احد معين وذكرت ماذكر لي من اشخاص سريلانكيين في هذا المجال
واكتفي بردود من بعدك للتوضيح على ماذكرت تحيتي يافتى نجد ممكن توضح لي سبب ايقاف عضويتي السابقه ؟؟؟؟؟؟؟؟؟؟؟ وياليت اذا فيه جواب توضح للاعضاء ماسبب الايقاف والا تدخلني في شبهات مع الاعضاء من غير توضيح السبب والشي هذا حق من حقوقي |
اعتقد الكلام صحيح
كنت عند مكتب خادمات بالرياض استفسر عن خادمات من الفلبين وخلال جلوسي بالمكتب تقريبا (نصف ساعه ) وجدت بالمكتب خادمه سيرلانكيه رافضه العمل لم تكمل شهر وتريد العوده وبعدها حضر رجل ومعه خادمه سيرلانكيه اضربت عن العمل بعد إنتهاء فترة (3) أشهر بالضبط وكانت تراودني نفسي ان استقدم من سيرلانكا لاكن تراجعت بعد ماشاهدت وكذلك كان لدينا خادمه حضرت مباشره من سيرلانكا ورفضت العمل |
هذا م حصل معي بالضبط أخدت شغاله سيلانكيه
بعد م تم التنازل عنهاا من كفيله للعدم الرغبه بالعمل بمنزله ونقس الشئ رفضت العمل عندي لليوم هي تبي تسافر ربي يصبرني يعوضني خيرا منهااااااا |
الكلام صحيح السماسرة هناك يلعبون علهم ..اذا قالت ظروفي ماقدر اسافر ..قال لها سافري ثلاث شهور ومن اول يوم تمارضي واضربي عن العمل وهم طيبيين مره بيرسلونك علي اول رحله ..وانتي المستفيدة ماليا ..
والسمسار مستفيد وصاحب المكتب هناك مستفيد ..والكقيل هنا جالس ينتظر الخادمه اللي بتكفيه عناء البحث لاحول له ولا قوة ..وتبداء المشكله من جديد عند حضورها ..حتي صاحب المكتب هنا بعضهم مايدري وش السالفه او الطبخة التي طبخت هناك ... اخوي فتي نجد معلوماتك قديمه جدا ..الخروج النهائي يقدر يرجع من ثاني يوم يوصل فيه ..الا اذا تم تسجيل شبهة او قضية عليه وقتها يمنع من الحضور خاصه اذا تم تبصيمه ... |
اقتباس:
والله حسب معلوماتي ان الخروج النهائي لا يحق له العودة الا بعد سنتين لكن انتم اعلم مني في هذه الامور بالنسبة للتلاعب يجب ان نحسبه بنسبة الغير هاربات مع الهاربات من الجنسية السيرلانكية لان المشاركين هنا هم الذي عانوا من هروب الخادمات السيرلانكيات لكن الاخرين الذين لم يحدث لهم ذلك طبعا لم يشاركوا لان وضعهم مستقر فالمعاناة جعلت المتضررين يكتبون تضررهم هنا ويشاركون. اللهم احفظ لنا ارواحنا واموالنا |
حسبي الله عليهم ونعم الوكيل
هل يوجد حماية لاموال المواطنين وصبرهم بالاشهر حتى توصل العامله انا متاكد ان مكاتبنا للاستقدام هي من يرضى علينا كذا وهم ن يشجع الاجنبي علينا ولا المفروض لايتعاملون اللى مع مكاتب جيدة ولها سمعتها ولا يرضون باللعب على مواطنيينهم وهلهم واهل ديرتهم وخوانهم بالاسلام بس عمى الطمع وجمع اكبر قدر من المال هو السبب الله يرد كيدهم بنحورهم ويكفينا شرهم ويشغلهم بانفسهم من اكل حلال المسلمين بالباطل |
مافيه تبصيم في الجوازات عند سفر الخادمات
|
اقتباس:
الا بتقديم شكوي علي الخادمه مثل سرقه او اعتداء ويثبت عليها بمحضر لدي الشرطه .. |
| الساعة الآن 06:18 AM |
Powered by vBulletin® Copyright ©2000 - 2024, Jelsoft Enterprises Ltd. TranZ By
Almuhajir